¹ Ŋsu ɖe nyi farizia tɔ, o yɔni be Nikodẽmu, ényi éfiɔ samɛ o mɛgan ȡeka. ² E zɔn ézan yi Yésu gbɔ, yi i to ni be, " awué tɔ, mi nya be énu fiatɔ gan ȡéka yi o nyi so mawu gbɔ, ȡo amɛ ȡe ŋȡa tɛŋ wa amlímanu tsi wo waɔ yi o le xɔ̂ nɛ mawu ŋȡe le kudui o. ³ Yésu ȡo éŋtsi ni be, " Nyawo, nyawo,nɛ amɛȡe ŋȡe trɔ dji yéȡokui o wa, ŋȡa tɛŋ kpɔ mawu o fiɔduɔ lɔ o. ⁴ Nikodemu ȡoeŋtsi ni be, " le de yi amɛȡe la trɔ dji yidokui nɛ éku tɔgbui vɔ? ŋȡa tɛŋ gbé trɔ yi énɔ̂ lɔ o ȡɔmɛ yi o la trɔ dji o ȡe, alo? " ⁵ Yésu ȡo ŋtsi ni be," Nyawo, nyawo, nɛ o ŋȡe dji amɛȡe le ési kudo gbógbó mɛ o wa, ŋȡa tɛŋ do mawu o fiɔ du ɔ mɛ o. ⁶ Enu tsi o dji le ŋtsilan mɛa nyi ŋtsilan yi énu tsi o dji le gbɔ̂gbɔ̂ mɛa nyi gbɔ̂gbɔ̂. ⁷ Ŋ gbé nalé sɔ kuȡo ényɔn tsi ŋ nu nɔ̂n ŋtsi o " o ȡo la trɔ dji o yéyé." ⁸ Aya xonɔ̂ le fitsi djrui a. O le aya xoxo o gbé seɔ, vɔa ŋȡe nyan fitsi i so alo fitsi yiɔ yi i lé o. Nɛnɛ yi i nyi nɛ amɛtsi o dji le gbɔ̂gbɔ̂ mɛ". ⁹ Nikodɛmu ȡoŋtsi be," Lédé o la tɛŋ wɛ" ? ¹⁰ Yésu doŋtsi ni be, " O nyi énu fiatɔ le Izrael yi ŋȡe nya énu tsɛ wo. ¹¹ Nyawo, nyawo, mi le nuxo xoɔ sɔ kuȡo énu tsi mi nyân ŋtsi, yi mi le ȡasé ȡuɔ so énutsi mi kpɔ ŋtsi. Gânkéa dukɔ̂ a ŋȡɔe xɔ mia ȡasé ȡuȡu o. ¹² Nɛ ŋle nuxo xoɔ nɔn amɛ wo so anyigbân nu wo ŋtsi, yi wo ŋȡe xɔséo wa, lede o la tɛŋ xɔ ényɔ̂n tsi o na nu nɔ̂n wo so mawumɛ ŋtsi? ¹³ Amɛȡe ŋȡe i djíŋkusi tovo nɛ amɛ tsi ȡi so djíŋkusi va o, mawu o viɛ. ¹⁴ Sigbé le tsi Mɔízi kɔ édan ȡo édji le zogbédji, nɛnɛ ke o la do agbétɔ o viɛ ȡo dji ¹⁵ yi amɛtsi xɔ édji sea la kpɔ agbé mavɔ. ¹⁶ Ɖo mawu lɔn xixéɛ ŋtsi yi i sɔ éviɛ akoŋgo sɔ na nɛ amɛȡe tsi la xɔ édji sea ŋgbé ku o, vɔa nɛ ya kpɔ agbé mavɔ. ¹⁷ Mawu ŋȡe ȡo éviɛ ȡoȡa xixéɛ mɛ nɛ yava ȡo kodjo xixéɛ o, vɔa nɛ xixéɛ nɛ kpɔ hluíngan to édji. ¹⁸ Wo ŋȡagbé do huɛ amɛ tsi xɔ édji séo, vɔa o do huɛ do amɛ tsi ŋȡe xɔ édji séo wa hoho, ȡo ŋȡe xɔ mawu o vi akoŋgo ɔ dji sé o. ¹⁹ Kodjo ȡoȡo