¹ ŋkéké tútugban tɔ' lé kɔsiɖámɛ yo fɔmɛ xoxó lɔ, lé gatsi mɛ xixiɛ gbé lé fluflu lɔ', Maria Magalati tɔ' vá yɔdóɔ tó; é kpɔɛ bé o mlin ékpé lɔ' lé yɔdóɔ nu. ² Yí yi xúdu yi Simɔn Piɛ kúdó nukplavi ɖéɛ tsi Yésu lɔnɔn lɔ' wó gbɔ', yí yi tó nɔnwó bé : " wó ɖé axoetɔ lɔ' tó lé yɔdoɔ' mɛ, yí mí ŋdé nyan fítsi nɛ yí wó dɛɖóo. ³ Piɛ kúdo núkplávi ɖéɛ djó lé yɔdó lɔ' tó yiɔ. ⁴ Wó ame véɛwó xúdu ɖódu; núkplávi ɖéɛ xúdu wú Piɛ yí yi ɖó yɔdóɔ tó tútugbɔn. ⁵ É bɔ'bɔ kpɔ' yɔ'dóɔ mɛ; é kpɔ' lɛn yo wu'ɔ kákan ɖó anyigbán vɔ' ŋdé ɖó méo. ⁶ Simɔn Piɛ va lé éyomé, ɖó yɔdó lɔ'; é kpɔ' lɛn wuɔ lé anyígbán ⁷ kúdó ɖóvúvun tsi wósɔ' blá tá ní lɔ'. Ɖóvúvun lɔ' kudó lɛn wuɔ' wó lé dú yí ŋɛ lé wó ɖokui sí ɖóvo. ⁸ Yí núkplávi, ɖéɛ amɛ tsi vá yɔ'dóɔ tó tútugbɔlɔ', tsan ɖó mɛ; é kpɔ' yí yi xɔɛdjí sé. ⁹ Ɖó vá sɛn ɖó gáxɔnmɛ lɔ'ŋdé kpɔ' nyan nuŋɔŋlɔɛ tsi yo nyan nuɔ', Yésu lá trɔ' fɔn lé amékúkúwó dómɛ. ¹⁰ Núkpláviɛwó trɔ' djó yi woaŋtɔwó xóme. ¹¹ Lé gáxɔmé lɔ' Maria nɔn yɔdóɔ tó lé avi fanwɔ; gatsi mé yí yilé avi fanwɔ lɔ' é bɔbɔ é yɔdoɔ me kpɔwɔ. ¹² É kpɔ' mawuótsíkplɔtɔ' eve le anyinɔnɔn le nuhíme, ame ɖéká le fítsi wó sɔ' Yésu mlɔn anuiɖó yo tágbé yi ame evegɔnlɔ' ɖó yo fɔdi. ¹³ Wó nu ni bé: " Nyɔnu ŋdé ŋtsi olé avi fanwɔ ɖó?" É tó nɔnwó bé : " Nutsi ŋtsi lɔ' wó kɔ'kɔ' axoetɔ nye djó yí nye ŋde nyan fítsi wó vayi dɛɖóo". ¹⁴ Tsi yí nu xɔn lɔ' é trɔ'kpɔ ŋgbé yi kpɔ' Yésu le te le xɔn , vɔ' ŋdé nyan bé Yésu yɔo. ¹⁵ Yésu tó ni bé: " Nyɔnu ŋdéó vifanwɔ olé? Meŋdé djíwɔ olé? É bui bé abɔtɔ'lɔ' yɔ', yí ŋtsi yi tó ni bé : " Amegan, nɛ nyi bé éwo yi kɔɛ djó lɔ', tó fítsi odɛ ɖó lɔ' nun nɛ má yi kɔɛ." ¹⁶ Yésu tó ni bé :"Maria." É trɔ yi ɖó ŋtsi ni le Hebrigbé me bé :" Rabbuni!" tsi dí lá nú bé " Núfiɔ'tɔ. ¹⁷ Yésu tó ni bé : " ŋgbe tɔ asi ŋtsi nyeo ɖó nye ŋde kpɔ yi etɔ'ɔ gbɔo. Vɔa yi nɔnvinyewó gbɔ na tó nɔnwó bé ŋdjá