DCS-Mirror-parfait-ayanou_dic_mrk_text

Mark 4

¹ Jesus boabo tchalia zo bor gnia yokou.Yali boutoukpa biliodokô.Or gbla gnou goloni ni or gbéa dokô.Yalia bouboa koua gné è boubiani. ² Or tchabawa ba boutuokpa gnadrani.Or tchalia ni or néa gba: ³ Aponoukoui:"awlé golougnon wlouzô sè oka golou. ⁴ Ni or nié yokougba sê or golélani you omoa blili bornoako ,ni zowouo yi ibouboa lika. ⁵ Igadali blili lia dè tokouê yiéla,dilior dè dodo pêpelia kôla,ni ganigni ê mela,or nika troulaniza. ⁶ Ma dê yroua wlêbazôni,ê sekou ni ê yê sê enika telikaza. ⁷ Igadaliomi bhlili djêni; djêa gblaba ni glôhikou ni or gnebasi you blogbi ⁹ Or ni blibli dodo nanouni, a manakou ,yrimolé ni égnin youbi.orni orni glouakougba,ni igadali gnin glouita,ni igadali ormi glougbi. ⁸ Né or négba:lior oka noukoui or nou. ¹¹ Dè Jésus lébla or yikouni.yalé yior yokou or ya or galèwan kougbassoa,ni or mo ni wa yra wlou sé gnadra salazo. ¹⁰ Or neagba: agna borzani lagodou ô palia lia gnior agni,ma ikada zani, ignior wa gnadrani. ¹² ya dè or polaï noukoui,or na nouini,se ̀gnanon tior bla gbè or yika kortcho éya wagnégni tiwa vior. ¹³ Ô̂ ne wagba;a nou gnadraleli ni? ni isa ayi dalèli mino? ¹⁴ Golougolougnon golé lopéwèli. ¹⁵ Dèninli blilila borno boubiana,dalè nouwéli golila,dè wa nouéwéli golila, dè wa nouéla nouwèliani,fafa dévléa yewa nouwelia ni saka. ¹⁶ Ni ormi kou égoliola toukouènia,dè wa noula nouweli ni,wa zihikor djakani. ¹⁷ ma wani teli wahineka sè waka gbahiri salia kouwou.Eza fafani wa palé portêtêa dokô ma wa niéli ni li yila wa lago bornon koussa. ¹⁸ Danélia iblilila djè nédéa,walélia yalila wa nouéla nouwèlia. ¹⁹ ma poupouni nè klibbior ha,gnebeli sa la agni lago bonokoua ya dodonikou nè ba awala plalèwani,iggblolago wèliakou ni ignala bèguèglogbé. ²⁰ li goliola dodonanouni,walé lia wa nouéla lago wèli,waziko,ni ignéyou,ormi glou ya kougba,ormi glouata,ormi glougbi ²¹ Jésus néwa gba:"ni wa namlésé kania palouni sè waka ya tchanzi wli gbli? Alamlèya sréni sè wakaya du feakouli. ²² Ezani beniko é lié zizou la sè watiè zowlia,ni benikou li ziziola sè itiè yibélé. ²³ Lior kala noukoui nou. ²⁴ Or nè ko wa gba:a faléplè̀ko li anouéla.da nè kou djéli ika kokozia, issakassaka mè yimongneni ni wahi louzoille. ²⁵ Ma lior or wa gnèla kkagné,ni lior or laka,ayior pépélia orkla. ²⁶ Or nè klougla: lagodoua kou na gnokpô lior goléla golougolouba doudoukou. ²⁷ Wa winhou ani wa kozeliga ni sebo,ezani iniyi sè golougolouba boila ni gnlimolela. ²⁸ Dodo ougnè ou yiga titi,tékadani kkpokpou,sordani djê,ni youyêa élié, boila youboni. ²⁹ Dèyouyèa zamalani,wadiè yor douanouni inèza,lobéa gnénissa. ³⁰ Wa nègba: inè ayamè faléla lago douayokou? ni idènè gnadra ayi kokouzi sè akayi zorsa? ³¹ Lago doua oukouna dokô lè youyè tékeiliior. ³² Èlé youyia bouboani nè êtikilior ni or léléssou kadou oulou plila klouani nè siabouboa ko.Or mé labikadi lilikou zowoua yilamino ni walia wanouninou. ³³ Jésus zia gnadra boutoukpa ko dè orka yalia solou dè orgnèla lago ô nouwéli sa wayilaï ninou. ³⁴ sè orlopéla,or zila gnadra yikorkor.Ma dè orléla oyikor ya or galéwan,or gnèbawa gnadra sè assazo. ³⁷ Yria saka saka kounè kougbassokou,Jésus nèwagba:aya plilé gnéa è boubiélia ni.Dè goloua gigliorlani,Jésus ya or galéwan gba. ³⁵ Or talèba yaliagni sè ôka ba djignéa nédé bialè.gnougolé ormi djéa wa kô. ³⁶ Popolou kadou o poa djignéa cloéko gnéa bhor gbétéli ni è bla goloua ni ouyé. ³⁹ Jésus koubabor goloua nédé ni or wonwié o lior tèlila wli.Wa ganiaba yiô ni wa nèyio gba: ato,polèmonvoukou gbê akouéka? ³⁸ Jésus ganon la nignougouêh popoloua or lapétètiani.Or nè djignéa gba: koupli! teikou! popoua gnougloa ni gnéa kouépli. ⁴¹ Jésus néa ô galéwan gba:inekoda hanon bhla gné? ani portètè ka? ⁴⁰ yokou téttrèlikadi plawa.Wanè waïnigba: idèlè gnokpor lior kouda orliô popolou ya gnéakougouéli zouèla?