¹ Pɔlu, apotri Yesu tɔ lé Mawu yio djro mɛ, kú Timoti mian nɔnvi nɔn Mawu yio tsɔtsi tsi le Korinte kú amɛkɔkɔɛwó keŋkeŋ tsi le Akaí wó dukɔmɛ. ² Amɛnuvévé kú ŋtifafa nɛn nɔn kú mí, so mian tɔ Mawu kú mian xoétɔ Yesu Kristo gbɔ. ³ Nɛ wóa kafú Mawu tsí nyi tɔ nɛ mian xoétɔ Yesu Kristo, tsi nyí étɔ nɔn nushishikúkúwó kú akɔnfafawó Mawu. ⁴ Tsi fanɔn akɔn nɔn mí le mian vífanfan mɛ, nɛ mian teŋ sɔgbe afa akɔn nɛ amɛtsiwó le avifanwɔ kúɖo Mawu yio akɔfanamɛ tsi yí woa nɔn mí. ⁵ Shigbé létsi Yesu Kristo yio vévésésé sugbɔ lé miandji, nɛnɛn akɔfafa sugbɔ nɔn mí tó Kristo mɛ. ⁶ Nɛn vévésésé le mian dji lɔ, miɔnwó ŋtifafa kú ɖeɖekpɔkpɔ ŋti yɔ. Alo nɛ mi kpɔ akɔfafa lɔ, mian kɔfafa tsi yí vamɛ blɛwu lɔ ŋti yɔ, gatsimɛ mílé mian vévésésé tsi mɛ towɔ milé manwɔ kú mi. ⁷ Yí mi ɖo kankanɖodji ɖo miádjí blibó, le gnangnan mɛ be nɛ míkpɔ gomɛ lé vévésésé mɛ lɔ, yí mí la kpɔ gomɛn lé akɔfafa tsan mɛn. ⁸ Do miŋdé dji bé miánɔn nú mányan mɛ o, nɔnvi nyɛn wó, sɔ kúɖo yométsitsi twí wó ɖó ɖó mian ŋti lé Asia dukɔ mɛ. Téshishi ɖo mian ŋti vá wu gan mí káká míŋdé xɔsé bé mílá gbé nɔn agbé o. ⁹ Mivá lé ékú tsi mí la kú kpɔwɔ lé ŋkɔ nɔn min. Miŋdé sɔ miá mɔkpɔkpɔ da ɖo mianŋtɔ ɖékí djio vɔ ɖo Mawu tsi fɔn na mɛn so kú mɛ. ¹⁰ Eɖé mí lé tsɔntsrɔn tsi mɛ ékú to nɔn so lé, yí yi la gbé nɔn míá ɖéwɔ. Mi ɖo kankanɖodji bé élá gbé ɖé mí ké. ¹¹ Míkpéɖo mianŋti lé mian kuifanwó mɛ. Yí amɛ sugbɔwó lé akpédowɔ ɖo mianŋti, ɖo amɛnuvévé tsi mí kpɔ lé míá gbédodoɖawó mɛ. ¹² Enú tsí lé djidjɔɛ dowɔ nɔn mi lɔ, yí nyí míá djidjinyɔn yio ɖaséɖíɖí bé mí kplɔ mian ɖékí lé xixɛ mɛn, véví tɔ tsí mí lé agbé kɔkɔɛ nɔnwɔ kúɖo mí kú lé nutéxoé woawoa tsi so Mawu gbɔ, ŋdé so nugnangnan mɛn o, vɔ so Mawu yio mɛnuvévé mɛ. ¹³ Miŋda teŋ ŋluɛn énú tsi míŋda teŋ hlɛn alo áségɔnmɛn o, kankan ɖo dji lé ashi nyɛn. ¹⁴ Do mí sé énu akpá gan tɔwó gɔnmɛn, yí lé ŋkéké mian xoétɔ Yesu Kristo tɔ dji lɔ, mi la nyi djidjɔ nɔn mi, yí miɔnwó tsan mí la nyí djidjɔ nɔn mi. ¹⁵ ŋkan ɖo ényɔn tsɛ djí, ŋdjro la vá miágbɔ tsútsúgbɔn, nɛ míá mɛnuvévé yá dji ve. ¹⁶ ŋwoa ɖoɖo bé mava kpɔ mi, nɛ ŋlé Makédoni yiwɔ, yí nágbé to míágbɔ lé trɔtrɔ mɛ so Makédoni, nɛ miá kplɔm yi Judé. ¹⁷ Tsi ŋva bú támɛ so mɔnzɔnzɔn yɛ ŋtsi lɔ, ɖé ŋwoa alɔ gblɔdɔɛa? alo ŋwoa ŋtilan mɛ yo ɖoɖo, yí ŋlé " ɛn, ɛn " alo " ó, ó " nuwɔ le gaxoxo ɖeká mɛa? ¹⁸ Vɔ shigbé Mawu woanú téxoéɛ lɔ, miŋdá nu "ɛn alo o". ¹⁹ Do Mawu vi Yesu Kristo, tsio gbéfan, Sylvain, Timoti kú nyɛn, mi vá ɖé lé miá domɛ lɔ, ŋdé nyí " ɛn kú ó " vɔ gbeshiagbé lɔ enyí " ɛn ". ²⁰ Do Mawu yio ŋgbédodowó nyi nɔn " ɛn " lé yéŋtɔ mɛ. To tsɛ mɛn lɔ, mí nú nɔn " Amen " nɔn Mawu yo ŋtikɔkɔɛ. ²¹ Fifiɛlɔ, Mawu líké mí ɖo du kúmi le Kristo mɛ, yí shia mi nɔn mí. ²² Edo djeshi mi, na mi yio gbɔngbɔn ɖo miá djiwó mɛ, shigbé kpéɖodjinu nɛ nutsi yi lava na mí le gaxoxo tsi gbɔnnɔn mɛ. ²³ Vɔlɔ, ŋsɔ Mawu shigbé ɖaséfoɖutɔ, bé nutsi woa nyɛnŋdé tɛnŋ va Korinti o lɔ, yí nui bé má ɖé mi le nyɔn mɛ. ²⁴ ŋdé nyi bé mi djí bé mian nyi miá xɔsé yo kplɔla, vɔ lɔ mi lé dɔwoa kú mi nɛ miá djidjɔɛ, ɖo mí senŋ lé xɔsé mɛ.