¹ Enze ngo, Ədəshəri na kini ano a hame? I dəmə cikǝ nane ne. Baka mmi konzen ono Isreal ze, əsuru a kura Abraham, eboze i Benjamin. ² Ədəshəri ta nyamene ano a hame ne, ano ageme se in wa ruu nan udakano. Ŋi ta ru nane se nlen mə buki aza Elijah, nane se ma remmozo Ədəshəri aza Isreal?, ³ "Aco, ŋana wuza atuma a hai, ŋana wirti ridirəŋa re. Mizi tenton se minǝ ruku, konzen ŋa ra giŋərə ruma a roŋ." ⁴ Bata iyaze Ədəshəri wa gare ma goŋ me? "Na gurkuza rete a ron ano ti gu sunare ano ageme se ŋa dan pore ti luŋŋa teŋe a Baal ne." ⁵ A nane Konzen, uca ugiya konzen udaŋara dənu baka u zaka ogwene. ⁶ Konzen ngase baka ogwene ze, ita da baka ituma ne. Taago dan nane ne ogwene tinin da ogwene ne. ⁷ Iyammo ze konzen? Eme geme se Isreal wara giŋərə mi, ma ta mura eme ne, udaŋara me waze nan gbau. ⁸ I waze nane se a darse: "Ədəshəri wa nyaŋe uvunu u əji rilakere baka tago ŋa nǝri ni, te toŋe konzen tago ŋa kone nan no ne, a waŋa ətiyə agiyiya me." ⁹ Enze David go, "Deke a table u cikǝ ədu nan ogero, ri zuwa ru pikəru nan odope me a ŋe. ¹⁰ Deke a ra ŋuna ŋe biti nane se ŋa tan date ŋa nǝri ni, Konzen ŋa cikə nan ukupənə a wame a suŋ." ¹¹ Enze ngo konzen, "Ŋa na pikəru baka da ŋa rizi?" Dan nane ze ne. A nane, baka u rizi o hoŋe, ri kase ra ra a ano əpən, da i ŋuna ŋe ŋa Kuna kpai baka rero. ¹² Wagiya ngase u rizi o hoŋe onze umura u masano, konzen ngase u rizi o hoŋe onze umura u ano əpən, inin kira a bare in ni zi a ka u maso me? ¹³ Bata wagiya ra bənu nan ŋi ano əpən, konzen ngase in da da ono ituma ano əpən, Na yita u yiza rete ənyimi ara u wuza ituma ehoŋ. ¹⁴ Bata rə bənu dan dupa iruwa ano ageme se ŋa ri imi a ripuŋ. Na ruu inin mala awe ənyimi a haŋe. ¹⁵ Ngase u nyamene me o hoŋe onze nin mammara masano, inni zi uka me ohoŋe nin cikǝ onze ruma əsuru a ano u wiju? ¹⁶ Ngase iburi u bura me ə shiŋəri, nane ze regoro ri mbini se ana kini. Ngase siji seme anə shiŋara, nane ze abiya u titi mi. ¹⁷ Bata ngase udaŋara abiya u titi mi na poso, ngase nŋo, vana u titi olive mi ze nan ukara, a gura ŋe anya, enze ngase ŋa ra shə manyi a riji re vento ri u titi olive, ¹⁸ tago u nikana aza abiya me ne. Konzen ngase u ra nikana, dan nŋo se una mala riji ri mini, eze riji reme renze rina malai. ¹⁹ Ŋi nin gunan na, "Abiya me a pusa baka da a mura a təsi ŋi anya." ²⁰ Gaŋgaŋ ze. Baka u dira u yiya birwa be ŋe a tazare ŋe a kuŋki, bata tore gbau baka u yiya birwa be. Tago u wuza adodonzo a uyiza rete are ne, Kuna iwi. ²¹ Baka ngase dan Ədəshəri zi na neke abiya titi tu bura teme ne, ma ti tan neke ŋi ni. ²² Nərə, eze, isana riwuza nan ikpai iwə Ədəshəri. A uyu ulu, ikpai a rawa aza ti Jews ano ageme se ŋa rizi. A uyu ulu konzen, ijai ra aza əhəŋi, ngase ŋi cikə uruna kuna ijai. Ngase dan nane ne a raa gwarse u huŋi konzen a kuŋki. ²³ Nŋe nan ate ahaŋe, nga ŋa ta wushu əji u dira u yiya birwa beŋe ne, ara gura o hoŋe anya ǝnyimmi. Baka Ədəshəri ze nan agata a ugura ohoŋe anya ǝnyimmi konzen. ²⁴ Taago a gware ŋi u titi ukara Olive u bura me a kuŋki, enze oworo me ze a gura ŋe anya ǝnyimi utiti Olive u wuma, in nizi anin ŋuna nan ti Jews ti giya, se ŋanze abiya titi ti u bura, anin kursu a gura ŋe anya ǝnyimmi u titi Olive o hoŋe? ²⁵ Bakase in dama barsa ŋi cikə nan bi ta tunu, reno, uburkəlu u giya, aza u guna se ŋi dama cikǝ nan rekese aza adodonzo ə həŋi ni. Uburkəkəlu u giya onze ma kpai ma bate mana ra ənyimi Isreal, se uca ogeme se ano əpəŋ na masa o pete. ²⁶ Baka zale ti Isreal ti ra mura ri kase, uga nane se a darse eme: "Əsuru a Zion Ono u kasa ano ra ra. Ma raa ita udira u ru Ədəshəri a Jacob, ²⁷ Konzen igiya rə cikǝ minə təsə nan ŋe, uca ogeme se ra yita macara maŋe." ²⁸ A uyu ulu aza nlen ma me, ŋa nyarna ŋa nyamene əpuŋ baka o hoi. A uyu ulu konzen se eme geme se Ədəshəri na zaka, ŋa barse ǝpuŋ baka ano u wuru. ²⁹ Te loo nan u tisa Ədəshəri a ta date a waŋare ne. ³⁰ Baka in ŋi waze ono u dira u tarse Ədəshəri, wagiya konzen ŋi wa kai ogwene baka u dira u tarse me. ³¹ A name me, wagiya ti Jews ti giya ŋa na nyamene u tarse me. Eme geme se iwa suru enze uga nane se a ŋuna ŋi ogwene nŋe Konzen ŋa ra ka ogwene. ³² Baka Ədəshəri wa pate kweren ənyimi udira u tarse me, baka da ma beze kusun ogwene. ³³ Oh, i surku u mura zale rekese nan uru Ədəshəri! Ubiyən nlen ŋa ma me ma wake nane se əgəməri, non konzen ti runa a teme ti wake utinka nan adodonzo ono! ³⁴ "Əvizi wa ru birwa bi Aco né əvizi wa cikǝ ono u mala ome əbənu? ³⁵ Né avizi na bura u nyaka iyabo Ədəshəri, se Ədəshəri nin kuri ma nuzi mi?" ³⁶ Baka a suru ame konzen a nyimi a hame nan a ame ze zale tegogoro. Manze u iza cikǝ ame a waŋa suŋ. Amen.