¹ Yaliboutoukpa zou wahi labéni sê waka nounougba inionla agninia zié. ² Sé walia lebla tèkali ni wa nila yokou soloula agnini ni walélé LAGÔ lobenouwan. ³ Izanini, ahouma, ininan yokougba, ika izorbordani kou kpafialè sè ikana yra ya ikanán zié, nou-nou gbi nani yigbalè lakou Théophili zié. ⁴ Iwagba yibélénan tchalia ilignion lamon. ⁵ Tagnini, Hérodou lebla Judée nè gnêbêlou, LAGÔ or lobénougnon Zacharie koubada, or koumliba LAGÔ or lobénouwan wa kandé Abiani. Or wlonha wloulèba Aaron or lorkani, ni or lalia leba Elizabethi. ⁶ Wassorha kouba LAGÔ koulikou, wa zouèbana djrémanwan bouboa ya LAGÔ kou nonhou-nonhoulia. ⁷ Wania yoka, sê Elizabethi kaliba ni wassora wa yroubor a nalis kpagni klikou. ⁸ Yribolo, Zacharia nè ba logôlobéa LAGÔ klikou, or kamdéa djéassida gbê wanouè. ⁹ Da djéla palouzo nè nou-nougbi i djŕma kou wa sraliaô sè orka assoubè ha bor palouazo fa. ¹⁰ LAGÔ wouhoa bouboa kouba boubiélini koukpakou tagnini wa ka ba LAGÔ wilgnin grin. ¹¹ LAGÔ bladréa yrahoryi, or gnrouglo dè wazoula wlignim è liliklakou. ¹² Dè or nila bladréa yokouri, Zacharia gnanon playor. ¹³ Ni bladréa nèyorgba: «gnanon na blamon ma na boubiélia izihikou. Na wlon Elizabethi yi yignoudiokai sê ziéléor Jean. ¹⁴ Or kala na poupoué éya djakanou ni yaliboutoukpa yi djakanikou or kaliliza. ¹⁵ LAGÔ yihor orgnakpa kadou kounou or koulikou, or namls nou tèlia. Kplor-kplor ougor kouor -kou,or lior koulala or nonni. gou ¹⁶ Or yi Israël wouo boutoukps wa LAGÔ lamini. ¹⁷ Or kala agni klikou na houlè sè LAGÔ palialor aya Elie or ougor ya or tèti koulorkou sê atowan wa porlèa kadoukouï sa waka wa wouhoa va, ya orka gnakpnablawa LAGÔ bonon nanoua palia sê orka yalia bouboa LAGÔ or wouo kounou.» ¹⁸ Zacharia nè bladréagbor: Isaï iyihi yibelé? iya na wlonsor léssi gagawan.» ¹⁹ Bladré nè orgba:« Ilé Gabriel or lior kouèla LAGÔ klikou. Ya lobohou gbè ikamon solou eya ikamon dinaniasa. ²⁰ Izani lopéli zèmonkouyi, inèza, ini ns nouwèlia nouawlèla ikala tagnini noua wlèleléa.» ²¹ Yalia koba Zacharia ni noukpô srawa sè orglèlèla bor LAGÔ délini. ²² Dè orwloula zorni, lopéwèli wlouwassiwani niwanouinigba LAGÔ palia or yiziziegbi or déliani. Or soléwa wlini ni orlopé. ²³ Dè orlagô boubiétagnia plilani, or tchor ssrénini. ²⁴ Dè pèpènè tagni plilani, or wlon Elizabethi lélésignou. Or ziziotou tchigbi or nèba oyigba : ²⁵ «A niali LAGÔ noula naza, or paou or yihakou sa liboubo leblahou yali klikou ziéa kahou kouylou». ²⁶ Orgoua ou tchigbiplo yrikou LAGÔ lobo or bladré Gabrieli bor Galilée ́doukou or lior walalor Nazarethi. ²⁷ Bor yokoyo liorla gnoudioyi ni orya gnoudio koula doukou walayor Joseph, orwlè Davidi wa lorkpani. Dènè yokoyo wa layor Marie. ²⁸ Bladréa plalè orda niornègba:« plèkoumènou gnénimon, mon lior LAGÔ ni la gnazini klignon yamonsor kou.» ²⁹ Or lopélianini, noukpo srayor ni or yra orhyi gnlou sè balini salazor. ³⁰ Bladré néor gba «gnanon nablamon, ma LAGÔ or gnazininia koumonkou. ³¹ Iniéyokou, iyi goulélé ni iyi gnoudio kali orlior kala ZESUS ziéle. ³² Or yi yrimolé ni wahior gnèbèlois douani nèyola.Kloigba LAGÔ yior oto Davidi or gnèbèlokpoa gne. ³³ Or kloigba yi korkor Zacob or sréakoukon ni kloigba za korkor gbêkoukali» ³⁴ Marie nè bladréagba: isè linia yipli masè iya gnoudio lazapé? ³⁵ Bladréa gnonéor kougba : kplorkplor ougor yi mon kouyi ni LAGÔ douani nè têtia yimon ou zouzouaya kougbli.Ezani yakola kaliorhani yikplor niwa yior LAGÔ or yola. ³⁶ Ni Elizabethi inonwlon, or mon-ma orlemlikou