¹ Inza timitô ah aka do jericho. Tchê dô tewê o djaha,ah tôgô eh téhe zachée,a téhe ² lamou mlan bagahou kountigui eh wêhê tigui ba eh téha yé. ³ A téhe fê ka inza yé,a mansé djanman kôssô mogoha ah te ya sroun. ⁴ A ka bouhé ka taga gnanmantô djaha ka taga yrê krou teni dô kan ka yé mougossô inza tenan timi o djaha eya. ⁵ Inza ka sé o djaha wagati mi nan,ah ka to sannan ka fô ⁶ ko:zachée djigui djonan mougossô gnin nan si iya bohé bi. ⁷ Ah ka djiguiu djonan,ka labê ni djoussou djahé. Ah ko yé n'guê aha bê tewê dôfô ah ko awa taga djouroumou kê baga eh faini. ⁸ Zachée kilô an mantigui gnan nan,ka fô,mantigui ah frê gnin nan gnan fin hou fan fan kré di fangannan ouman,oni ni wan ba ka dô kê môgô dôwê gnin nan a gnan nanni daman. ⁹ Inza kaman ,bôssili wa do bomi nan bi,mougoha mi gnin abraham dé dôhé. ¹⁰ Mougoha môgô dé wa nan gninrini kê djaha oni ka môgô mouhou wan fri ka ou labôssi. ¹¹ Ah tewê oh coman mou minan,ha tewê coman nan kô,aka sannan dô fô mougoha ah te man ¹² jerusalem ah,kawa laha k'allah ya wagati te wa sé. Aka fô owa,môgôba dô taga djanmran djan dôha,ka taga yrê do massaya ka sekô. ¹³ Aka ya barakê dé ta kri,ka tanman de ta da man,ka fô aha gnan nan,ah ya labougou sanni zéhekôtôha. ¹⁴ Ah te ah gbo aha djanmran môgôhou yê,aha te wê taga tche diha môgô chaiman man ,kafô kan nais fê ko tchêmi ekê an gnan mansa yé. ¹⁵ Ah sekô tôha ,ah tewa wê mansa ya srôha n'guê,ah tewa tanman di mouhou man aka ou gnignan,mougoha eya lô bê wa manko kê nan yé temizi. ¹⁶ Môgô djonan kanan ka fô ayê«mansa iya tanman wa bougou,kadé ta fra akan. ¹⁷ Môgô ba ka fô ayê:o kagni,barakê de brê,moukossô iwa tré ko fitini nin ya,i yenan kê dougou ta kiuntigui yé. ¹⁸ Flanan kanan,ka fô:mansa,iya tanma wa bougou ka de lourou gbrê di. ¹⁹ Môgô ba ka fô a gnan nan,dougouba lorou ta. ²⁰ Dôgrê kanan kô,ka fô:mansa,iya tanma frê,gnan sigui dré dô ah,mougoha newê chanan ²¹ ignan,moukossô iya ko ah gbrê.I man mi bla ye wé taha,oni i man mi dô ye we bôha. ²² Môgôba ka fa yê:gnin kê iya koman ou kan,barakê dé djougou.I teha lô ko gnan ko teha gbrê,ko ni man mi bla gnin wéhé taha,ko ni man mi do gnin wéhé bôha. ²³ Mininkossô iman gnan tanman ou bla banguéha,mougoha zekô tôha gnan ta ni tron eh? ²⁴ Oni môgôba ka fô môgô mouhou te lôni gnin"aha tanman mlan an,de tahé mi bro ah di o man. ²⁵ Aha ka fayê mansa tanma de nawa bro kaba. ²⁶ gnan fô aha gnannan,an gnin nan di dôyé mi bro,kassrô latê mouhou bro an gnin nan outa fin ou mlan. ²⁷ Sissan,aha yenan ni gnougouhou ye yani,mouhou ne têfê ko gnan kê aha ya mansa yé,aha ya faga gnannan. ²⁹ ah tewa gbra bethphagé ni béthanie,oliviers krou fan fê,aka mannognoan fla tché,ah tewa ³⁰ fôha:aha taga dougou fouôman ta,nan ka do,ah yenan ³¹ sofièni deni dô yé,môgô man degué ba ka sigui mikan. Aya fwoué,ka nan di man. ³² Mouhou tchéha ouhou kataga,kataga kohou srô oh inza tewa fô temizi. ³³ Commi aha tewa sofrèni foué,aha tiguihou kaha gnignan,minin kossô ayaha fouénan? ³⁴ Ah ka lamlan,"mansa manko waha." ³⁵ Aha ka taga nan yé inza fêni,aha tewa ya fannihou friha sofrêni kan,ka inza sigui akan. ³⁶ Ah tehe taga n'guê,aka fannihou kan man chakan. ³⁷ Comi aha tewê sroungnan nan jerusalem ya,oliviers krou djigui fanhan,Ah mannognoan bê,ka yiyabla oni ka fouo kan baha awa koba mouhou yé. ³⁸ Ah kafô mansa mi wan nan allah tôgô ah allah balo!djoussou chouangnan an sangbroha,oni mansaya ekê sannan djaha!" ³⁹ Pharisien ou dô,djanman tchêman djaha,ka fô ayê,"kounnigui,ya mannohou taco cloikê. ⁴⁰ Inza kaha djawi,"gnan fô aha gnan nan,nan kihi djéhé,kawahou yenan cloué. ⁴¹ Comi inza tewê sounnougnan dougou ah,ah ka kassi ah kan, ⁴² oni kafô,"ni legou,o laman,fin mouhou gnin djoussou chouangnan dia i man i te olô!kassrô sissan aha dogoninon i gnannan. ⁴³ La dôhou yenannan ikan,i djougouhou yeni mri ni dannan bahou yé,aha yeni datougou,oni ki fan ou bê digui. ⁴⁴ Aha yeni tchan,ilé ni dehou.Ali aha tênan kawa to kawa kan,mougoha mohou teni soutra iman ou ta ni sôwêhé. ⁴⁵ Inza ka do sêkê djaha,ka fiele kê bagahou gbê,ka fô ayê,"awa ⁴⁶ sewê,gnan bohe nankê sekê bonin eh,ah lougou,kassrô aha lougou wokê sognin kê djaha. ⁴⁷ Oha inza tewê môgôhou kranan labê sekê ⁴⁸ djaha.Oni sarabôbagahou,sêwêlikê bagahou,djanmran môgô bahou tefê ka faga,ah teta lô aha tenan kê temizi,mougoha ah koman lamin teha di djanmran môgô bêhé.