DCS-Mirror-parfait-ayanou_dic_mrk_text

Mark 15

¹ Zéli yokouni, juive wa kadé èya palou ou touwan wlalè wli sè waka JESUS glouwli pa doutoi likou. wa yalia bèlior ni walayor douto ha koulikou ni or yrahor gba: ² Ilé gagasakou Juifs wan gnébelou? JESUS néogba: I lopela. ³ Wa pamon gbouwliga inè wèlignégni. ⁴ Isègba iza? Wlé gboulibo wapalamon wili. ⁵ Mà iboubo walopéla, JESUS NI GBABISSA, Isra doutoha noukpo. ⁶ Gôgô blassa kouni, tèka yroubani doutoa gnè djligba watali paloupagnon boloni ô doua yralèla zéli waléla pâquia. ⁷ Dalè tagnianini, gnakpa blakpa blagnon Barnabas or lior nè kala doutoha blani koumlia dje yéani. ⁸ yaliali douto Pilati yokounikagha gnonpkor wa kalanita liani or lélé Barkabasi sê ibla JESUS. ⁹ Inèza, or tikè galèwan ni sè ̱or nou wéliati klikoumli douto. Pilati yrawa gba, italèla Barnabasi gnini, Isê inou agn an gnébèloa? ¹⁰ Or gbassa, inèza, or niè yokou sê palouhou towan zoula plèkou JESUS za. ¹¹ Ni palou klikou kouwan s̱oué yalia sê waka Barnabasi gnitali sê JESUS ka palou pior. ¹² Pilati yraklou wagba: Isè inou JESUS ika Barnabasi gni tali? ¹³ Wapa wèligba: Blayor! ¹⁴ Doutoa yrawa gba: Inèza? Inon or bla? Wa gakorkorni: Blayor! ¹⁵ Sè yalia yralèlazani, Pilati tali Barnabasigni ni wa sapèla JESUS, fion sè orkala djoligningba wa blayor. ¹⁶ Sodjawan zi JESUS korni wafayor sréani, ¹⁷ sodjawan playor kotou zalouni, wa zouor djê wlougbléwli à lié yahigatiti noula. ¹⁸ Wa kalor silini, walawaï or klikou doukou ni waanegba: Ayo, juifouwan gnèbèlou! ¹⁹ Wa sapèhor boubohakou ni wapor drè kou ni silisa kouni, wala wahior klikou doudou. ²⁰ Dè wa bialèla or sililini, Wasor kotouzalouani ni wa playor or niani sê wakassior dablassonaï fa. ²¹ Waya gnonkpor niné Simon, Cyrène nèyo, Alexandre ni Rufus wato, or plilèba bononhakou. ²² Sodjawan lahor sè orka dablassoua JESUS klalè sodja fawa bolo_bolo trouayli walala Golgotha. Isazogba "Dè boubifor koula. ²³ Wanè sè waka JESUS nougnin, or yra. ²⁴ Wazi or kotiokor ni wabohor dablassouaï ni wadénié or kotio. ²⁵ Ta yrianimon dè wa blabayou. ²⁶ Da blasssonaï, wa clida bèza wablalor ha: ²⁷ Juif wan wa gnèbèlou gnakpablawan sorha koumilia dablassiaï, ²⁸ bolo kou JESUS liliklakou ni bolo metchekou. ²⁹ Plipliwan payor yokou ni wanègba: Inènè iyiba paloua gbonon ni iyibahou yritani sralè, ikaï minoni, ³⁰ blissié gnéhi sê kli dablassouayi sor. ³¹ Paloutouwan ni juif wan wa djréma towan sili JESUS ni wanègba: or sa yali klibiorni, or mino or ka ohi klibiornisa. ³² Ô ne ́gba orlé gnèbelou, orlé lagoyo, or bèli Israël lekpoha. Li or lopéli ka nouawlèleni or yiba dablassouaï zokouli! ni ayiba or koudjé! gnakpablawan sor ha pamlè or yokou. ³³ Gbiplo yantchini, titikpa sraba doukouaboa tou gbènihim yantchini. ³⁴ JESUS gani yantchiyi gbènihini gba: Eloï, Eloï, lama sabachtani? y sazorgba: LAGÔ-LAGÔ ineni wlougo? ³⁵ Wa koulada ni wanilana or nigalia nouani "Eloï", wanègba: JESUS là prophèti "Elie"! ³⁶ Bolo mlini or pali minan gnougnégnéni ni or mliya JESUS kpokpossakou. Or négba: Ako aka yokouni Eli kayor dablassouaï sakeï. ³⁷ JESUS gani ni gnèpègnèon taliogni. ³⁸ Dènè tagnianini,palouazo nè gnokoué kadèa yroni. ³⁹ Sodjawan toha, or koublada dè JESUS coueblani nègba: gagasakou, LAGÔ yo ha mon! ⁴⁰ Wlè koubada ni wa wéléba . Wa ni ni,Magdalaa Marie koubada. Igada Marie koubaclouda, Jacki tikilior ni Joses wa non Salomé kouda klouda. ⁴¹ Wa falèba JESUS bonokou dè or kouda Galilée sê wakayor kliwlé wlèha ya mon i Jérusalèmou. ⁴² Dè youroua ble bani, gouglawria y zelizebasi, ⁴³ Joseph d'Arimathée yissi. Orlé gnonpkor Juif ouwan souèla wakandeani. Or koba oyigatiti lagodou nè wriziziegbi. Or kouzi portètè kor ni or yralè Pilati JESUS or koha. ⁴⁴ Pilati noukpo drayor sa JESUS koula fafa. Izani or la sodjanwan watoa, sê or kayor wlouyra JESUS kabèza kou. ⁴⁵ Dè or nou la horgba or koulani, or gni Joseph orkoakor. ⁴⁶ Joseph flo gnokoué, porpè, or kloué JESUS zor, or blahor mè yokou ni or zizior gbasilié wa blila tohenoni. Wa glou gbassia tchènon kadouya. ⁴⁷ Madala nè Marie ya Joses or non Marie wa wlebadilia dè wa zizielorha.