¹ Yésu , nyan yɛ tótó ŋgbédomea é kɔ ŋkuvi yidji yi tó bé:" Etɔnye, gáxoxoɔ dé, káfú evio nɛ vio tsan nan kafuo. ² Sigbé aleyi o nin atsɛkpakpa ɖó amɛwó kpata dji bé ya teŋ anan agbe mavɔ amewó tsiwó osɔ nin. ³ Agbémavɔ yí nyi bé na woá djésio, éwo nyantéxoé Mawu ɖéká, kudó Yésu Kristo tsiwó dɔ ɖoɖá. ⁴ ŋkáfuo lé anyigbandji, bena ŋtɛnŋ wú edɔ yi ŋtsi odɔŋ ɖoɖá lɔ'nu. ⁵ Fifiɛ, Etɔnye, nan teŋ akpɔ gómé lé ŋtsikɔkɔɛ tsi odjraɖó nun lé gbɔo só xixeɛ yo gɔmɛ ɖóanyike. ⁶ Ametsiwó kpátá lé xixeamé yi osɔ naŋa, ŋwɔɛ bé wónyan axo nyikɔ. Wó nyi tɔo, osɔ'wó nanŋ yi wólé ényɔn tɔwó mé ɖó asi. ⁷ Wónyin fifiɛ bé énu tsiwó keŋkeŋ, osɔ nanŋa, wó só gbɔo. ŋsɔ ényɔn tsiwó o sɔ nanŋa sɔ nan wó. ⁸ Wó xɔ enyan, yi wó xɔɛse bé gbɔo yín wó só yi wó nyi bé éwoé dɔŋ vá anyigbandji. ⁹ ŋdó bgbéɖá ɖó tá nɛ ametsiwó o sɔ nanŋ lɔ' tá, ŋde ɖó xixeɛme táo, énu yi ŋtsia wó nyi tɔo. ¹⁰ Énu tsiwó keŋkeŋ nyi tɔnyea nyi tɔo, yi énu tsiwó nyi tɔoa nyi tɔnye, yi ŋkpɔ djidjɔ. ¹¹ Nye ŋde gbélé xixeɛmeo, vɔ' wɔwó kpɔtɔ le xixeɛme. Etɔnye kɔkɔɛtɔ, kpɔ' wótá lé nyikɔ' tɔwo tá, nyikɔ' yi o sɔ naŋ bé woanɔn ɖéká, sigbé létsi nye ku wo míle ɖéká nɛnɛ. ¹² Gatsime ŋlé kudó wóa, ŋkpɔ wóta lé axo nyikɔ'me ametsiwó o sɔ naŋa ŋdjra wóɖó yí ameɖé ŋde buo negbé tsɔtsrɔnviɛ kpoe bé wawú ényɔnlɔ'wó nu. ¹³ Fifiɛa, ŋgbɔnɔn gbɔo, vɔ ŋle nyɔn yɛwó tówɔ é yi nɛ ŋkpɔtɔ lé wógbɔ' bé axin djidjɔkpɔkpɔ nadé blibó. ¹⁴ ŋsɔ axo nyɔnlɔ' náo, yí xixeɛmetɔwó leké wó, enutsi ŋtsia, wó ŋde só xixeɛmeo sigbé aléyi nyetsan nye ŋde só xixeɛmeo. ¹⁵ Nye ŋde lé gbédódówɔ bé na ɖéwó djólé xixeɛmeo, vɔ bé na kpɔ wó ta só kétɔlɔ' sime. ¹⁶ Wó ŋde só xixeɛmeo sigbé aleyi nye tsan nye ŋde só xixeɛmeo nɛnɛ. ¹⁷ Wɔwó kɔkɔɛ lé axo nyan lɔ' me, énutsi ŋtsia axo nyɔn lɔ' yí nyi nyawó. ¹⁸ O dɔŋ ɖóɖá xixeɛme, nye tsan ŋdɔ wó. ¹⁹ ŋkɔ' ɖókui nye ŋtsi léwó ta bé wɔwó tsan wóa nɔ kɔkɔɛɖé lé axo nyantexoɛme. ²⁰ Nye ŋde lé gbédoɖá wɔ ɖó wɔwó ɖéɖé taɔ, vɔ kúdó ametsiwó keŋkeŋ la xɔ djinye se tó wó nyɔntótó mɛ. ²¹ Bé nɛ wó kpátá wóa nɔn ɖéká, sigbé éwo nɛnɛ, Etɔnye, o lé mɛnyɛ yi nɛ nyetsan ŋle mɛwo. ŋdó gbéɖá bé wɔwó tsan wóa nɔn mía me bé nɛ xixeɛme nanyin bé éwo yi dɔnŋ ɖóɖá. ²² ŋ sɔ' ŋtsikɔkɔɛ tsi osɔ' nanŋa sɔ nawó bé wawó tsan wóá nɔn ɖéká sigbé alétsi nye tsan kúdó wo mile ɖéká nɛnɛ. ²³ ŋlé wóme yi wo tsan wó lé ménye be wóá zun ɖéká bé bé nɛ xixeɛme na nyin bé éwo yi dɔŋ ɖóɖá, ŋlɔnwó sigbé alé yi olɔn nye tsan nɛnɛ. ²⁴ Étɔnye, ametsiwó o sɔ' nanŋa, ŋdji bé wóá nɔn afiyi nɛ nye tsan ŋ lé, bé wóá kpɔ' axin ŋtsikɔkɔɛ tsi o sɔ' nan lɔ', nutsi nɛ ŋtsia, o lɔnŋ só xixea yio gɔme ɖóanyi ké. ²⁵ Étɔnye djɔdjɔɛtɔ', xixeɛme ŋde djésio, vɔ nye yɛ ŋdjésio, kúdó ameyiwóe nyi bé éwoe dɔŋ ɖóɖá. ²⁶ ŋ wɛ bé wó djési axo nyikɔ', bé nɛ lɔnlɔn tsi o sɔ nánŋa na dé blibó le wóme , yí nye tsan manɔn wóme.