gou or korglèani ni or kou gbipltcho or gouani, orlior walabla or kali, ³⁷ «Ni bénikou sê eka LAGÔ sia.» ³⁸ Marie nègba:«Ilé klignon or lobenou wlon. Ibouboa plina naza nonsaï igbala!» Ni bladréa wlèlor yokou. ³⁹ Dènètagninini, Marie mle ̀fafa bor trouani nè doublokou ou koulabor Judée nê bliakou. ⁴⁰ Or plèlè Zacharie or sréani ni or balè Elisabthi. ⁴¹ Dè Elisabèthi noula Marie or baloua baloua, you titior bor goumakou. kplorkplorougo yé Elisabèthikou. ⁴² Or gabani nim or nègba:« ipalior gnou wléa boubouani ni gnoupa lègnéni ya gninba na gniatia. ⁴³ Yi sê ni ignion ou gba ilélé toha or yoa or non? ⁴⁴ Ma dè na baloua gbaloua noukuini, yoa titior bor na gonia. ⁴⁵ Poupoué gnéni or kouzila LAGÔ wèliakor, èya sè logônê wagbablor ni yi gnéni!» ⁴⁶ Izani Marie nê gba:« na ougor kou lè LAGÔ ni». ⁴⁷ Ni na ougorkpa pla djaka LAGÔ ni na gboussagnon. ⁴⁸ Sê or yia blilila ahoukou or lobenougnon na noua wlon nanonla. ⁴⁹ Ma têtia itoha nouhou welinani kadi kploli lé na gni ! ⁵⁰ Or gnazia mlè zorkpa èya zonkpani yali kalahor portêtê. ⁵¹ Or lamlior têbi sorha ni or drnié wala ougor nanouka. ⁵² Or klié têti towan gnêbèloukpoakouza ni or bo wakorla porlènsnéakou. ⁵³ Wa wonhou blalani, or louo wa gnèbèlo wa nakou gnèbèlitowanor tchwani ni or sa wa gnèbèliakor. ⁵⁴ Or yi Israëli clalèka or lobenougon ni or louolé or klibioha kou atowan yreliani. ⁵⁵ Sa sakassaks sê Abrahamou LAGÔ tamialordrékou eya wan boubo wloulèlahor lorkpani kôkô.» ⁵⁶ Marie ya Elisabethi koulèakou tchitalnédé ni dè lili plilani, or tchor ordani. ⁵⁷ Tagnini Elisabèthi kabla kaliani gnénéa ni or lamli poupoukou gnoudio. ⁵⁸ Wan koulor yokoua éya o torwan nougba LAGÔ nior gnazini, wayamonsor déniela djakaha. ⁵⁹ Ni Gbata zéliakou or yi sê waka yoha koudi. Or na or kabayor or to Zacharia or gniagni. ⁶⁰ Ma or non nègba:«Iyra Jean ma kalahorla.» ⁶¹ Wa nè orgba:«gnonkpor ni itowan ni kou orlior kala gnlini.» ⁶² Or yralè orto moumalè lini gba issa wa layor. ⁶³ Or yralè tromblitikilior ni or klèba gnlia:« or gnlilé Jean.» Noukpa sra yraliabouboa. ⁶⁴ Gagani, or blizorha ya or mionha blouchio. Or lopéa gbani or palè LAGÔ gnou. ⁶⁵ Ni yalia bouboa koulor da yokouani gnanon playa. Ni da Judée le kpotria bouboani wa lopéa dènèwèlini. ⁶⁶ Yan boubo nou liani zouè yi wa porlèani ni wa nè gba:« Inè yilior-lior kalalélé?» LAGÔ or souha kouhor kou, ⁶⁷ Kplokplor ougôa sro or to Zachrikou,ni or masipaliani or nègba: ⁶⁸ «gnoupalègnéni klignom,Israël LAGÔ sa oryi or wouhoani ni or gnèwa poupoué.» ⁶⁹ Têtikadi plalo Davidi or lorkpani or lobenougnon ha. ⁷⁰ Linia mè chrisi or lobowan salèbani kou gorgorblani. ⁷¹ Poupouéni, i sala agni agnan zorgblêgbawan yokou ni troumalèlaba wa zorla agni, ⁷² Or gblalia or porpalia toha yocou ni or louolé mènou kadouakou, ⁷³ ni zrougouéli or kouzila Abrahamou agnatoa klikoukor,oryi agninignè, ⁷⁴ dè orkala agnibo agnan zorblegbawan yokoussa si akamino ya akayor djakani gouglalè, ⁷⁵ klorlini ya nouawlènior wléliani agna poupoua bouboani, ⁷⁶ Ni mon nayo ayimon LAGÔ galè yola ni iyi klignon klikou nonhoulè sè ikor yilia na kla . ⁷⁷ Ya ika yalia poupoué wa nilila valiani palia. ⁷⁸ Agna LAGÔ yi agni va or waloukadoué. Dènè waloukadounini or yiyi non sè yrouvala balakou sè or ka agni kou gnania ba LAGÔ hani. ⁷⁹ Or yi wakoulaba titikpania kougnania éyi wakoula kouéa èzou-zouani zou, yoama . ⁸⁰ Yoama or yrimoleba, or boi ni or tèmani ougorni. Orkouabor yrou doudoua kou tou zèli or bonbasila oyi Israëliwoua paliali.