¹ Mi fi ata nọri kriati ,mi thọ iyọọ neni ghowa mẹ gbọsei kugbe mẹ gbọsei kugbe mẹ hi emi nofonani . ² Kpe na mẹ ouwẹẹo nọẹo nọẹmi neni ọtuegbe nikhi ọfo ri me udu ³ Ọma khinani mẹme naegbemẹ ama gbile hime alekhe thẹmẹ va kristi egbere aso ghogbọmẹ nọ eni mafo hia ocha nọdeba enami egbe ⁴ Israẹli ekhinani emọni athekugbe okhai vbo adeu vbọ inghona ofi ,ikhuemi oithalobua ,neni idọmunu vbọ. ⁵ Ọvbeni khi enethọ ni kristi ọọ ie ba ekpẹ na enami egbe-nọ khi oithalobua na ọrọro gbei okhai khẹ khẹ Amin. ⁶ Ọsẹ khina idọmunu oithalobua yi baku aso okhina ọnini ọri isreli khokhina israeli . ⁷ Tabi abia Abrahamu erẹ ata khina imivbọni Ama '' kia Asiki aeru abia yẹ ma ⁸ Ọkhinani imi anami egbe ekhina imi oithalobua ama imi idomunu anihẹnehi ebia . ⁹ Erohi idomunu khọnọ '' Hi eghẹghẹ ikhuana mia re le amu ọmọ na isera'' ¹⁰ Okhina ọnokpa, ama ehimi Rebaka khe me na ọlọhe ọkpa, iraghi isiki . ¹¹ Hi ibiavbọ ase bieni neni eseyi enimi nọse abi ọnọbe aso kpe umamihẹ oithalobua deba emi ọgbaọni ọarighẹ khina aso ọka ,ama aso nọni nọ raru. ¹² Arohinọ nanoni''ọnọkpahẹ onọ ega ọnọmo'' ¹³ Ọkhe yie gbahi vinọni ''ijekọpu mi mọni ihiemighowa na isọ khimi gbaọ. ¹⁴ Mi aleeerohi ,afona rivbo na oithalobua anihẹmẹ. ¹⁵ Hi ọrohina imoisi ''mi amọni itofa na ọnimiamọni itofa na ,neni mia mọni otuegbena ọni mia moni otuegbe na '' ¹⁶ Aso hionọni ọkhina ọnọgbaọni abi aso ọnọ rani ama aso oithalobua ,no re itofa khahẹ ¹⁷ Aso ghobe nọfonani rohi na faro '' Aso ọno koko mirẹ khuai yiẹ aso khi mi re ma hi yie egbe re igbaamẹ khahẹ aso kpe khi eva mẹ ra ma khina rohi aiye gbei '' ¹⁸ Aso yio oithalobua mọni itofa na ọnọ leminọni na ọnọleminọni ọmọni akehọghi na nọni ¹⁹ Wa lẹ rohi na mẹ '' me yie mi orelẹ sẹkpẹ mọni ẹbi The sẹ hi agbọ ghothẹ emọkọhẹni ogho . ²⁰ Kia ghothẹ uka ẹwẹ ọso ,thukhinani nọsọ oithalobua ẹrohi ,ema mani rekhe mina ọnọ manọni '' meyẹ mi urẹ mame gbino , ²¹ Ọnọ thighi ekẹ mọni agba hi ukhuomi ekẹ nọ mamini ni nọ rẹ ma ukodo na lohi ofienimi khe ma ọni ailo ahogbọgbe ²² Ini oithalobua ,no kohẹni khọrẹ ikhọghowa vbọni ,moni othinẹ ba ekpẹ ikhueli ikhoghowa no wa hi ekena ayiemihieagha? ²³ Ini ọlẹ khi yiọnọ khi ọrẹ ma re afue okhai vbọni ukhuomi ikhueli itofa ,ni owa hi ekẹ na okhai? ²⁴ Ini ọlẹ khe yiọ naghi nọkhi raru ,khini ghowa ju kpokpa,ama khi ghowa enikhiemọni oithalobua? ²⁵ Gbọhi ghobe hosea rohi ''mia raru ghogbọmẹ nikhi eikhina ghogbọmẹ neni ihiemighowa vbọ nikhọkhin onohiemighowa ²⁶ Ohiọ khi ni kpe ahi airohi naneni,vba khina ghogbọmẹ'' aya ahi ruemi imi oithalobua '' ²⁷ Isaya viere ate na israeli '' Ama otukhuomi imi isreli eyẹ ebubu oku, ọhiọkhi akhẹhẹre ni arumire . ²⁸ Aso ọnọmọini ọmu ẹrohi reate hi agbọ fohe ni khi adaghobọ righẹ hi . ²⁹ Gbi isaya hi se rohi nọ hihi ini oitha ọnọmọini thẹ aghi abia ghobọ ahi yie sodọmu ahi lẹkhe yie Gomora. ³⁰ Ma lẹ khe rohi ọnọ? kpe enikjhemoni oithalobua nikhi le ọfona ,ọfona na nyieni ọfona ọvbi anyiehioghi. ³¹ Ama isreli ne le ofi ọvbi ọfon, ma rami ukhuomi ọfona. ³² Me yie mi ? aso erẹ anyiehioghi lọni ama uhiomi Ehi ẹshẹ amughovọ so mu ghovọ so. ³³ Gbi ahi vinọni ''Ghoo ẹme hi sion re ẹshẹamu ghovọso neni ghegba ofi .ọnọ nyiehioghi ekhoi amuọni