¹ Inza ka dougou bahou ani dougou denihou cha ta ka allah ta mansa djan manran koman cloa fô môgô ou yê aleni a mannognan tanifla. ² Ani mousso dôhou mou na djran wa gbê ani aha ta chaya wa ba: «mi te criya mandelaine djran woron'gloa eh bôa owa. ³ Jane chouzane mousso herode ya nanforo crôssibaga ani chouzane ani môgô dôhou tewa djaiman nan ani kaha soutra fin brêbrê chaiman. ⁴ Djanman ba kannan mrin inza ah oh môgôhou tewê bôa dougou ba chaiman nan o kêa tehe aka sannan mi va yê. ⁵ Srin kê baga dô bôha ke taga sifri,sifri koumlamni sikro dô kabé cha dakan tangan man ka kê ou kan ani kron ka ou bê dô. ⁶ Fan kré kabé kawaou kan ouka frê kawa ka faga migossô o dja te nigui nê. ⁷ Fan nara dôgbrê kabé moin gnaha ani moin ou ka frê kregnin moin ou ka ou datougou. ⁸ Fan nara dôgbrê kabé dougou brê brê kan ou frêni ouka de chaiman kê o fôgnan manté aki fêtê tro wê minan ka lamin kê owa lamin kê. ⁹ AH man môgôou ka gnignan ko sannan krô eh minin. ¹⁰ Ako allah ta djan mran ko togo niou oh lôni wa daman môgô tôhou ta eh dia sannan broeman migossô ni ah ka yé ah tênan layé ni ah ka min ah tênan la min. ¹¹ O sannan krôyé si wehe allah ta koman yé. ¹² Mougnin chada kan ouya minnan kayê setran yenan allah ta coman bô aha djoussou kou ah migossô ah kênan la allah ani aha kanan bôssi. ¹³ Mougnin kawaou kan ouyé allah ta koman laminnan ni djoussou djaya eh kassrô lili naya wagati dôninan ayé laha ni gbrêya kanan ah kan iyi ba aman. ¹⁴ Mougnin benan moin tchaiman ouya allah ta coman min kassrô n'ganmi fê nanforo fê ani dounougnan djagnan fin ou fê ouyé gbênê cha ali ah têssé ka louê. ¹⁵ Mou wan bé dougou brê brê kan ouyé allah kan mlan ah djoussou nrôya niya ani djagnan ah ya sigui ayé dekê djedjaya. ¹⁶ Môgôssi tai lama mran ka datougou daga kronnon ani ka sigui bassra djou krô o kossô aya sigui sannan mikossô mou ka do boa ouya mran yé, ¹⁷ Mikossô fin zi dogoni nê ni mi nê nan bô treya bono o bono dogoni yé oh bêye nan bô tre gbrêa. ¹⁸ Ayé ah yrê krôssi aya koman laman gnan mikossô dô yé mi boro dô ye nan di oman latê mi boro dô yé nan mlan owa ali mi gnan djigui oh dô wa bro dô ye nan mlan owa. ¹⁹ Inza nan ani ah dôgôou nanan krô djanman kossor ah mansé ala srôa. ²⁰ Dô ko aman i nan ni dôgôou lôni win kriman ah ya fê kiyé. ²¹ Inza ka djawi ko nan ni dôgôou ye mou ye ouyé allah ta koman minnan oni ka cha tangan man. ²² Ladô kêha inza ni ah mandognan ou kado crounni ya ako ah man an naga djé gnan dô kan ah ka taga djé têguê wagatiya ²³ inza ka sounnôgô frono ba ka wiri djékan dje tewê donan counou ah chagnan ka wiri ah ya. ²⁴ Aki man gbra ah kaha lakounou ka fô an counigui an counigui en vaga tôyé aki wri ka djan man frono ani djé krouhou man ou bê ki lalor djoussou djiguiya kan. ²⁵ oh srôa aka fô ah man aya limairêya ye mi? chagnan ani branan benan ah kan ah ko gnongon man môgô sougouya djinnin aleya aye djanman djé ni fongnon ou kan ouya bognan. ²⁶ Aka taga seh gerasenieen ou wa djan mran gallilé gnan