yidjí lé etɔnye ku miatɔ gbɔ, axun Mawu ku miɔ Mawu gbɔ". ¹⁸ Maria Magdalatɔ vá yi tó nɛ nukplaviɛwó bé yé kpɔ axoetɔ lɔ' yí yi tó nyan tsɛwó nun. ¹⁹ Lé ŋkeke xɔn yo wétrɔ, ŋkeke tútugban lɔ' lé kɔsiɖá me, gatsime fitsi nukplaviɛwó lé yo hɔn le tútu lɔ' kuɖó vɔnvɔn nɛ Yudatɔwó tá lɔ'; Yésu vá tɔte ɖó wó dome yí yi tó nɔnwó bé : " ŋtsi fáfá nɛ nɔn ku mi!" ²⁰ Tsi nɛ yí yi nu nyɔn xɔn lɔ', é sɔ' yo lɔwó ku yo axámɛ fiɔwó. Yí tsi nukplaviɛwó kpɔ' axoetɔlɔ lɔ', wó kpɔ' djidjɔ'. ²¹ Yésu gbe nu nɔnwó bé: " ŋtsi fáfá nɛnɔn kú mi! Sigbé letsi etɔ lɔ' dɔŋ lɔ', nɛnɛ ké, nye tsan ŋlé mia dɔnwɔ." ²² Tsi Yésu tó nyan xɔn lɔ' é xlú ayá ɖó tá nɔnwó yi tó nɔnwó bé :" Mi xɔ gbɔngbɔn kɔkɔɛ. ²³ Ametsi mi lá sɔ núvɔn ké lɔ', wóa sɔ kii, yí ametsi ŋtsi mi lá lé núvɔn ɖɛ nɔn lɔ' yo nuvɔn lá kpɔtɔ nɔanyí. ²⁴ Tóma, tsi wó yɔnɔ bé Djidjime, nukplávi wévéɛwó dometɔ' ɖeká, ŋde le wóme gatsime yí Yesu vaɔ. ²⁵ Yí núklavi kpɛtɛwó tó ni bé :" Mi kpɔ axoetɔ lɔ' ". Vɔ é ɖó ŋtsi nɔnwó bé :" Nɛ nye ŋŋde kpɔ' plɛngóbi lé yo lɔwó mɛo yí nɛ nye ŋde sɔ alɔ'ví tɔme yi nɛ nye ŋde lé axámé ni kpɔo lɔ'; nye ŋde djá xɔɛ sé kpɔo." ²⁶ ŋkeke nyí yome kéa, yo nukplaviɛwó gbé lé xɔa mé, yi Tóma lé wo dome. Gatsime hɔntruɔ lé kpolɔ'; Yésu vá tɔte ɖó wó dome yí tó bé :" ŋtsifáfá nɛ nɔn ku mi! ²⁷ Yí yi tó nɛ Tóma bé : " Vá fiɛ kúɖó axo lɔví na va kpɔ' axun lɔ'wó mɛ, vá na sɔ axo lɔ lé axá tsinye mɛ; ŋgbé nɔn sigbé metsi ŋde xɔse bé Mawu lé nɛnɛo, vɔ lɔ' xɔse bohun." ²⁸ Tóma ɖó ŋtsi yi nu ni bé :" Axoetɔnye kúdó Mawunye!" ²⁹ Yésu tó ni bé :" Tsi yí ókpɔŋa yí tsi oxɔ'ɛse ɖoa. wó túsi nɔn metsiwó wó ŋde kpɔ vɔ yí wó xɔɛse." ³⁰ Yí Yésu wɔ djési sugbɔwó lé nukpláviɛwó ŋme, djési tsi yí wó ŋde ŋlɔn ɖó xoman tsɛ meo; ³¹ vɔ wó ŋlɔn nu tsɛwó nɛ mia teŋ xɔdjise bé Yésu yí nyí Kristo, Mawuviɛ, yí mia gbe teŋ xɔdjise be yo ŋkɔ djí mi la tó akpɔ' agbé.