¹ V 1 Bulus koromYeso Kristi, bah a tu'ulai ne i ning mun tumu ɓa a chihai chew shima ngya'a lo'o Ɓaku. ² Bah i chiwa i yaya'ai ku kun wu ba Sunduwai ku chiri puhu mpuksheme Ɓaku. ³ I mur muni ɓa pura yo njilu ma Dauda ku lo'o ma yiru. ⁴ Ku ta'a Lahun yi ku yo wuh mo'on a chiwa ne i ngyarngya mun Ɓaku i Mpilar puhi ma Yeso Kristi Tarsu. ⁵ Chew yi,su ya'ana nzoh Ɓaku ka tum mun tumu chew wo'o kunu ma pah ngichewe ku ciri wu ramman, ta'a lu'uli. ⁶ Ku chiri beh wu ramman mani yi ɓa a tu'ula wun ne wu ning ma Yeso Kristi. ⁷ Mashen bawun ba wu ku Roma mbwang, wu muna njele Ɓaku, wu bapina ba a tu'ula ya a girsa ya: Nzoh Ɓaku ning i bawun, ka ningshima ma yo ba Ɓaku, ka ma Tarsu Yeso Kristi. ⁸ Ma mo'on, mu mur bwata yi Ɓaku yam ku yo ba Yeso Kristi chew wun mbwang chew ɓa amu ma'akun i mur pah ngichewe wun ku taraman bwang. ⁹ chew ba Ɓaku yi ban rengkunam, ɓa mu mur pa'a yi tumu i mpilar ku lo'o ma shimai ma muni ɓene ɓa mi ningyi da chew wun. ¹⁰ Duhi duhi mi nere Ɓaku ne, na ning ya lan, mu lidua mashen bawun i yere Ɓaku. ¹¹ Njila ne mu sun wun, ne ngah pah wun gir ma Mpilar, ne i pah wun ngyarngya. ¹² Beli ma ne, njila ne mu kum ngyarngya i bawun bwana ku bana pah ngichewe Yirsu, chew man ka mawun. ¹³ Imani do njila ne wu sahai i she'ele sa. Wu swanah, ngba'a gbe'e mi mur njila yo bawun do kuma ban sa. pa'ana na chew mu kum bil mpilar ku chiri wun bene bah kuma ku chiri wu gamur bapina. ¹⁴ Mii tangna wu Hellinawa ka mo gamur wu bapina, mo bah nzor ka mo bah param nzor. ¹⁵ Ta'ara ne mu ma'akun beh shima lo'o Baku wun, wun ba wu ku Roma. ¹⁶ Mi do pa'ana nso'on ɓe shima ngya'a lo'o sa chew ne yini ganmuru ma Ɓaku ma kum ra'asa yi bɓa pana ngichewe, ma duwai Yahudawa ka ma war chi'i wu Hellinawa. ¹⁷ Ku bum mani yi ba ngichewe Ɓaku pura i muri, yo pahngichewe mashen pahngichewe,ɓeh ɓa a ngyo'olo ne, "ɓa ngichewe ko ning i nchimi ku ta'a pah gichewe" ¹⁸ Linchimu ma Ɓaku pura yo kalang i mu pa'a mishiw i ɓe'ene war ta'a Ɓaku ka ɓe'ene pa ngichewe mo ɓapina. Wu ɓa amur dang ngichewe i param pa'a ngichewe ya. ¹⁹ Chew ne gir ɓa a shi'ilai ku mur Ɓaku pura i Muri ku ɓa ya. Chew ba Ɓaku ruma ya i yi kahkah. ²⁰ Ta'a na, wu ɓeh tumui ɓa a do ngina sun ya sa, a pura i mur ya yo ban ɓah ya ku ta'a wu gir ba a pa'ana, ɓeh wu gir mani ya ganmurui ma hueng ka wu pa'a ma Ɓaku, chew mani wu ɓapina mani a do i gir lo'o sa. ²¹ Chew ne, a mur sun ne a shi'ila Ɓaku, a do mu pih kahkah ne yi Ɓaku ke a bwat yi sah. I kun beli a ningna wu mgbuchuk i chiri re'esh re'eshe ya, nchimya ma parama re'esh re'eshe a pinna. ²² A twala mur ya ne ya wu ɓa nzor kpama, a ningna wu ngbutuk. ²³ A ya'angaya kahkah ɓaku ma hueng i wu gir ɓa ai wuh mala, ɓene ma bapina, i mo ngyiling, i mo ngyam ba ai ngu'u yinung ka i wu ba sung i bumya ku nzah. ²⁴ Chew beli Ɓaku pana ya, yi ko'ana njele nchimya, ne a pah chiri yi murya i yirya giraya. ²⁵ Ya ɓa a ya'anga ngichewe Ɓaku i lo'olilim, ka a mur so'o nzah pih ka a mu pa'a tumkorom yi gir ba a pa'anai, i kun ɓe ɓa pa'a ɓeh gir, yi ɓa a ma'ana yi ɓuhu ma hueng. Innah. ²⁶ Chew beli yi ɓa Ɓaku pana ya yi njeleya ma ɓiwai ɓa ma'ana wu maamya pi'ira njele nongyo mashimai mashen ɓa ɓamaam i nong i moni ɓamaam, ²⁷ I beh njere ɓeli wu bura ya ji'inga njere nongyo ma shimai, a mur pi'iri nong i yirya wu bura, a mur pa'a gir nso'on a ko kum kuru gba'a ya, ma tum nso'on ya. ²⁸ Ta'a ɓah a do yira i Ɓaku ku chiri pa'ai sah, Ɓaku pana ya yi biwa re'eshe re'eshe ya, ne a pa'a wu ɓiwa tumu mani. ²⁹ V 29 Nchimya ru'usa i ogir ɓiwa, nzwang, chii missu,be'ene wu mu'uruya a rusa i pa'a missu, buri, lua bura lere, ka wu ɓiwa njelchimu. ³⁰ Wu bah rengchi'iw, ka ye'ere kunu, wu ba be'ene Baku. Wu bah pe'echewe, ngyarngya ka'amuru ka wu ba ngya ku'u wu ba lo'olilim,wu ba ɓe'ene wo'okun wu ba ɓilaya. ³¹ Wu ɓa pinna nchimya; wu ba lichi'iw, wu ba do njila bapina sa, ka wu ɓa do sunchiri sa. ³² A shi'ila i renglo'o Ɓaku ne, wu ɓa pa'a wu ɓe gir ɓeli a jina ya'a chiri ma wuh. A do mu pa'a beh wu girmani gbura sa, a mur kurnzum wu ɓa a mur pa'aya.