¹ Agrippa iẹ tama Pọlu, ''uwẹ ti sẹre.'' Pọlu niẹn obọa, ọ da bẹẹ. ² ghe ghọghọn, oje Agrippa liọ da tama ẹẹi na, isẹmẹ, vbẹmọi li Jusi gui rẹkhaẹmẹ. ³ eba gbọi miẹ khu kakabọ ẹn emi vbuhi si Jusi, ọẹn i da lu kha damẹ ehọ. ⁴ Vbata, Jusi erẹmẹ ẹn awee mẹ rẹ da vbotọi vare, vbẹ vboi mẹ rẹsẹ vbi Jerusalẹmu. ⁵ E ẹin mẹ rẹ davbi gbanre,khemi si faresis, otu le ohia lẹ vbemi si gami mai ideba. ⁶ Vbi na, ẹzọ mẹ ake gui, ọhiọ khi fẹẹ Iruọmi sosẹlẹbua zera mai. ⁷ Ọna khi ruọmi li uhọmuma igbe eva mai fẹẹ lei miẹ se muzan gosẹlẹbua asọn bi odami ọhi̇ọ sọ la rudu ọna, oje Agrippa, Jusi da so mẹ ẹzọ. ⁸ Emi vba da ẹgbe khọ kha meti sunu khosẹlẹbua khọ khuae le ui? ⁹ Ẹghẹn ọso, i ooi li uemi lọbuin lọi eọvbọ zeiin si Jesu si Nazaret. ¹⁰ I uena vbi Jerusalemu, i mune elemiẹhọn kuo vbighan vbebe li riei vbobọ sohẹin lokhua, la kerẹ gbe aẹn a, i robọ vbọ in aẹn. ¹¹ I roya ni aẹn e vbọsẹ lebuin, li rẹ aẹn tẹmọi lọi dia, ikakabọ mọọn ọkhọọ vbẹ kẹin zi aẹn, i niaẹn gbegbe lodẹ uhọmuroo evbei. ¹² Li rẹ uena, i riebe a lodẹ Damascos vbobọ si ihẹin lekhua; ¹³ vbukpode, agaga odami, oje, i mi urukpa sokhumeimi lọ vbae lẹ ovọin, ọvbae quo mẹ bi elimai ko khian vbegbe. ¹⁴ I mai ke delọ quọ vbotọi, i hin khuruin ni mẹ tẹmọi vburoo si Hubuu, 'Sọlu, Sọlu, E mi uda ni mẹ gbegbe? ọ kakai lai rẹ rukpuẹ gbọhọmọn.' ¹⁵ I rẹ ta, ọi khu wẹ ọlọmọẹin? Ọlọmọẹin da ayẹn, 'Ẹmẹ khi Jesu, lu ni gbegbe. ¹⁶ Vbi na, akhọre muzan, ọhiọ sọna i da vare zẹ, li rẹ kin ọguọmadia mẹ bi ọsẹi mẹ vbemi lu ẹin rẹ zi mẹ vbi na bi emi evbei liọ chie rẹma, ¹⁷ lọ himẹ vbebọ sagbọn bi si Gentiles liọ zẹ ye, ¹⁸ Lu taaẹn ẹo a, usi aẹn khuaegbe vbodobi vare vbunukpa, vbi ahu se sun vare vbi sosẹlẹbua, le ọda mi irẹhọmọn sọkhọọ bi uku li rẹ li ela khuẹ fuan vbi rẹọvbọ mẹ.' ¹⁹ Vbọ na, oje Agrippa, i gbuhi sa amama sohumu eimi a, ²⁰ ama, rẹzi ele rivbi Damascọs gbanre, a kpẹ vare vbi Jerusalẹmu, bi rẹkhian vbotọi si Judia, gbo rẹsi Gentiles, i tama aẹn ọluhọmọn na lei sivbọ ọkhọọ re, delẹo kposẹlẹbua, auegbegbemi si amọ ẹkẹin deluẹẹn. ²¹ Vbọna, ekhẹn Jusi mui mẹ vbọsẹ, e fẹẹ lei gbemẹa. ²² Osẹlẹbua ọkpamẹobọ rẹ sẹvbọhima, li da meti rọsẹi lagbọn lekhuaere bi ele kpotọi vbi ebi ihẹin bi Mosis tai khọ sunu; ²³ khi kristi khọ oya, ọẹn ọsẹre khọ akhọre vbele ui, lọ tẹmọ urukpa ma Jusi bi Gentiles.'' ²⁴ Ebi Pọlu, tẹmọi nẹ, Festus khueoruin ta, "Pọlu, uhọmọn sẹi gha; Emi lu mama gbe chie duhọmọn sẹ gha." ²⁵ Ama Pọlu tai, "uhọmọn mẹ ghai, Festus lọ họmọn lẹ, ama vbi sudu, i tẹmọi ata bi idiegbere. ²⁶ Ọhiọ ọloje ẹn emi vbena; ọin da uina niọin temọi, ọhiọ ẹmẹ ẹin khai mi ebọi ẹn vbena, ọhiọ ai uena vbu lahee. ²⁷ Uwẹ miẹ ihẹin họn, oje Agrippa? I ẹin khu miẹhọn.'' ²⁸ Agrippa tama Pọlu, ''vbo vbiẹghẹn kere, u ẹmeti ni mẹ tẹmọi li ọda kin ọlọmiẹhọn?'' ²⁹ Pọlu tai, ''i lerọmọn lai miẹ khi, so vbiẹghẹ kere ọ da ẹghẹn lọ tẹi livba erẹmẹ le da mẹ ehọ ẹẹi na u bẹ mẹ, ama ọi ui sighan.'' ³⁰ Eghẹẹn ọloje bi ọlọtọi khian da akhọre, bi ele debaẹn dehia. ³¹ Le kerẹ deanre, e ni egbe aẹn tẹmọi e tai, ''ọlọmohe nai uemi ọso la da gbọi a da ọ oya.'' ³² Agrippa tama Festus, ''A kha zọlọmọhe na obọ, de khọi tẹmọi lodẹ isi Caesar.''