DCS-Mirror-parfait-ayanou_dic_mrk_text

Mark 11

¹ Dai wa bia lèla Jérusalem, Bethphagé aya Béthanie,diha yocouni kpô olivié tré wli, ² JESUS bouboba ôh galèhouanni lèlia so ni ôh nai wagba: amlé bô doucou agni kléco la, sa aconi gnégni ni ayé boh ofoumou guiôla gnégni êh gnôkpô laza la kogba. Abloucié yê sa alahounè. ³ nignôkpô kagni yra, anou yô gba LAGÔ lobohaza sè ôh ki gni talé ècahou dani yili. ⁴ Wa gnéniba mlêni kpohou boubini êlié guiolèla souhé yoco ni wa bloucié yê. ⁵ Bloblo yali colada yra ba wa gba, inèni abloussié ofoumou ni? ⁶ Ni wanè mla sè JESUS gbalèwan. Ni ôgnê wa djoli gba anamlémlê. ⁷ Galèwan soha namlè ba mlêni JESUS sa ôh kê cogbéa. ⁸ Gnèkpa zoumolou yrèba wa gnokui bônôcô ni ômoha diè ba silabé cluini. ⁹ Wa pélila yoro aya bécolia gabani, Ozana! épaliôh gnou môliô kola LAGÔ ôh clouagbani. ¹⁰ Ato Davidi ôh klouagba paliôgnou. Ozana! LAGÔ ôh klouagba zilécor. ¹¹ JESUS plaléa Jérusalemou ni ôh mlêba paoha zôh. Dai ôh biala bobohani gnî mlia si, ni ôh mlê ba Béthani ôya ôh galèwan. ¹² zélia zéla, wa tvhô bani, ma ôhoun blassiwa. ¹³ Né ôh nia bô finhan souha otrotro tagninimô ni, bèniba you wlico. ¹⁴ Ni ôh nè bougba gnakpo blogbé naléssé côyacô na li. Ôh galèouhan poubô noukyi. ¹⁵ Wa gnéniba Jérusalemou, ni ôh plalèa gani palouzô. Ôh tréha pêlozouhan aya floflohouan. Ôh gbètahéba drake ́tchiouhim wa tronbléouhan aya kpakpi pélozohouan kpiha hoha. ¹⁶ Ôh talèa gnonkpôh blogbégni sê ôh ka palohazô bêh pélouza. ¹⁷ Ôh tchaba wa ni ôh nè wagba: Iniba zio gba nassrè li yalia boha wa boubiélé dani? Mah agni anouya gnèkpa blasré coh. ¹⁸ Pèlihouan wa tohouan aya ziéhouan nouila sôgbala ni wa batêh wacôh bla. Ma h anhnon blaba wa massè poupoha boha waho ôh tchalia. ¹⁹ Ôh wlèha dalèh douha coh kougbossacou. ²⁰ Dai wa plèla péniné, wa niéba sou lou ôhpahala nécou ouyèha touhu outélia. ²¹ Pierri louélé ba ni ôh nèh gba, Toh wlé? sou ôh kpéléala boha yêh. ²² JESUS cozia nouwêlé cô ni ôh nê wa gba : akalè LAGÔ ôh pôtêtê. ²³ Nouawlè saco inéhagni gba,gnonkpê ca trolou nougba:LAGÔ sa môh daco ni ôh palai mon djignini, ni ôh gbassa pôtêtê ya ma sè ôh tèlèla plècouni,.sè LAGÔ calanou. ²⁴ Hézani, acagnon boubiéni yralè, ni atélè plècou gba ayéni né, iyé agnani lilé. ²⁵ Da gnrougola ni ah boubié la ni ah mino sè ava gnonkpô kagni gnégni nou, sa agnan toh coula clohagbani kagni agran gnégniha va mlé. ²⁶ Ma ani ka va, agran tôh hola clouagbané na va mlè caha gni agrangnégni. ²⁷ Wa yé clo bicou Jèrusalemou. Dèh JESUS biha la paloha zôni, pélihouan wa toh, ni ziéhouan, aya gôgô blahoun hiliyôh. ²⁸ Wa nêh ôh gba: solouagni têti noulèla liboni aya énon gnèmon djoli gbênoyi? ²⁹ JESUS salèwa né, ni ôh nêh wa gba: ékagni clilioh mlo coh ouhyra. Assalèhoun né fion sè ékagni na têtili énoulèla dalêh nounogbéha ni palia. ³⁰ Jean ôh gnouwli zoulia wloulè ba logôni ani yalé côli? ³¹ Wa sralè bah wayini, ni wanè boh gba: aka nougbè lagôni, ôh yié nougba, inèni ani ôh wèlia nouawlè la? ³² Ma aka nougba yalè côli wa goui ba yali wa vlougba gah ma sa wa niliôh pltignon niyocou. ³³ Ni wa nè ba JESUS gba: aniyi. Ni JESUS nèh wa gba: ahoun ma éni yi têtili inoulèla dalè liha ni.