¹ Poli, Kirisita Yesu ka kasoladen ani Timote an balemakɛ ka ci Filemon ma an balemakɛ kanullen ani an baarakɛɲogom ani an balema muso ² Afiya ma ani Arishipisi ma an tɔɲɔgɔn kɛlɛcɛ, ani egilisi ma. O min b`i ka so kɔnɔ. <sup>3</sup> Nɛɛmɛ ni hɛra ka k`i ye ka bɔ an Fa ani Matigi Yesu fɛ. ⁴ Ne bɛ barika da ne ka Ala ye waati bɛ, k`i fo ne ka dɛliliw la, <sup>5</sup> Ka d`a kan danaya min b`I fɛ Matigi Yesu la ani senumanw bɛ ka kanuya min b`i la ne y`o mɛ. <sup>6</sup> Ne bɛ dɛlili kɛ ko jɔyɔrɔ min b`i la danaya la o ka sabati koɲuman bɛ dɔniya la min bɛ anw na Kirisita la. ⁷ Ne ye ɲagali ni lafiya sɔrɔ kosɛbɛ i ka kanuya la balemakɛ katuguni kanulenw dusu suma sɔrɔ e fɛ. ⁸ O bɛ n`a ta, hali k`a sɔrɔ cogo bɛɛ bɛ ne bolo Kirisitala i ka kan ka min kɛ k`i ci o la. <sup>9</sup> N`ga kanuya barika la, ne n`a ɲini i fɛ, ne min ye cɛkɔrɔba ye ani kasoladen ye sisan Kirisita Yesu kosɔn. <sup>10</sup> Ne bɛ i dɛli ne denkɛ Onesimusi ye, ne ye o min bangi k`an to jɔnɲa la. ¹¹ fɔlɔla a kɛra nafan n`tan ye i yɛ, n`ga sisan nafan bɛ a la e ni ne fila ye. ¹² Ne ye a yɛrɛ ci a ka kɔsegin i ma ale min bɛ ne dusu la. ¹³ Ne tun bɛ se k`a mara ne yɛrɛ fɛ walisa i tɔgɔ la a ka ne dɛmɛ ne min bɛ jɔlɔkɔ la kibaro duman kosɔn. <sup>14</sup> N`ga ni i ka jɛn ye, ne t`a fɛ i ka foyi kɛ walisa i ka ɲumaya kana kɛ jagoya ye, n`ga i k`a kɛ i sago la. <sup>15</sup> Tuma dɔ a tun farala I la waati kunkurun walisa I k`a sɔrɔ badaa. ¹⁶ A kana kɛ I ko jɔn tuguni, n`g aka tɛmɛ jɔn kan I ko balema kanulen <sup>17</sup> kɛrɛnkɛrɛnen ya la ne ye ani hali ka tɛmɛ ne kan e ye, farisogo ni Matigi fila bɛɛ la. <sup>18</sup> N`ga n`a y`a sɔrɔ a ye i hakɛ ta fɛn dɔ la, walima i ka juru b`a la, o jate ne yɛrɛ kun. <sup>19</sup> Ne Poli, ne bɛ sɛbɛni kɛ ne bolo la : ne na o sara i ye. Ne m`a jira i la ko i ka ɲɛnamaya yɛrɛ ye ne ta ye. ²⁰ Awɔ, balemakɛ, a to ne ka ɲagali sɔrɔ Matigi la, ne dusu saalo Kirisita la. ²¹ Ka d`a kan ne jigi dalen do i ka kaminɛli kan, ne bɛ sɛbɛn ci I ma k`a sɔrɔ n`baa dɔn ne bɛ min fɔla I n`a kɛ ka tɛmɛ o kan. ²² Ka fara o kan, i ka dunan jigin so dɔ labɛn ne ye katuguni ne jigi b`a kan ko ne na cogo sɔrɔ ka se aw fɛ yen aw ka dɛlili barika la. ²³ Epafarasi, ne jɛɲɔgɔn kasoladen Kirisita Yesu la ale bɛ aw fo, ²⁴ Ani ne jɛɲɔgɔn baarakɛlaw fana Marika, Arisitarikisi, Demasi ani Luka. ²⁵ An Matigi Yesu Kirisita ka nɛɛma ka kɛ aw ni la. Amina.