DCS-Mirror-parfait-ayanou_dic_luk_text

Luc 19

¹ JESUS ôplilianini, ôplalèa Jéricho. ² Ni awia gnonkpô mlo walala Zachée. Ôlimla govla aya gnèmlêlignô. ³ Omlatê ôca JESUS yocouni, ma ôminon gnêkpa zoumolouaza aya ôgnêkpa clililiô léliliaza. ⁴ Ôpiliwa yoco, ni ôgbassouni, sè ôcô yicouni, massè JESUS yica dayralèza. ⁵ Dai JESUS gnénia ladani, ôwléa anhnico, ni ônèogba Zachée, cloui fafazâ,ma ifatgbè icozècs na sréani. ⁶ Ôclouia fafazô ni ôclamlô djacani. ⁷ Wanialassa yocouri,walopilia wayini, nieania gba: ômlègnègnou gnoua douco. ⁸ Zachée yié Clouégnon cléco, ni inèô gba: wlé Clouégnon. Ignê nana aclè anhzéhouhan, ni îca gnonkpô gnégninou,ignô salè tchimonna. ⁹ JESUS néô gba: poupoué plalè zéca sréni, madsè ôlèmli Abrahamou ô you. ¹⁰ Massè to ôyoua yi sè ôca mlatê,sè ôca lia tiola douco gbonissa. ¹¹ Dai wa nouéla dalèlia ni, ômlèlè mlélè daco ni ôpamla gnadré massa ôméa Jérusalémou yocou, ni wa gougoua gani gba LAGÔ ôgnèmlèli doua yia gani zocloui. ¹² ônê gani gba,yrimla galè gnonkpô mlèa fin colè mlèmloco,sè ôca ônabou, sè ôca mitchô. ¹³ Ôla ôgalihouan kogba, ni ôgnêwa drayi kogbacô, ni ônè wagba amli sè anoyi zoumoloucou touhn nanitchô dani. ¹⁴ Ma na nounhouan zôhoun,niwalomlohoun govla gnêkpa zoumolouco, walia nêlagba: ané wagba gnonkpoliô fiô ouhn. ¹⁵ Dalèlia pléa dè ôniala clouagba niô tchôa lania. Ôyra galèhouan ôgnêla ôdra côlèhoua, sè ôcs yimlèlè sè gnonkpô gnonkpô nla ônaha. ¹⁶ Técalia yiô clécou, ni ônèôgba:na naha gnélaoun nico assa coulè cogbialié. ¹⁷ Ôniô gba sanani galègnon nanô, massè inou yètiquilia zounoloucou,nlildikogba iclouégnon. ¹⁸ Soliô yi, ni ônègba, Clégnon,nadraha ni clou assacô lèliè gbi. ¹⁹ Ônèô gba: Lili iglia iclouégnô. ²⁰ Omô yié cloni, ônê gba: Clégnon, wia na dia izizila gnocouni, ²¹ massè ilémlahoun anhnom, na cloui têliaza. Icoziè dènila goluolicô, ni issa inilagoloucô. ²² Ônéô gba iplia néi tité, nignounô galègnon,iyassagbè,ilia nignounô gnonkpô, ni icozié inila ninècô, aya issa inila goloucô. ²³ Inêni ini nadra couclouili da fa sè aca zoumolé? ²⁴ Ni ônèô gba: assayô sa ôcala côli, sè agnê ôcala kogba côli. ²⁵ Wa néô gba. Clouégnon ôcassè kogba. ²⁶ Inèagni gba:liôliô cala kpagni ni, ayiô gnê, ni ôcala pêpê, ôpôpêa ayima côlissa. ²⁷ Ôplèni, olaoun, na zômlèlèhouan, wanila wagbè iclouélawa, amlalèoun moua clécou ²⁸ Dai ôloupèalassan,JESUS yralèa yalia clouico ni wamlilèa Jérusalèmou yocou ²⁹ Ôya dèwa bialèla Béthphgé aya Bétani yocou, mlô trolou walala olivier troua, ôh loumloua ôh galèhouan nilèlia so, ³⁰ Ni ônèa gba:amli dou coulagni clouiconi, dèh ayicalouni plalèni, ayiyou ofoumou guiôla yocouni ouh gnonkpô lasala cougba. Abloussiè you sè alahou mo. ³¹ Gnonkpô cagni ouh yra anou yô gba:Clouégnon yroubicou. ³² Wa ôloumloula mlèa, ni wagnénia sè JESUS gbalawa. ³³ Dèh wa bloussiéala mlèni, êtou yramla:Inèni ablousslè mlèni? ³⁴ wa ouhonia:Clouégnon mlatê. ³⁵ Wafamlè JESUS, ni ôgblamlèvou. ³⁶ Dai wamlèlani, yali yramla wawa gnocoui gônôco. ³⁷ Dêh wa méala Jérusalèmou yacouni, ni waclouila alivier tria ouhn, lili wa nia la yocouza, ³⁸ clou gba gnéni lio yiéla Clégnon ôhiani, poupoué vouhôcou ôgbèla gnêmlèlou douani. ³⁹ MlomlouPharisien ouhan cola yalia nédi, nèôgba:Tchagnon, cozi naalèhouancô. ⁴⁰ néagni gba: acacoutélini,tchèmia yié nigah. ⁴¹ De JESUS mêhala trikpê founi yocouni, ôwilimloucô. ⁴² Ni ônêgba: môma ica tchê yria yi, éyi lili lila na poupouéca ma ôplêni, izouzou simô youcloué. ⁴³ Massè yrmlo yigbèni ni na zômlè gbahouan ymô srali ya douco bili, ni wayincô doulismlou cassialê. ⁴⁴ Wa yimo doucoussa ya nawoua, wa zamô bêmlogbi zôli,:massè kagnini wayila môcoplaca, iniwa yimlèlè. ⁴⁵ JESUS plalèmlô paloazô, ni ômlôa mlô pêlozohouan trouli. ⁴⁶ Ônè wa gba: iziogbè, nasréa yi mloumlliélé dalili, ma agni, anoya wiyri srécou. ⁴⁷ Dalèda JESUS tchalèa mlô yria mloacou, ni gnèkpô pèlou zouhan,ziéhouan, aya yaliskpou mlatéa ômlali. ⁴⁸ Ma wania yssè wacano massè, gnèkpalèmloa mlo poumlô noucoui djacani.