¹ Ki bei woi an gelleshik yahudaku, Yeso ke nduko Urushalimma. ² An ham bo duɓanok tenkaku bo rishe Urushalima, so a wunda bo Ibranaku ta betesda, an bo duɓano baɗ. ³ Algi shei ana mure lahiya, makumshe, kudau,biyai singkau hoɗangkok eniy woiye 'e' geshe jugla ham. ^{4 5} An ngoi yo oto ɗayno wonɗi an lahiya bu har sani bi kunuk hoorɗo; ⁶ Yeso ɗo moiko si suno woɗi ke moiko nasini wonɗiy, ani ta ''ko ndalok dantko ɗo. ⁷ A goi leinita, '' Babango, ne an ngoi a zoha ne'e tong halisbu na juglang ko ham ye'e. nan hunda ko moya yo'oto kayanoko.'' ⁸ Yeso anita, '' Hinɗi, nam nzetengkok 'e moishe.'' ⁹ Kit ehenento, ngoye danni, namko nzeteni somo moishe me badik subdu. ¹⁰ Yahudaku anankok ngoi darantang ko siy ta, '' kutei sudu subak nam nzetengkoibu.'' ¹¹ Si lafsu ta,'' anoi ngoi daranta ne'ei ta, nam nzetengkok ngaf bille.'' ¹² Nzuni dolangko si,'' ngoi yiya angko ta, hinɗik gotoko ye,?'' ¹³ shafki ka'a, si ngoi danangko siy mon ngoi dalanta siy bu kika Yeso hatannik hotok algi tong bangko kika an dalule algi shei a beis. ¹⁴ Ki bei woi Yeso boiko si tong ban ɗonsha Ndeyi, anita,'' moyi, ko dasitko,ko ido zunhu bu bolo, kada ei wallak woi hellek koi,'' ¹⁵ Ngoye hata go anik yahudaku ta dananta siy Yeso. ¹⁶ Kika 'ya woi yahudaku some kamta Yeso, kika iko 'ya mamaye hotik subdu ¹⁷ Yeso lafsu, ''bano zugonto ruta har kauso ne'e ke ka'a zugonto ruta.'' ¹⁸ Kika woi, Yahudakuni sawango kamta si ndalangko dugini kika ruta hotiutdu moɗatobu, a hunda Ndeyi boti, a kaɓta kannik Ndeyi. ¹⁹ Yeso lafsu,'' jire, jire, lai a gita ina 'yak kannibu, kaba ei na moiko boyi ishe, kika lei miya yo boti ishe, laike a ishe ka'a. ²⁰ Kka botiy nda lai 'e tamnitik lei shida miya ke yo a ishe 'ei, jo a tamni ei nakshiy wallak maye'e jof nguni monnini. ²¹ Kit shida boti zugta ana mato onsu zau ki ngoi ndalo oni. ²² boti ishe sheryak ngo bu me ongkok sheryas ki la'ani ²³ Ɗo algi on na'akok lai kit shida yo onangkok botiy 'e. ngoina ongko na'akok lai bu ongko na'akok boti yo sarai suy bu. ²⁴ Jire, jire, shaf ngoi a kofshe enino ke ongko jire ka ngoi sarno ne'ei an zau so an bonto bu, me geɗanik hotok mato ndunni tong zau ²⁵ Jire, jire, ne anshengku sommoɗi isno, jajum yo ana mato kola ɗalyak la Ndeyi, mamayei kolangkoi a deeyak zau. ²⁶ Kit shida yo boti an zau hawonni ongkok lai kr ka'a ɗo ɗeyik zau hawonni. ²⁷ Boti ke ongkok lai ɗo 'e shenya kika si la ngo. ²⁸ Ngu'e mommoni ka woi bu, kika sommoɗi isno yo leilo a tong bure a kola ɗolyani ²⁹ hundietuk mato, mamayei, 'yangko ei disai a rina yesi. ³⁰ Ne gian'e 'yai guda kannobu. kit shida yong kolko, ne sheryanta, sheryanno me so jire kika ne ishek kannobu, me kaba so woi yo sarno ne'e. ³¹ Nan tama guda kanno, enoni ɗeyak jire bu. ³² An ngoi a eni kanno, ken manoti eniy a anshe kannoi jire. ³³ Ngu sarangko gem Yahaya, sike anko jire. ³⁴ Eruy ne anshei mek gem ngoi bu. ne snshe 'ya maye ɗo ngu we wangu. ³⁵ Yahaya yesis bo gaudu a hawol a talku, ngu ndlangkong 'e kuyu ong talkuniy yo sommoɗi la shim ³⁶ Har kauso eniy ne andiy wallak yo Yahaya, kika rutai bano ono ɗon 'e shida rutaine ishe, tamko kanno ta sarno ne'ei boti ³⁷ Boti yo sarno ne'ri itkok eni kanno. ngu damɓangko kola ɗolyanni ɗomana moya suɓani bu lei ka moɗi. ³⁸ Enine me a ɗeino tilingku bu. kika ngu anangko jirek ngoi si sarnoibu. ³⁹ Ngu jagda tong lalaunak eni Ndeyi ngu moishe ta ngu wena zau so an bonto bu, lalauna wonsese a eni kanmu, ⁴⁰ Nguni me ngu ndalangkong nditu gemano ngu we zau bu ⁴¹ biska kunanik gem ngo bu, ⁴² Men nen maniti ngu anan ndaltu Ndeyi hawotku. ⁴³ Ne ndaino tongko sun Bono, nguning biskangko ne'e bu.na yo oto ndinok suni guda kanniy ngu biska ni. ⁴⁴ Ngu ona jire lol, nguni yong biska namakak gem zehe meng gyaza namaka so ndinok gem Ndeyi bu? ⁴⁵ Kadang ani tang tosa nguni gem boti. a tosa nguniy Musa, ngo yong onangko geɗo kanni. ⁴⁶ Nang anangko jire, kika si tura kanno ⁴⁷ Nang onangko jire ka tureshinibu, ngu ona jire ka eni no lol?''