DCS-Mirror-parfait-ayanou_dic_luk_text

Luc 13

¹ Dèdani, yali soliô Galiléen ouhan wèli sè Pilati tchakalèla wa dolou aya wa gnêgnêba. ² JESUS ohni wacou gba: agougou gba Galiléen houan cloui mlia wa sani? ³ Ounh oun issoliagni. Ma, ani kétchini, cloui yi agni sanimlougbi mlia. ⁴ Dèsa mlô Siloé, mlô gnêkpahi kougbagbata sré mlilialacou ni wacuiala, agougou gba walia kpagni gnègni nouhan ni wazia Jérusalemou lèliacou? ⁵ Ounh oun, issolia gni. Ma ani kétchini ayi cou. ⁶ JESUS pamla gba cassini: gnonkpô golia sou ôgolougolou bani, ni ôyiassi ôgolougolou bassaca, ma ônia bê. ⁷ Ni ônéa ba coulila gba: awia, danèssi yroubô tra, ni yi na golou golou bassaca, ma ignénia kpô bêh adiyou. Inèni atalèyougni ni oucouè doudouacô ⁸ Couicouli bani nèô gba: taliou zounigni, sè icou yocou mli sè icada angraisou. ⁹ Ouca you trou anhzohoucou, sa noni, ma ounitrouni iyiyou dih. ¹⁰ JESUS tcha palou mlouzô gnèpè gnèpè zéli. ¹¹ Awlè onhnon liô wougô gnègnon coulani, ni oukplalèala doucou, ôca couê ni ôminô sè ôca cougnrougouli. ¹² Dai JESUS nilôyo couni, ôlô, ni ônèô gba: diôkpô izalaminoni. ¹³ Ôgbia mlô sicou, ni ôyrougoulia ganico,ni ôfio LAGÔ. ¹⁴ Ma, palôtouni,niassi wa massè JESUS yamlia gnêpê gnêpê zéli. Chèfouni dièa gbou ni ônéa yalia gba: yri gbiploucou, ignokpô yila lomlicounou. Ayi sè waca dalè yrinicou yamlia ma ini gnêpê gnêpê zéliacou. ¹⁵ Clouégnon oniwacou ni ônêagba: gnêkpagnégnou! Inô couagnini, ni ôza ô ofoumou bloussié, ani, ô mli, ni ôzè mla cafa gnêpê zélia? ¹⁶ Ni, aya Abrahamou gnôhon, ô dévlé kougba gbata cala, izô gnêpê gnêpê zélia niwlou? ¹⁷ Dè ôloupia la wèlini, wamlo mlèalô lou, zié mlawa, ma yalia mloa plècoumènèa wa djaca djaca JESUS noulaza. ¹⁸ Ni JESUS nègba: inèya LAGÔ ôcloua gba wloulè, ni,inè iya yri mlaglèlè? ¹⁹ Iya galè wlouwlougê wloulè êgnokpô vouzilacôli, ni ôpola ôgboani ni éyrimolé, ni êlili soucadou, ni anhni lê zouwouo nè oulamliani nouni. ²⁰ Ônéa clougba: iné iyi LAGÔ ôh clougba yocou falé? ²¹ Eya zriyi tiquiliô onhnon tchacalèla doudoumlou oukilo taya toun sè êkacoumlou. ²² JESUS plèa trikpè dia aya dididiacou, ni ôtcha wa dêwa mlilèlè Jérusalèmou. ²³ Gnokpô nè gba: Clouégnon mloumlou yali mlougbi yi gbouni siô? Daida ônêwa gba: ²⁴ Atitiô sè oyralè souhoué cadahoua, massè kpagni yi gnaka, ma waza mino, ²⁵ Dè srè toua yila coumlou ni, ôyi souhé gba dèdani ayi kpoukpa couco, ayi souhéamla, ni anougba, Clouégnon, Clouégnon, taliagnini, aca plalè. ²⁶ Ni ôyiagni couhoni ni ôyiagni nougba: iniagni yi, imla wlê? Ni,ayi nougba: ha li amla naclouicou, ni itchalè agna kpohoui cou. ²⁷ Ma ôyiagni cougnéni, issoliagni, iniyimlô awlè. Atroumlalè oun mlô, agniouhan gnoula. ²⁸ Wiwinougbou, aya liligba dè acala Abrahamou, Isaqui, Jacobou, ni profètihouan LAGÔ ôclouagbani, ma agni, apiô kpoukpacou. ²⁹ Wayi liliclô, métché, anhni aya zô, ni wayi djacanicou walia coula troblicloui mlô LAGÔ douni. ³⁰ Ni, ayimlélé lini: gbèmlièlè ouhan yi cluico cou ni clouicoucouhan yi gbin mlialè. ³¹ Pèpèlianini, pharisiens ouhan yi, ni wa nègba mli sè wlou dani, massè Hérodou mlatè ôcamon mla. ³² JESUS na: amli sè anou mlèlié gba wia itri dévli, ni iyamlia zéca, aya ziqui ni tazélia, iyi nado gene. ³³ Ifatagba, mamlôza, imlilè zécaclouicou, ziqui, aya yri djilada, massè, sani gbè prophétignon mliô Jérusalèmou gbougbôcou. ³⁴ Jérusalèmou, Jérusalèmou! môgnon mla prophétihouan ni imla na couloumlouhouan kpini. Issalè tchicou iyi nawoua wligougloua lègbassè côqui gboula ôwouo ômaplizô, ma ini sa couhonou. ³⁵ Wlé nassrè wliô yocou, inèmôgba: izassoun yocou toun sè icamô solou: ipaliôgnon môliô yila LAGÔ ôhéanni.