DCS-Mirror-parfait-ayanou_dic_luk_text

Luc 22

¹ Ddjaka yré là kpé ko , éh wa laha paquée , éh mêhayi ko . ² Palé éh to gn̈oa aya zihé gnoha wa bhatê sa wa cala no sa wa ka Jésus bhaha , ma wa goléha yalé vrogbo. ³ Dené pralêbha Judas Iscariot né , cogba sôh ha né lê bholo. ⁴ Juda mêlêbha sa oh ya palé hé gnoa aya colécolégnoa wa tôgnoa wa ka né noulé, sah wa ka ha no sa wa ka Jésus sa. ⁵ Pôleko mêna wa né wa nihagba wa kabhô droha gnê . ⁶ wa nouléha né né wa bhatêha wê mênô sa wa ka Jésus zouzou galê sah. ⁷ Fôlôbhi là kpé né co éh yelehaka, dah wa kaha paquée liliha né, gnegnibha . ⁸ Jésus lobhobha pierré aya Zean, ôh néha wa gba ."́mo ha guegba lê paqué yélé ha ko , sa ah qué li ". ⁹ wa né bhô gba : " éh dèh wa gba ah guegralê docô ? " ¹⁰ Ôh tchéha wa né gba , awelé, daha ha kala douka dohaco plalê, ah yeha gnôkpô bhêléla alocô gnide gnon né , ha djé yô ko srélié ôh éh là né plalê. ¹¹ Né ha yé srélé ha nogba colégnô yra : " Eh dah lê paloné ôh ya ôh glalêgnoa wa yé paquée li ? " ¹² Ôh wa gné palo-cado paléha ôh tro lâ-co,kpi yihé bhô. Né dah ha yéla paquée ha doco zó. ¹³ Wa mené, aya gnénia weléha bhoha sa ôh salê wa méné . Né wa guegalè dah paquée ha ko . ¹⁴ Né yroha gnegnibha dah , ôh ya ôh gbalêgna trobréko . ¹⁵ Ôh né ha wa gba , hé wama ne hiné sah paqué éh yagné kabhê hé li, dah colé la ôh bhialê. ¹⁶ Sa , éh salê ha gné né , éh wa ah gné zahé côhacô li , tohô éh sê lagô gnêbhêledoua bhili." ¹⁷ Né , Jésus zéha kô cobho ha aya palê ha gnou ; nogba : Ah zé cobha ha kô de ni hé bho lê nou ah yé né . ¹⁸ Né , éh salê ha gnéné, éh zehê côyako sou êh yobhi mana , sa tohô lagô gnêbhêlé doua ka na yi." ¹⁹ Beco ôh zékô folobho , aya , né ôh palêh ba gnou, ôh déha ,aya ôh gnê wa ma kô, ôh nêha gba "lihéné na yêkê mô , êh éh gnê laha gné za . Ha nô éh na bouledha . ²⁰ Né ôh zéha noha cobho ha kô , dêh ôh manala , aya ôh gnéha wa mô kô , ôh néha gba ," dha lê noho cobho lé na dolou ôh mêno lelou ôh sroulou ha gna za ." ²¹ Ma ha wéha , gnô sôh ca la ôh sah wa ha ôh co dah hê trôbré colé . ²² Gnôkpô ôh yo menê sa hé zio bla za . Ma kpelé gnegni gnôkpô lokô oh sali ha yralêla ko!" ²³ Aya wa bhôbha wa hi né yralêli éh nômô ôh cala sa agné neno . ²⁴ Zezélou bhili wa né cala wa colocolê leyô lélé za . ²⁵ Ôh néha wa gba ." popou ko lô gnêbhê legnoa wa ca ma laha wa , wa camala wa ha wa la bha guehiri sagnoa . ²⁶ Dalê liha na gnégni ha gné né . Ma ôh léla agné né lê cadô oh lelé yô. ²⁷ Ne ôh wa wala kpagné ôh lelé galobho yô . Né éh nô lé éh cado , ôh cola trobré colé , ma ôh de nia la ? Né hé sé gno trôhéha co mô ? Né aho , hé cohagné nédé gba éh ca galobhô yo lelé . ²⁸ Agné , ha wa oh nohô ha dêh ha colebhéhô ne . ²⁹ Né hé za gnebhêlé doua éh zoho na za doco ,sah na to zaho agna za doco . ³⁰ Sah ha ca na gnêbhalé doua né lê trolréha co lili aya ah ca dah manalê ,sa ha ca gnêbhêlé diha co gbê , sah ha ca Israëlé lôkpô ha cogba söha tété praha . ³¹ Golêgno ha nê gba :" Smon , Simon ougô gnegnou yra mô boco sah öh ca mô polo conô na souyobho sa . ³² Ma hé bhoubhouhé na za sah na pôtêtê ha té tchio. Dès, éh tchiôh la kô ,hé noyou ha zo têté . ³³ Pierri nê gba : "Golegnô , éh gueguéha lê ko sa éh ya mô ka dôlehô bhoha méné aya djehé né aya cou né ". ³⁴ Né Jésus nôgba ,"Pierré ,hé nê mô gba zéka cokehô zalé wéle pa né éhö lo sa tchita". ³⁵ Ôh nê ha colo wa gba , "Dah éh lobhôgné né ah draha bhêlé , baguê ya , aya babé bhêlé, ah bhê bê ka ha ? wa tchiabhô né ". bêh bholo gbé. ³⁶ Ôh nê wa gba ." ma ôpêlê , né ôh léhô caladra , ôh zeha kô aya cala baguê ôh zeha kô colo , ôh coté pêlo sah oh folohé . ³⁷ Né ,ôh né wa gba , hé fata gba dah lê lopéwelé hé wa ziéla na za éh gnégni." Wa zobhô wêyri gnoa wa dônoné . Aya liha bho hé wa lopé na za hé gnégni . ³⁸ Wa nêgba , " colégnô wéha baguélêté sôh , "Aya ôh nê wa gba , " hé nané ." ³⁹ Dah ôh woloha zô , Jésus méné bha ,ôh djélé maha né oliviers troha aya ôh galêgnoa djebhô ko . ⁴⁰ Dah ôh gné niha dah déliôha , ôh nowa gba : " Ah bhobhihé , sa ha até gbétchalali ha né bhili ." ⁴¹ Né ôh tromalê bha wa dah na ticobho wa pala , aya , ôh yi cocowiliko doco , ôh bhobhilé bha . ⁴² Né ha gba , "to hé ka wa , behalê ôh bho dah lê colebheha bho . Ma na pôssa sa nehô éh né nana." ⁴³ Né bha ladregnô wa ôh yri ,sa ôh ca ôh têté gnê . ⁴⁴ Oh coha colé bhôha né , ôh sroha lélé ha dolou coté cadé , éh bhéleha zo. ⁴⁵ Dah ôh bhoubhé ha bho , ôh bhohaca , aya yilibha ôh glalêgnoa yi , ôh gnegni ha wa gnôgnô lê seli né . ⁴⁶ Aya ôh neha wa gba , "Eh nê né ha gnogno hin ? A bhoco aya ah bhobhié , sa até ca gbétchala li ah né bhili ." ⁴⁷ Dah ôh lopé la bha , weha gnakpa djélé aya Juda , wa cogba sôh ha né lê bholo , coha wa coloco . Ôh béhalê ha Jésus hi, sah ôh cabhô tchêbhoho nécognê, ⁴⁸ Ma Jésus né ôh gba , " Juda necognè liha bhola za, eh péli gnôkpô ôh yoha ? ⁴⁹ Dah wa coha Jésus hi , ni ha li pêlêbha aya Judas , wa nêbho gba : " Colegnô ah bhela wa bagué djêléha ne ? " . ⁵⁰ Né wa colé lê léhô bholo bhala prêtégno ôh lobho yo, ôh débhô lilicohala noukui co. ⁵¹ Jésus , zéhakô lopéwêlé , nogba ," ato lé hé né , aha gnoulougué ! " Né, oh cahalê gnôkpô ôh noukui ha co, ôh yabhéa . ⁵² Jésus né ôh nê ha prêtégnoa gba wa tognoa , aya gnakpa déha wa labhô toha , " ah wé hô wêyrihi gnô sako lo , aya lêté bagué ya sici ya ? ⁵³ Éh ya agné coha yraha bho ha ko palazô , aya ah bha ôh sâh cozo. Ma dah dah lé hagné yréyè , aya titi bhoco é têté ha ,éh né. ⁵⁴ Né dah wa calabhabho Jésus wa yamô méné bha ,aya wa fabhô prêté ôh seléha né . Pierré djéha wa fehin coco . ⁵⁵ Wa dia cossou bhobha nédé ha , wa gbê ha dogodou né pierré gbê wa mé . ⁵⁶ Gahalo bhô wlonô ,ôh ni loha cossou colocuelé gbê dah né yi hi , wélébha yô , né nêgba , "Dalê gnôkpô wa mô nogné ha." ⁵⁷ Ma ôh lébha hé zezelou co, " Wlôlô, hé yô yi ". ⁵⁸ Né ké yi gadalé ôh ni yô yocou , né gba , mô wa colelê leyô ôh éh lé . "Ma Pierré nô gba ," gnôkpô , éh yô lé ." ⁵⁹ Yrowê bholo pelé , hi gada loyô néha cologba."Gnôkpô léyô wa mô noho sa Galilée . ⁶⁰ Pierré nogba : "Gnôkpô , éhé lopela éh yé yi ,"ôh koha lope dah , né côcô bhêlo pa gané wêlé . ⁶¹ Golégnoa tchahô ko , yelebha Pierré . Né Pierré gougoulé colognô salê bho ôh né , "dah cocuéyô la welé saha zéka , mô éh yé ôh lo sa tchita . ⁶² Né oh yolobha zo , ôh wiha kpa gné. ⁶³ Yalé kaha Jésus silibhô , aya bhabhô . ⁶⁴ Wa goha yô yokolé ,aya wa wrabhô gnounou , néhagba "ouyô éh nô bhalamô ? ⁶⁵ Wa bolêbho bhô kpagné né wa gnoumôha lagô ôh gnené . ⁶⁶ Dah zéliha zaha , coloco lelegnoa prêtégnoa , kilignoa , yralè ha wili . wa mô ménébha wa wili yralè dah . ⁶⁷ Wa nê gba : " mô ka gbossagno ha lé ,salè ha né . " Ma ôh tchia wa , sa haka gba , ah zé pôlêkalé têlê ; ⁶⁸ Aya , ne hé ka agné yala , ha za ôh côgnonou ". ⁶⁹ Ne tohô ayé gnôkpô ôh yô ha lagô ôh licolaha têtéha ko yo cou né." ⁷⁰ Wa bho nê gba , " Mômô lélà Lagô ôh yôha ? " Aya ôh tchia , "ha gba sa , éh lé yo." ⁷¹ Né wa négba ,"éh né ha né bhaté la bha drafoléligno ? Ah nou ôh hi gatiti gnounou."