lɔ o gɔ̂mɛ nɛ, kɛnklɛn a va xixé ɛ mɛ, amɛ wo lɔ̂n vivitsiɛ wu kɛnklɛn a ȡo édɔ wo tɔ o nyín édɔ nyanyrân o. ²⁰ Amɛtsi wa nɔ̂n nuvuín a ȡénɔ̂n vuín nɛ kɛnklɛn, yi ŋȡe va nɔ̂n kɛnklɛn o ŋkɔ o, ȡo évɔ̂n nɔ̂n be o la va ȡeha yé o dɔ wawa wo. ²¹ Amɛȡe tsi lɔ̂nɔ̂ nyawo a, va nɔ̂n kɛnklɛn ŋkɔ nɛ yi o dɔ wawa wo nɛ zé, ȡo o wa wo le mawu mɛ. ²² Exɔ̂n yomɛa, Yésu kudo yi o nuklaviwo yi Judée nyigbân dji; le xɔ̂n a , énɔ̂n kudo wo yi i nyrɔ̂n amɛ wo. ; ²³ Ejân tsân le amɛ wo nyrɔ̂n le Enon, édu ȡe tsi le Salim o axadji ȡo ési sugbɔ le xɔ̂n. Amɛ wo le xɔ̂n va ɔ yi o lé wo nyrɔ̂n ɔ. ²⁴ Ɖo gaxɔ̂n mɛa o ŋȡe kpɔ le éjân fo gamɛ o. ²⁵ Eyomɛa, énu dɔ̂ndɔ̂n djé éjân o nuklavi wo kudo jufo wo domɛ sɔ kuȡo ŋtsi kɔklɔ o kɔnu wo ŋtsi. ²⁶ O yi vɛ to nɔ̂n éjân be, ' Axuétɔ , amɛ tsi nɔn kudo le jourdain o tɔa to le ago ȡéɛ mɛa, amɛ tsi o ȡu ȡasé na, kpɔȡɔ, e lé amɛ wo nyrɔ̂n ɔ yi amɛ o keŋ keŋ lé égbɔ yi ɔ." ²⁷ Ejân ȡoŋtsi be: " Amɛȡe ŋȡa tɛŋ xɔ énuȡe nɛ ŋȡe xɔ nu nana xɔ̂n so djínkusi o. ²⁸ Miɔ wo ŋtɔ mi tɛŋ du ȡasé be ŋto be: " Nyɛ ŋȡe nyi kristo o vɔa boŋ a ŋ to be: " O ȡoŋ ȡoȡa djé ŋkɔ ni" ²⁹ Amɛ tsi tɔ yi nyi nyɔ̂nu ésrɔ̂n tɔ a, ŋsu ésrɔ̂n tɔ lɔ yɔ.vɔlɔ ŋsu lɔ wó xlɔ tsite le xɔn yi le egbe yitɔ se wɔ yi le djidjɔɛ ganɖé kpɔwɔ só ŋsuwogbe ŋtsi. Nɛnɛ ke lɔ, djidjɔɛ tsiɛn xɔn nyni djidjɔɛ nyuí. ³⁰ Enyɔn bé nɛ yidji, vɔa nyɛn nayi gɔnmɛ. ³¹ Amɛ tsi só edji va letanɔ enúwó kéŋkéŋ. ³² Amɛ tsi le anyi gbándji xonɔ nuxó só anyigbán dji nuwóŋtsí. Amɛtsi só djikpó leta nɔ unuwókéŋkéŋ. ³³ Eɖenɔ kúnu só enútsi ekpɔ kudo enú ése ŋtsí yi amɛɖé ŋde xɔnɔ yi wo kúnuɖeɖe wo. !Amɛtsi xɔ yiwo kúnuɖeɖe ɖókpédji bé mawu nyawó. ³⁴ Enútsiŋtsi lɔ amɛ tsi mawu sɔ ɖoɖa lɔ enu mawu wo nyɔn, ɖo mawu ŋde nánɔ gbɔngbɔn kudo djidjénú o. ³⁵ Atɔlɔ lɔn eviɛlɔ yi sɔ enúwó kéŋkéŋ sɔdo alɔmɛ ni. ³⁶ Amɛ tsi xɔɖeviɛdjise lákpɔ agbe mavɔ, amɛ tsi ŋdédja xɔ ɖevɛdjise ŋdédja kpɔ agbeo, vɔ mawu wódɔmɛzi lá nɔdji.