¹ ŋdékɛn futu lɔ,avɔsatowo yo ameganwo kudo yudatɔwo yo ŋkɔnotowo bu tame kpo ɖodju só letsi yi woó a sɔ nyɔwó ɖo Yesu ŋty le metsi romatɔwó fiɔ da ɖó ŋkɔ nɔ wó.Wó amedjíkpɔwó sɔ ka blã Yesu. ² YÍ wó kplɔɛ yi Pilati tsi nyi roma fiɔ texoe nɔ tɔ lɔ gbɔ. Pilati biɔ Yesu se be,Wo yi nyi yúɖatowo fiɔ lɔ?Yesu to nú bé,wo ŋtɔ yi tui. ³ Avɔsatɔwó meganlɔ sɔ nyɔ ɖo Yesu ŋti be é wa enu baɖawo. ⁴ Pilati biɔɛ se be ,doŋti ɖékpékpí ŋdé le ashíwo lo?Kpɔ enyɔ gbógbó tsi wó sɔ ɖo ŋtíwo ɖá? ⁵ Vɔ Yesu ŋdé to enyɔ ɖékpékpio,le nɛnɛ nu ŋtilɔ ŋme wa ya nɔ Piláti. ⁶ Edjiedji xoe dékpékpi mɛ lɔ,Piláti tanɔ shi gakpamenɔtɔ deká le pák-zán ɖuɖu game. ⁷ É tanɔ shí gakpamenɔtɔ tsi dukɔ lɔ bíɔ. le ga xɔn me ame ɖeka tsi yo ŋkɔ nyi Barabasi ɔ le gaxɔme kúdo ame búwo,wó wu ame le ga tsi me wo tsite ɖo rómadukplɔláwó ŋty. ⁸ Ameháwó vá Piláti gbɔ yi wó tó ni be nɛ dashi le ame ɖé ŋty shigbe letsi é wani édjíédjí nɛnɛ. ⁹ Ɖe mi dji be má dashí le ame tsi miá dukɔn lɔ tó nɔ ŋtí bé yi nyi mia fiɔ lɔ a? ¹⁰ É tó nyɔ xɔn ɖó é nyá nú tsi avɔsatɔ lɔwó le djidjí ɔ be yewó áwa.É dó djeshi bé avɔsatɔ lɔwɔ sɔ nyɔ ɖó Yesu ŋti le núhuan ŋtí.Ɖó ame gbogbowo le Yesu yome dje ɔ. ¹¹ Vɔ vɔsalawo ŋkɔ nɔntɔwo zin ameháwó djí bé wóa biɔ Piláti bé ne dashí le Barabasi ŋti ɖo Yesu texoe. ¹² Piláti biɔ wó se bé ŋdé wó djí bé yáwa kúdó ame tsi yɔɔ wó le bé yewó fiɔ? ¹³ Avɔsátɔ gáwó tó nɔ amehá lɔwó bé wo nɛ biɔ bé wóne kí í ɖó atí ŋtí. ¹⁴ Piláti biɔ wó se be ŋdé ŋtí?Enu gbégblé ŋdé i wa?Wo gbé do axua sɛnsín kpí i bé: mi kí i ɖo ati ŋtí. ¹⁵ Tsi Piláti djí bé ye adje amehawo nú lɔ édashi le Barabasi ŋti.Yi sɔdjawó dóba nɔ Yesu.Exɔn ŋgbodomelɔ é to nɔ yo sɔdjawo be wo ni va yi kí i. ¹⁶ sɔdjalɔwó kplɔ Yesu yi wó kpáme .Yi wo xoxu wó há tsiwo le afɔte le ga xɔn me. ¹⁷ Gad tsi me sɔdjalɔwo xoxu kekeŋ vɔ lɔ,wó sɔ awu lɔgbɔ djin dó nɔ Yesu,wó sɔ ŋdja kúkú tsi wó ŋtɔ wó wa lɔ dó ta ni. ¹⁸ Wo dó gbe ni shigbe letsi wo dónɔn gbe nɔ efiɔwó nenɛ,nɛ wó asɔ kui. ¹⁹ wo sɔ yétí xo ta ni ze nɛní ɖé ,wo tu tan ɖo ŋti,yí wó tsɔn ŋmɛ anyi le yo kɔme shigbe bubu dóɔ wo le ni nɛnɛ. ²⁰ Tsi wó kui vɔ lɔ,wó ɖe awu djin lɔ le ŋti ,wó sɔ yí ŋtɔ wuwó dó ni,yí wó kplɔɛ yi eduɔ godo nɛ wo avá yi ki. ²¹ Vɔ ame ɖé tsi yo nyíkɔ tɔ Simon ,Aleksándri kudo Rufusi yó tɔ,só duɔ gódó vá dógo wó.Wo yɔɛ yí wo zín djí bé ya sɔ atisogalɔ kúdó Yesu. ²² sɔdjalɔwó kplɔ wó kú ve lɔ yi Golgóta;texoe xɔn nyikɔ gɔmesese yi nyi ametaxú texoe. ²³ wo sɔ (yovo-déha) tsi me kotoklobo le ni be ya nu,vɔ Yesu gbé.sɔdjalɔwó sɔ yó wuwó. ²⁴ wó kí i ɖo atisoga ŋtí.sɔ yidjí lɔ wó da akɔ sɔ má yo wu. ²⁵ Le gaxoxo tɔngɔn