¹ Djiayi tè mien nouwa son inza Christ lô. ² Wiéla,gnanranmaya nihi wo inza lô oléwa n'labôssi djouroumou sran ni saya là. ³ Omien tètè sé kèla sran lô,mien nan fassi létia kèla fangan dan lé,allah wa djouroumou dangan fassi lô,ka ha détchè lanan djouroumou kossô afassi man odjio djouroumou fassi wo,. ⁴ Okèni gnin lé mien nan chia brè sran yé sawati an non, an no mien nou tè tagaman nan fassi lôko louman,fô nibrè ta chiaman. ⁵ Mien nouyé, ahata gnaranma ya kèla aha fassi man,fassi lôko louyé diala olélouyè,mien nou doyé tagaman nan aha nibrè man kobrè louyé yé dia la olé lou nihi yè. ⁶ Fassi diagnin koho louyé nihi séla saya léman,nihi brè ta diagnin yé nihi séla gnaranma ya ni ninakri léman;. ⁷ fassi diagnin koho lou yé kouta lélé allah man,mien nan abèni tè allah ya sran lô,adjiè tèsé bènan alô. ⁸ Mien nouyé ahata daman dé gnan kèla afassi man olou tèsé dia la allah yè. ⁹ Alio tawo,akani gbi fassi diagnin kolou la,ayi gbi nibrè léla,nii allah diagnin kakè ahalô,ni Christ ta nihi mankē ahalô,ahatè alô. ¹⁰ Ni Christ doka kè ahalô,afassi lô,awè tchian lé,awa saya kè djouroumou lé kossô,nihi lé gnaranma ya lô chia brè kossô. ¹² Olia kèla,n'badé lou,fassi ya djourou tè an nan,mien yakè an gnin an dounia lô tè guè kè fassi man. ¹³ Ni aha ka aya dounia lô tèguè kè fassi man, ayé nan saya kè; ni aha do ka afassi lôko lou faga ayé nan gnaranma ya ¹⁴ Mien nouyé allah ta chia bato lâ olou yé allah dénin loulé. ¹⁵ Nihi mien wanan ahaman oman nan ala sèguè la kaha to chiagnan lô; labato li nihi nin wa nan ahaman,mien man angni fètè nan:aba! anfa! ¹⁶ Ni brè gbouwè a sèlëya la an nihi lô ko an gnin allah dé nin lé. ¹⁷ Olia,kèla ni an win dénin,an nio lé tchin ta baga lé: Allah ta tchin ta baga lou,ka an nio ni inza kè olé,ni anga son tôrô man ni alé,an gnin nan tano ni alé ladô. ¹⁸ Gnan liô ko an gnin sèguè mien non bi otèsé lala an gnan tano ba man ni anga bangué lomien man. ¹⁹ Olô nkô danifon bè yé allah dé louta bangué lé konron nan. ²⁰ Mien nan danifon louyé kouta lélô,atè aha gbou diagnin lé,fômien wa Aha ladô alô. ²¹ Alé gboudo yiri sigui ni win ata labôssi la ni allah dé louka bangué. ²² Ambè,doya liô,ko danifon bèlé sèguè ni gnin bi démaya lôko lou kossô la ²³ Danifon lou dantè,an nio gbou wè alô,mien nan an kankrô klouangnan niwin anta fassi labôssi mankron nan. Mien nan angnin anta bôssi srô la an yiri sigui lélô. ²⁴ Ando yé mien yéla nin nin otè yiri sigui lé:angnin mien yéla,agnin sé ki yiri sigui olô? ²⁵ Ni ando ki yiri sigui antè mien yéla lô,angnin nan a mankron ni djédja lé. ²⁶ Olé kossô nibrè yé an djèman nan an fangan dan ya lô, mien nan angbou taliô an gnin nan mounin diè angnan sié lô. ²⁷ Nibrè gboulé an djèman nan omien nou manwié; mien djoussou lou liô olié nihi miriya liô, allah léyé a gnaguambrè lâ bouo gnan fôla siengnan ni lou koukan. ²⁸ Angnan liô, fôka liô, ko fombè Laban yé mien nouwa allah dia adjièyè, mien nouwa kihi kana aman. ²⁹ Wiela awa mien nou liô djonan, awa olou dan nin ka Aha labô adé tchè sawloi lé, mien nan adétchè yé kè dé djonan lé abadé lou tchè man. ³⁰ Awa mien labô akaman, awa olé lou kiri; adowa mien nou kiri, awa bôda di olé louman; Adowa bôda di mien nouman awa sébagaya di olélou man. ³¹ Angnin nan mounin fô oko mien nouman? Ni allah kakè anta lé,djon nien sé an djougou yala? ³² Alé mien, manto adétchè lô, awa Adi ambè lé kossô, mounin kossô atènan fombè di an man ni alé? ³³ Djonin sé allah djiayi là? alé mien bè koto la! ³⁴ Djonin nan an dangan? Christ wa saya kè;katimi oka,awa siéfouô gnan ran Maya lô,assigui ni win allah brobiê kan,bouognan fôhla anka! ³⁵ Djonin nan Christ diagnin bô an non? kankrô klouangnan wo,badi man gboya,badi kon-n'kon,oni mangban-nanya badi famourou wo? ³⁶ Asèwèni gnin lé ko:ilé lé kossô ayé an faga la lohbè,ayé an filè odjio sagadéni mien nou taga tô faga djia lô. ³⁷ Omien bèlô an nio lé sébaga lé an wan mien dia an gnin otôgô kossô. ³⁸ Mien nan siguiya tènan ko ali sayawo, ali gnaranma ya wo, oni malaika lou, oni tôrô ya, ali Biko lou oni ko mien nou nantowè, ³⁹ ali sébaga lou, ali san nondjia louni dougouman djia lou oni danifon sissi tè sé ka ambô allah ya diagnin lô mien wadi an man inza an Mantigui lô.