¹ Ɗo Yeso takatkok ella kumo majirakunni, si nzanik wonɗi some shutanta ki wa'azu tong gyabaninsu. ² Ɗo yahaya a baptisma kolko ki tong rono ei Yeso ishe, si sar gyemani ki bo ³ majirakunizuni ta, "Ko ɗo ngoi mu geshe a n dutu ɗo mu ze ido ka yo'ot?" ⁴ Yeso lahi ansu ta, ''ndai ngu anik Yahaya ei ngu moyanko ki ei ngu kolangko. ⁵ Makumshe moishi, kudau a marshe, ana wale daransu ɓunɓan ke a kolshe, biyai matansu hinɗansu ki zau, ke biya kolang ko eni zai. ⁶ Ke lei ngoi yiya na ngata ki bo ne'e bu si a barka.'' ⁷ Ɗo majiraku ndansu, Yeso some enik algi ka Yahaya ta, ''Ngu dishe moya miya tong riya? bari hibla buishe ɗo? ⁸ Me nguni ndishe moya miya-ngoi zobkokarai zignen deishe ban mene. ⁹ Nguni me dishe moya miya nabi? Ka'a, ne'en anshenku, ngoi gyaɗatkok nabi. ¹⁰ Woisi yo turanko kanni, 'Moi, ne sarna a sarnino dom ku, ngoi ramte ku billa.' ¹¹ Ne anshen ku jire, a tong biyai monde leiyanko an ngoi gyeɗa yahaya a baptisma na'ako bu. ¹² Sommoɗi Yahaya a baptisma godi kute'e, mene Ndeyi seshe bone, ke goraji ana sena bone namsheka tilin su bu. ¹³ Ki ka shafsu ki nabaku ki uhe ananko kaba Yahaya. ¹⁴ Ki na ngu ndalanko biska, woi 'e Iliya, ngoi a ndutu. ¹⁵ Bok kumo yo yi ya ke koli, si gos kumani. ¹⁶ Nen kabta biyai kausoi ki miya? Kit milla a goyo bo goma, a esha zahe ¹⁷ anshe ta, mu buyan ku sherewa, me ngu 'yanko wona bu. 'ya mu mato ngu 'yanko bele bu.' ¹⁸ Ki bo Yahaya ndino a tishe buke a seshebu, ngu ananko ta, si an sinkau.' ¹⁹ Lah ngo ndino a tishe a seshe nguni anan ko ta, 'moya ngoi a wololi, zabti bungha ana biska ngalana ki ana zunuhu.!' Me mantu a moishe te bnei rutanto.'' ²⁰ Yeso soma gilla ka gyabani so iko ruta nekshi hawonsu ki bo nzuni tubanko bu. ²¹ "TitikutkuKorosani! Titikutku Betsada! Na ruta manekshi mamaye 'yanko tong Taya ki Sidom yo 'yanko hawot ku, ka tubansu tong guzur ki kuto. ²² Me geɗati yaha Taya ki Sidamhoti sheryaa kat ku. ²³ Shi, Kafarnahum, a hafta shi ban Ndeyi ɗo? Ka'a bu, amatenshe eli ban yesi. Ki bo na 'yanko ruta nekshi a Sodom yo 'yan ko hawoshi ka na ɗeyi to har kute. ²⁴ Me nen anshenku ta a ɗeya yambu ki elik Sodom hoti sherya kat ku.'' ²⁵ Kaba Yeso anita ''Ne namshe katko, Bono, Boti a bano ban Ndeyi ki eli, ki bo ko bunkin titko 'ya mamaye 'e ki bo ana manti dunya, ke ko ahatko ki ana 'yaklu mantu, kit gyam milla mami'i. ²⁶ Ka'a, Boti, ka'a iko zina gyemanko. ²⁷ Bono zub noti ei miya ke sarann no. Ke an ngoi man lai bu kaba boti, ke an ngoi man boti bu kaba lai 'e, ki ngoi lai ndalo a tomni. ²⁸ Ndati gyamano, shafkubiyai seshe boneki ula karei ndaɗo, nen onku huti. ²⁹ Nama ulano ke ngu shutek gyamano, ki bo ne'en an gyeɗo ka bu a hetrek tili, zauku wena huti. ³⁰ Ki bo ula no ndaɗo bu rutano yambu."