lɔ mɛ yí wó kí í. ²⁶ Wó kán súsú tsi ŋti yi wó wui ɖó lɔ ɖó atísoga ŋtí. ²⁷ Núŋɔŋlɔ lɔ le nunúɔ bé yí nyí yuɖa tɔwó fiɔ lɔ.Wó kán fĩafĩ ámeve tsán. ²⁸ Wó kán mɛ ɖéká ɖó yó ɖushi djí,evegɔn lɔ ɖó yó miɔ dji. ²⁹ Me tsiwó vá le yíyíwɔ le Yesu zun wɔ,le eta húnhúnwɔ ³⁰ .Wó le nunú ɔ bé:óxóo !wo tsi nunɔ bé ye látɛŋ gban Mawu xóé lɔ yi ye latrɔtui le ŋkeke tɔngɔ gbe;Ne wo latɛŋ wa nú xɔn, ɖe ɖɔkú wo nɛ na ɖi le atísoga lɔ ŋtí. ³¹ Avɔsatɔ mɛgánwo kudó yudatɔwó sé fíátɔwó tsán le Yesu ko ɔ.Wó le nunu ɔ le wó ɖokúwó mɛ bé:yi tsinɛ ɖe amɛwó le wó fukpékpé mɛ lɔ,ná tɛŋ ɖe yéɖokú lɔ? ³² Ametsi nɛ nunɔ bé ye nyi Klísto,izraɛlíviwó fiɔ lɔ nɛ ɖi le atísoga lɔ ŋtí nɛ mia kpɔ yi mia xɔ djí se!Ame ámɛve tsiwó wó kán ɖó yó alɔwó dji lɔ tsán le zunzun i wɔ ³³ Le gaxoxo ámadɛn ɔ mɛ lɔ anyígbándjí kékéŋ dó vivití káká yi ɖo gaxoxo amashiɖekɛ ɔ djí. ³⁴ Le gaxoxo amashiɖekɛ ɔ djí lɔ Yesu do axua gánɖé dowɔ bé:Eloyi Eloyi lamá sabaktaní tsi gɔmɛ nyi be:Mawu nye Mawu nye ŋdé wa o gblé ŋ daɖɛ? ³⁵ Gatsi mɛ amɛha tsiwó le xɔn a woó se nyɔ Eloyi ɔ,tsi woó se nyɔlɔ baɖa a woó nú bé:Mi se é le nyɔnunudaɖɛtɔ Eli yɔ ɔ. ³⁶ wo domɛtɔ ɖeká shidu sɔ ɖovúnvún va yi do aha vevé(vinɛgri)mɛ.yí i sɔ ku yeti ŋti yi i le jinjín ɔ ɖo Yesu dji be nɛ ɖíɖɔɛ.E le tótó ɔ be mi nán mi á kpɔ létsi Eliya lá ɖivá á vá ɖi i le atisoga ŋtí ɖó. ³⁷ Yi Yesu dó axua kudo gbe gbégánɖé sɔ yó gbɔngbɔn ná, yí i ku. ³⁸ Le gaxoxo xɔn mɛ lɔ xɔmesoɖowɔ zɛn so dji vá gɔnmɛ. ³⁹ Sɔdjawo mɛgan tsi kpan ŋkɔ Yesu le atisoga ŋtí le gatsime yi le kukuwɔ lɔ kɔ gbe yi dji yi i tó bé:le nyawo tótó mɛ lɔ,ŋsu yɛ Mawu ví i nyi. ⁴⁰ Nyɔnu ɖéwó tsán le xɔn tsi wó lé azɔgé lé nuawó kpɔwɔ .Le wó domɛ lɔ mila kpɔ Maria Magdalá tɔ,tsi nyi Jaki kudo Yosi nɔlɔ,Salomi tsan le xɔn. ⁴¹ Wó kplɔ Yesu dó le ga tsimɛ yi le Galilí ,woó ɖónɔ yo híánwó kékéŋ tsi ni.Woó va Yeruzalɛm kudúi. ⁴² Gatsimɛ woetrɔ gógó ɔ,tsi ŋkeke tsi dó ŋkɔ nɔ wó gbɔngbɔnɖémɛ ŋkeke(Sábáti)lɔ mɛ yi woó le ɔ,ŋkeke yi dji woó djranɔn wo dékíwo ɖó ɔ. ⁴³ Ŋsu ɖé tsi nyíkɔ nyí Jozɛf alimaté (Arimate)tɔ ɔ vá.E nyi amɛ ŋkutá le yuɖatɔwó ŋkɔnɔtɔwó domɛ.Ye tsan le te nɔɔ kpɔ Mawu fiɔɖuxoe lɔ ɖeɖefia.É yi kudó djidoxo vayi biɔ Yesu yó ŋtilán le Piláti gbɔ. ⁴⁴ É wa yaa nɔ Piláti be Yesu ku kábá léhá.Éyɔ sɔdja kavetakpo tatɔ lɔ biɔɛ se bé Yesu ku vɔa? ⁴⁵ Tsi sɔdjawó tatɔ lɔ ná e nya bé Yesu ku lɔ é sɔ ŋtílan lɔ na Jozɛfu. ⁴⁶ Jozɛfu xloe klóba.Tsi i ɖí le atisoga ŋtí á é sɔ klóbá lɔ sɔ butu i.É sɔɛ sɔ va yi dó yɔdo tsi wó ɖe ɖó ekpé mɛ.É mlin kpé ɖéka sɔ tu yɔdoɔ lɔ. ⁴⁷ Maria Magdalátɔ kudó Maria Jozé nɔ wó le fi tsi woó ɖiiɖo ɔ kpɔ ɔ.