¹ Ẹghẹna rẹji agbezọọ ghi enọfuain, enibi e taman ọsẹ ghi Igalẹtia, iyọ vba gbo u. ² Ẹdẹ nọkpao vbi ọsẹ, ọdeọde ri emi hivbi efọkpa ọriọehia, enibi vba meti, nagbezọọ yio dahivbọ si vae. ³ Ikha vae, uanikhuan nivba zẹe, miojọe bi ebe nọda muọ arẹre vba lodẹ vbi Ijerusalẹm. ⁴ Okha deọvbọ khimiogbo o, mina rẹkhan mẹn. ⁵ Sokpẹn mio dẹvba egbere, si shin ẹvbo ghi Imasidonia. Ọhiọ ẹvbo ghi Imasidonia nio shan. ⁶ Nada miẹn mio deha kpẹn vba da igbo deba vba wee vbẹghẹ ghorọ, nivbada rikhọbọ imẹn vbo shan mẹn, eheikhehe nio o. ⁷ Ọhiọ ọwui ahoomẹn nida miẹvba vbi ovbiẹghẹ kẹnẹ, ọhiọ ni wee ẹghẹ kẹnẹ deba vba, si Ebianin yanmain. ⁸ Sokpẹn mio deha vbi Ẹfisọs sẹvbi ukpe gha vae ghi Etin Nọfuan, ⁹ ọhiọ ukpodẹ nọvbẹe vujeaimẹn, ighian nọbuun ọrivbọ. ¹⁰ Ẹghẹna Itimoti kha vae, jọe deha kpẹn vbẹkẹ ọilofẹn ọhiọ obia ghi Ebianin nọbia, enibi ẹmẹn. ¹¹ Khai juan rẹogbọeru. Kpae obọ vbi ọfunre vbi ukpodẹ ghọe, nọda dẹmẹn egbere, ọhiọ yamọn idaehọ ghoe bi imiọin. ¹² Ẹghẹna rẹji omiọn main nọmọhe Apolọs. Izemi riọeakhaa nọda vae bi imiọin nimọhe. Sokpẹn ọkhi nọi siavae ẹghẹ na. Sokpẹn mọvae sẹhorivbọ. ¹³ Khakhẹ egbe, muzẹ kizi vbi adiuduan, we awe ghi mọhe, mọi itotomi. ¹⁴ Emierẹmẹn nivbau vba wuọe vbi ihọnmẹkẹe. ¹⁵ Vba iẹn ẹgodo ghi Istẹfanas, khi nanain ni khenọkpao finai egbe delọ vbi Akaiya, nai mu egbenain vae vbi igami ghenọ funain. Ẹghẹna idoabọ ivba, imiọn mẹn, ¹⁶ nivba dakha rivbi eeobọ ghagbọn niyọ, bi agbọn erẹmẹn nọrikhọbọre vbi obia ninain gbo deba main fiudu. ¹⁷ Ighọnghọnin vbi avae ghi Istẹfanas, Ifọtiunatọs, bi Akaikọs. Nai dehae vbehe vba. ¹⁸ Ọhiọ nai retinmẹ sotọ bi oghovba, ọhiọghọna, vba ẹn eọha nina. ¹⁹ Evba ọsẹ nimain rivbi Eshia ruẹ vba. Akwuila bi Ipriska ruẹ vba vbi Ebianin, bi ọsẹ nọ rivbi oa nain. ²⁰ Imiọin nimọhe bi khuoho erẹmẹn ruẹ vba. Vba ri oruẹ ghọfuan khuegbemu. ²¹ Mẹnmẹn, Ipọl, niri obọ mẹn vin ọni ebe na. ²² Akhami ọnọihọnmẹkẹe Ebianin, aifunu nain. Ebianin main, vae! ²³ Ẹseọhen ghi Ebianin main Ijesu kha rivbọ deba vba. ²⁴ Ihọnmẹkẹe mẹn kha rivbọ deba vbavba erẹmẹn vbi Kristi Ijesu. Isẹ.