¹ అవా యింగిరా దేవురు మాటి ప్రభు యింగిరా యేసు క్రీస్తు మాటి యిక్కిరా దేస్సలోనీకయుల సంఘముకు పౌలు యింది రాము, సిల్వానును, తిమోతియును. శుభము సొన్ని రాసిందు క్రుపన సమాధానత నీంగుళ్ళకు కలుగాకుదు అంతినే. ² విశ్వాసము ఓటి యిక్కిరా నీంగా పానినా, ప్రేమా ఓటి నీంగా ప్రయాసమున నంబూరు దేవురు యేసు క్రీస్తు మాటి వెదురు పాకారా నీంగా ఓర్పున నంగా నంబూరు (అవా)బేరు దేవురు మాటి ³ అస్తోడు గుండా జ్ఞాపకమూ చేదిండు నంగా ప్రార్దన కోరు నీంగ్లా గురించి విజ్ఞాపనము చేందుగాటి నీంగా అడ్డేరు గురించి ఎల్లాకాలము దేవురుకు కృతజ్ఞతా స్తుతి చెల్లించాకురో ⁴ ఎనీండికే దేవురు యిండూ ప్రేమింప బూగూరు తెమ్మి మారే - అన్నమారే నీంగా ఏరు బూదా సంగతి యిండికే నంగా సువార్త ⁵ వాతలు ఓటి అల్లా శక్తి పరిశుద్దాత్మ ఓటి సంపూర్ణ నిక్షయత ఓటి నింగా మాటుకు వందత నంగుల్లుకు తెలిము నింగుల్లు గురించి నాగా ఎనకీరామో నీంగా కండుంకంగా . ⁶ పరిశుద్దాత్మ ఓటి కలగరా ఆనందము ఓటి గొప్ప బాదలకోరు నీంగా దేవురు వాతల పూరుసుగిండూ నంగలా పాతు దేవురు పాతు నడకారంగా. ⁷ ఆనికే మాసిదోనియ కోరు అకయ కోరు విశ్వాసాలు అడ్దేరుకు మాదిరిగా యిక్కిరంగా. ⁸ అంతు గిండికే నింగ్లా మాటిండు దేవురు వాతలు మసిదోనియ కోరు అకయ కోరు మ్రోగుసు అటే అల్లా ప్రతిమాతి పతి స్థలంగల కోరు దేవురు మేని యిక్కిరా నాంగ విశ్వాసము బేళ్ళి బూంచు కాబట్టి నంగ అంత సొన్న బల్యా. ⁹ నింగుల మాటి నాంగుళ్ళుకు ఎతిరు ప్రవేశము కలుగుసో అటి యిక్కురా మొనుసురు నాంగుళ్ళు గురించి తెలియ చొన్నాది. ¹⁰ ఆనికే నింగ విగ్రహాల ఊటోటు జీవముగ దేవురు నా సత్సము ఓటి యిక్కిర దేవురుకి దాసులు అగుర్తుకు బేరు దేవురు చోతోయి పెగస యేసున యిండికే వారాదె ఉగ్రత యిండు నంబరా తిప్పించర అత్తు మగుము యేసు, పరలోకత కోరు యిండు వారాకు యిండు ఎదురు పాకిర్తుకు నింగ ఏన దేవురు సాయ తిరగ నాంగో ఆ సంగతి ఆయే సొన్నాదు.