¹ Apɔstolo Pɔlu ( ŋdé amégbetɔ wó kpadjí yɔ, yí ŋdé tó agbetɔ djíó, vɔ só Yesu Kristo djí kúdo Mawu étɔ, tsi yi fɔn só amɛkukúwó domɛ) ² Yi nɔvi tsiwó kɛŋkɛŋ nɔn kudoŋ le Galati yio tsɔtsi lɔ mɛ. ³ Amɛnuvévé kú ŋtsifáfá Mawu étɔ kúdó Axuétɔ Yesu Kristo né nɔn miadjí. ⁴ Ðoá ésɔ yeȡokui savɔ ȡo né mia nuvɔnwó ŋtsi bé né woa tuka lé gaxoxo vuɛnȡiwó tsi síté ȡó mia Mawu étɔ ŋtsi. ⁵ Yitɔ nyí ŋtsi kɔkɔɛ le mavɔ sɔyi mavɔ mɛ. Amí. ⁶ É kpátsám bé mi trɔ kpaŋkɔ mawunyɔ bu kábá tsi tóvo nɔn Kristo yio tsi kɔkɔɛ tsi mi xɔ lɔ. ⁷ Mawunyɔn ȡé ŋdé léo, vɔ amɛwó le djidjiwɔ la tsáká mi né wóa gblé Kristo yio nyɔ. ⁸ Vɔ né moa ŋtɔwó, aló mawuȡɔlawó va nú mawunyɔ nɔ mi tóvo né tsi mí tó nɔ mi, kpɛnsɛn né nyi yitɔ. ⁹ Shigbé lé tsi mi sé vayia, fifiɛ, ŋgbe lé totuiwɔ nɔ mi " Né amɛȡé va nú mawunyɔ nɔ mi tóvo nɔ tsi mí sé lɔ , kpɛnsɛn nyi yitɔ." ¹⁰ Vɔ kpéȡódji agbetɔ tɔ dji ml léa, aló Mawu tɔ? Né ŋ kpɔtɔ lé agbagbá djéwɔ bé ma djé agbetɔ nua, ké nyé ŋdé gbe nyí kristo subótɔ. ¹¹ Nɔvinyɛnwó, ŋdjí bé ma na mianya, bé mawunyɔ tsi ŋtó nɔ mi lɔ ŋdé só amegbetɔwó gbɔ. ¹² Nye ŋdé xoɛ só agbetɔ ȡé gbɔ, nénéké nyé ŋdé kplín le agbetɔ ȡé gbɔ, vɔlɔ ȡéȡéfia Kisto tɔ yí enyi nuŋ. ¹³ Sɔ yidjí lɔ, mi sé yió xo nuxó nɔ mi só agbexóxó tsi ŋ nɔ lé Yudatɔ wó kɔnú nu, létsi ŋ donɔ aya né haméɛ kudó ŋsɛn yí kankan wó domɛ kéŋkéŋ. ¹⁴ ŋ xɔ Yudatɔwó kɔnúwó sɔ dó édɔwawa mɛ wúgan nɔvinyɛn Yudaviwó. ¹⁵ Edjró Mawú ne ya tsáŋ lé káká énɔnyɛɛn wó xodo mɛ, sɔtó yio aménuvévé djí. ¹⁶ Ne ya ȡé viɛ lɔ fio todji ne matéŋ nú nɔ maxɔ ésé tɔwo. ¹⁷ Zeȡéká, nye ŋdé biɔ enyaȡé améȡé kpékpui séo, nyé ŋdé yi Yeruzalɛm le amɛ tsiwoé nyi apstolo djéŋkɔ nuŋ wó gbɔ, vɔ tovo ne xɔn lɔ, ŋ yi Arabi yi ŋtrɔ va Damas. ¹⁸ Yi éxué étɔn gɔdó lɔ, ŋyi Yeruzalɛm bé ma yi kpɔ Séfasi, yi ŋnɔ gbɔ ŋkéké amɛwuiatɔn. ¹⁹ Vɔ nye ŋdé kpɔ Apostolo ȡé kpékpui, sɔ tovo nɔ Jaki, Axuétɔlɔ yio nɔvio. ²⁰ Kankan mawunyɔ mɛ kpɔ, nu tsiwó ŋ ŋlɔ nɔ lɔ, nye ŋdé bléwó. ²¹ Fifiɛ lɔ, ŋ yi Siri kúdó Stisi wó nútowó mɛ. ²² Yesu Kristo yio hamɛ tsi le Yuda nyigban dji lɔ ŋdé kpɔ ŋmɛ nuŋ kpɔ. ²³ Vɔ wólé séséwɔ bé, "mɛ tsi donɔ funyanfunyan né mi gaȡémɛ lɔ yi trɔ djenɔ agbagbá bé yea gban xɔsé lɔ, le gbefan ȡéwɔ mawunyɔ. ²⁴ Wó Mawu kanfuwɔ le Kristo yio nyikɔ mɛ ȡo ŋtsinyɛn.