treya ah djiguiya ²⁷ douman djran fatô môgô dô kanan labê fanni si te ta man ah te tê sia bonan fô kabroua. ²⁸ Inza yeni a broa aki fêtê kihi bé a sekrô kafô kan man yeminin gnrinan man inza mansaba lawrini dehe gni dê kanan la sêguê. ²⁹ Inza ka songô djran kan ko ah bô tchêya mougossô wagati o wagati oka bé for ka mlan ka sigui nêguê djrou wa ani yri ouwa awo bê têguê owa djran ya lataga tchin fou ba dja . ³⁰ Inza ka gnignan i tôgô di djanman ou mi kossô djran chaiman nin te aleya. ³¹ O djran ou ka inza dê ko ah kanan fô ko ah taga djangan doumba ah. ³² O djaha kôkôti chaiman neyê dômri kêha krou kan oh djran ou ka inza dê ko ah to aya do kôkôtiou ya aka son oman. ³³ O gnan man djranou ka bô tchê ah kado kôkôtiou ya ouka gbri ka do djeha ah bê ka faga. ³⁴ O mi yeha kôkôti krôssi bagaou broa ouka boué ka taga o fô dougouba oni so fitini bêa. ³⁵ Komi wan kê môgôou ka bô kannan oh frê ah kannan inza krô ka nan srô tchêmi na djran wa gbê fanni wa man ah siguini inza seh n'grô ah hakri bêwa bla anon ah o kosso chagnan ka wri aya. ³⁶ Inza ka tchêmi gnan djran gbê ou gnan nan ouka o gnan fô môgô tôhou gnan nan. ³⁷ gerasenieen ouwa djan mran môgôou kan nan fô inza man ko ah bô ata djan mran kamasrô chagnan ba wa be ah kan aka kounou ta ka sekô . ³⁸ tchêmi na djran wa taga oka inza dêh ko eh taga nan yé inza ka labla ka fayê. ³⁹ Sekô mansa wa mikiyê taga o fô iya bonan bagaou ou yê. ⁴⁰ Tchê ka sekô inza wa komi kayê ka taga oh fô bêyê. ⁴¹ tchai dô tôgôla nignin jairua kannan allé tehe sekê djaha kounigui yé aki bé inza seh n'grô ka dê ko ah nan allé fêni. ⁴² Kamansrô ah demousso sangné tani fla dehe wêh saya ah owa inza ka taga o fêni djanman ka djênê ah taga tô ah. ⁴³ O minan wé mousso dô tewê djan mran kata sangné tani flaman bassi bô chaya tewa ah wê bê taga drôtrôou broa aman kênêya môgôssi mansé kah lakênêya. ⁴⁴ Aka bro seh inza drehe man ah fôman djaha koun faya koun ah bouô kalô. ⁴⁵ Inza ko djinnin wa seman môgôssi man lô ah oh kêya pierre ko kounnigui djanman wa gbênê iman ka taga timi. ⁴⁶ Oman inza ko dô wa seman wan lô dô wa bô gnan fanga ah. ⁴⁷ Mousso wa yé kawa krôbô ah sagba tô kabé inza seh n'grô aka gnan fô djamran yê minin kossô awa se inza ah drehe man ani awa lakênêya gnan mi man. ⁴⁸ O kêya teh inza ko aman ne mousso iya limrinya wi bôssi taga djoussou chouan gnan. ⁴⁹ Wagati minan a tewê koman an dô ka bô aya sekê dja kounnigui tchai faini kafô i demousso wa sah an counnigui touhéni. ⁵⁰ O koman minni inza broa ako jairus man kanan cha limrinya dron enan bôssi. ⁵¹ Inza seni jairus fêni ah manson môgôssi ya doni ayé for pierre jean jacques ani deni fa ni ah nan. ⁵² Bê tewê kassiya ani ka coulé deni kan inza ko ah kannan kassi ah man sa eh sounnôgô ah yé môgôou tewê ⁵³ yrêko aman mougossô deni tewa sa. ⁵⁴ Oman inza ka deni bro mlan ani ka cri kan eh ne misso i wri. ⁵⁵ Ah ni kannan doa aka wri inza ko ah djé daman. sougourou nan ni ah fa ka dakawaya. ⁵⁶ Inza ko ah kê non fô môgôssi yê.