¹ Enyɔn yɛ nyí nyɔnwó bé nɛ mɛɖé dji bé yanyi ehakplɔtɔ le Mawu mɛ lɔ, édjí edɔ nyui tɔ. ² Ela nyi mɛ tsi ŋdé ɖo agɔdjedje ɖé o, é la nyi nyɔnu ɖeka ɖetɔ, yó gbénɔnɔ né nɔn ɖoɖo nyuitɔ mɛ, yó nuwó zánzán ne nɔ ɖoɖo nyuitɔ mɛ, yó afɔɖeɖe ne nɔ ɖoɖo nyui tɔme, é ɖo la nyi amedjroxɔtɔ, mɛ tsi lateŋ fiánu. ³ ŋdá lébenɔ ahanunu aló anyí adanwatɔ, ŋdá nyí akpannyi watɔ, ŋda djinɔ yiŋtɔ víɖeo. ⁴ Elá teŋ hɛn axuédo yítɔ nyuiɖe yí viɛwó lábɔbɔ ni, anyi vi buamɛwó. ⁵ Do mɛtsi ŋda teŋ kplɔ yo ŋtɔ xué o lɔ, lé yi lá teŋ wa áteŋ kplɔ Mawu yó Há? ⁶ ŋda nyi djimɛtrɔto yéyé o. Nɛ yakɔ yéɖéki ɖodji nɛ yavadje abosanŋ yio kódjóɖoɖo mɛ. ⁷ Egodotɔwó wa teŋ ɖi ɖase nyuinɖe so ŋti, nɛ ŋgbe va gédje ŋkpɛn ganɖe mɛ kudo abosanŋ yio gamɔ mɛ o. ⁸ Ha sumɔviwo tsan ɖo la nyi nutexue watɔ, mɛtsiwó ŋde xɔnɔn aɖeve wo, woŋde ɖo la nyi aha numunɔwó, wo da nyi alé makɔ makɔ ɖutɔ. ⁹ Wa le xɔse yio nyɔn wlawla lɔ mɛ ɖo ashi. ¹⁰ Wóla dowó kpɔ tsutsugbɔn, nɛ nyi be wo nyi nutexue watɔ le ŋɖe kpikpi mɛ lɔ, wa geɖo Mawu o dɔ wawa mɛ. ¹¹ Nyɔnuwó tsan ɖolanyi nutexué watɔ, wó ŋda nyi amɛ nyɔ tótɔ ɔ, yí wo gbe nɔnɔ lanɔ nɔnɔmɛ nyuitɔ mɛ. Wa nyi nutexué watɔ le enuwo keŋkeŋ mɛ. ¹² Ha sumɔvi wó ɖo la nyi nyɔnu ɖeka ɖetɔ, yí wo lá hɛn wó viwó kuɖo wo xoé wó nyuiɖe. ¹³ Do ŋti ŋti mɛ tsiwó subɔnɔ nyuiɖelɔ, woŋti wo do nɔn bubu, kankan ɖodji nɔnɔn woŋtsi le xɔsemɛ le Yesu Kristo mɛ. ¹⁴ ŋle nutsɛ wó wlɛn wɔ nɔn be ná trɔvá gbɔwo zanɖe yɛ. ¹⁵ Nɛ na nya be, nɛ ŋva tsi ŋgbe lɔ, nɛ na nya le tsi wó lá kplɔ ɖékiwo ɖo le Mawu xoémɛ tsi nyi Mawu agbe agbe yio tsɔtsi, tsi nyi gudo kuɖo ziɔnɖoŋti nɔn nyɔntéxoɛ. Yí ɖodulɔ miɔn keŋkeŋ midashi ɖodji be Mawu vɔnvɔn yio nyɔ wla wla wó lolo, éɖé yéɖéki fia lé ŋtilan mɛ, wósɔ enyɔn djɔdjɔɛ ní le gbɔngbɔn mɛ, éɖé yéɖéki fia Mawu dɔlawo, wó ɖé gbéfan soŋti le dukɔnwó domɛ.