²⁰ Timoti, lebene nutsiwó sɔ na nyuiɖe, gbe nu le nyɔn xuxluwó, nyɔn maɖo ta wó gbɔ, djɔdjɔme nunya gbegbléwó yewo nyɔn hɛnhɛn gbɔ. ²¹ Tsi nyi dɔ nɔn mɛnɖeo, tsiwó trɔ le xɔseɛ yome. Amenuvévé nɛn nɔn kú mi. ¹ Ame tsiwó kpata nyi amexlexlewó wa kpɔnɔ wó xwetɔwó shigbe wó dje ne bubu. Ne Mawu yio nyíkɔ kúɖo yio nuɖoanyi ŋgbe kpɔ alɔme ɖeɖe o. ² Ke ametsi ɖo axwetɔ yí wó nyi xɔsétɔwó lɔ, wo ŋgbe dokpo wó bubu o, ɖoŋti lɔ wo nyi nɔnviwó. Vɔlɔ wó né subɔwó shigbe hameviwó kuɖo lɔnlɔntɔ tsiwo le wóɖeki ɖó nyui wawa nɔn wó ŋti. Fiɔ nene nuwo, yí né ná ɖui nɔn wó. ³ Nɛ mɛnɖe fia enu tovo ɖe lɔ alo ŋde lɔn enyɔn lɔ yio nuɖoanyi kɔkɔɛ miá xwétɔ Yesu Kristo tɔ lɔ kúɖo nuɖoanyi tsi le kɔkɔɛ. ⁴ Nene xa melɔ enyi egoyítɔ yí ŋdé nya ŋɖé kpíkpí o. Kpéɖoŋti lɔ élé nyɔnbiɔsetsiwó nyɔndjɔdjɔɛdjidji kúɖo nyɔnhɛnhɛn ŋti, tsi djinɔ ŋbia sɛnsɛn, adjréwawa, amezunzun, susu baɖa ɖeɖe so ame ŋtsi, ⁵ enyɔn hɛnhɛn tsi ŋde ɖo nuyúyú wolɔ le amegbetɔwó tsiwó tagbɔgblenɔn. Wo djonɔlé nyɔntéxoɛ gbɔ, yí wo susunɔnbe kɔkɔɛnyinyí nyi viɖé yio djɔsoxoé. ⁶ Nyɔn texoé tɔ lɔ, kɔkɔɛnyinyi kúɖo djidjɔkpɔkpɔ wó nyi viɖekpɔkpɔ yio djɔsoxué gan. ⁷ Do lɔ miŋdé sɔ ŋɖeva xíxɛme, yiŋtsí lɔ miŋda sɔ ŋɖé djo. ⁸ Fifiɛ, ne mi kpɔ nutsi mi la ɖu kúdo nutsi mi la do lɔ, éxɔn sun ne mi. ⁹ Vɔlɔ ametsiwó djinɔ enu nɔn ameshiwó lɔ, gɛn nɔn djé tétékpɔme, gamɔ kúdo numanyan kú núvuin núdjodjrowó, tsi tutu nɔn amewó do gbégblé kúɖo tsɔntsrɔn me. ¹⁰ Do ega lɔnlɔn yí nyi núvuinwó kpatawó ké; tsio mɔn mɛɖewó sɔ, yí wó bu xɔsé yio mɔn, yí wósɔ wóɖekiwó sɔ do vevésésé gbogboɖeme. ¹¹ Vɔ, éwo Mawu yio mɛn, shi le nuxɔnwó gbɔ, yí na dji djɔdjɔɛnyinyi, kɔkɔɛnuinyi, xɔsé, lɔnlɔn, djigbɔndɛ, edji fafa, ¹² ŋhluin xɔse yio hluinhluin nyuitɔ, le agbemavɔ lɔ tsi ŋti wo yɔ ɖo, kúɖo tsi ta yí o wa xɔsé mé hunhun nyuitɔ ɖo le amehagan tsiwó ɖu ɖaséfo nɔn ŋmɛn. ¹³ ŋdo gbe ashi nɔn le Mawu yewo ŋkume,tsi nanɔn agbe núshianú, kú Yesu Kristo ŋmɛn, tsi woa eme hunhun le Ponse Pilati ŋkɔ. ¹⁴ Lebene gbedashiɛ nyuiɖe pɛpɛ, yí na nɔn agbeɛ, ŋmɛn kankan ma nɔn mɛn, kaka na miɔ xoétɔ Yesu Kristo yio vava. ¹⁵ Tsi yayratɔ, ɖekuishinɔnla ɖeka, efiɔwó dji fiɔ, axoétɔwó wó xoétɔ, metsi yí ɖeka ŋdé kú nɔn lɔ, la ɖefia le yiŋtɔ yio gamɛ. Amen. ¹⁶ Tsi nɔnɔn kɛnklɛn sɛnŋsɛnŋ tsi meɖe kpíkpí ŋde kpɔ alo meɖe kpikpi yio ŋkuvi ŋdá teŋ kpɔ, tsi tɔ nyi bubu kuɖo ŋsɛn mavɔ. Amen. ¹⁷ To ne gatɔwó tsiwo le yixɛ me be wó ŋgbe yígo kúɖo woŋgbe ɖo ŋkuví ɖo keshinɔnu xuxluwó ŋtio, vɔlɔ wó ne ɖo nu ɖo Mawu ŋtsi, keshinɔn nu nyuitɔwó tsiwó ŋtsi mi kpɔ nɔn djidjɔ le. ¹⁸ To nɔn wó be wó ne wa nyui, wó ne nyi keshinɔntɔwó le nunyui wawa me, wó ne nyi dɔmenyui watɔwó, lɔnlɔn nu fá ne nɔn wóshi. ¹⁹ Le nu tsɛ mé lɔ, wó ɖola bɔ keshinɔnnuwó ɖo gɔnmeɖokpe nyui tɔ dji sɔ na gaxoxo tsiwó lávává lɔ, be woa teŋ le nyɔntexoé yio gbe. ²⁰ Timoti, lebene nutsiwó sɔ na nyuiɖe, gbe nu le nyɔn xuxluwó, nyɔn maɖo ta wó gbɔ, djɔdjɔme nunya gbegbléwó yewo nyɔn hɛnhɛn gbɔ. ²¹ Tsi nyi dɔ nɔn mɛnɖeo, tsiwó trɔ le xɔseɛ yome. Amenuvévé nɛn nɔn kú mi.