¹ Paul nne Timothy, bar rogitom Jesu Christy, tugor annep ishor wa mba Irerorr wel-wele ngor mbeng Jesu Christy ngo Phillippi bodo babrr ndi nne babaga abodo ² igraua nne tereh ijol nne nene ngo mbeng ishor Ada nne Jesu Christ. ³ Mme njor ka ishor jama igafor ngor igara nte ndege-ndege mme nye boro gum-wun. ⁴ Igara nfendege-ndege ngo ndor yama nyendege-ndege Tugor wun waa ngor ukaga-ndor nne uyebitem, ⁵ ngo-nna won rerorr nnenama ngor alom iyoptulor ngo ngbogombarr ufuto lommo ngha ntiga. ⁶ Mme nkpe ukomo-nterr ngha ijomja, mme-ne nne-nyo yegotule ino-nob ifangha balime-mal jete ufufo Jesu Christy. ⁷ Ilelag iyoji mme njo tobor nna mme tobor ngha zum-wun ngo-nan mme nkpe wun ngor itemtama. Wun waa won bujoi nne nama ngor ino nob ngor ubamēji nne nna yemor gum alom isgor. ⁸ Ishor gi-rerorr ntenshe yama nna mme njor tobor gum-wun waa nne Imok Jesu Christy. ⁹ Ndor yama yingha: nogor ikorr-ta ifu-dol ngo nyigge nne ukuno ¹⁰ inyoji wun ba tamma ijom nji imobor nna-dol, fenghe jol ngo itembaga tifon ibole tete ufufo Jesu Christy. ¹¹ Nna wun fumor nmobor nyi balor ngo idi Jesu Christy ngor ntige ishor ¹² Ngha ntiga mme nkpishebe wun kun, agbayenbama, ijomji ibejol nne nama, ibujol iyo alom ibajenne. ¹³ Ngha ntah, agbagobor yama ngor idi Jesu Christy iba ngo irana ngo idi bagumo itek ntol nne annebago waa. ¹⁴ Agbayenbrre feb ikpe ukuno. Ntill ngo idi ntol tep-ne agba gobor yama, fenghe kpi utin-tem utoro alom. ¹⁵ mbandege ijorr toror alom Christy ngor ulak-alla nne nmogor nne inonob olimme. ¹⁶ Mbor limer ngor ikorr, ngor nkuno mbeh mbor kagga mme ngha nogor nyimme alom. ¹⁷ Mba imin ne itoro gum Christy sheng ngor ulek-alla mbor ngor itembaga shanp mbor tobor ber mbor ba-mme shenge na mme nyobor ngbagobor. ¹⁸ Bajom? Ngo mbarr nyindegedege, njige ngo Nkikeme afi ngor itembaga mbobakogo Jesu Christy mme nkpe uyebitem ngha nta ayi mme mbafunor uyebitem. ¹⁹ Mme nyiyi menne ntah ibakogor nyege yama-yagabor bah ngor ndor yenne nne ukagubor uffu Jesu Christ. ²⁰ Ngo nna mefun ntobor babah nne ukononterr mbi iyiti ba meleme mbe ndon, nne utinitem ngor ngara wah, mboba yebe Jesu Christy yere ngha ngobji yama ngor ikpen afi ngor iku. ²¹ Nnogor mme njoi ikpen Jesu Christy yor, nmogor nkpor ino-nib ji. ²² Mme nye ne nne ngor ngobji, ijo gor mbe ifangha nti ibe tunghe amogor ka-mme. Ntenti mba yige? Mme nyim. ²³ Ibalibal ikpimekagilam. Ikpimekororr nogor ntem ji-jol nne Jesu Christy, ntiti igalor nob. ²⁴ Inop-jol mogor mme shaga-ngha ngob ji tep-nne ikorr tinghe ²⁵ Nna mbetama ntah, mme nbukin menne mme mbashaga-ngha nnenine waa ngo na wun mmegen fenghe mbok progress nne uyebitem ngor ntamma, ²⁶ iyor ngha idi jama wun bafunor abaga feb nya wun bakube ubor ngor Tkrumku ka, Jesu Christy igara nyi mme nkeba-baga idi Jinne. ²⁷ Jol won kpekpe ngor mbarr nyi ibagana nne allom Jesu Christy, inyo joi mme mbala-bayen won affi mbalim, mme mba-yogoh gum won na won yemor kpekpe ngor uffu mbereng, ngor item ntereng tep nne ntama allom Jesu Christy. ²⁸ Ka wun fon ubol ijom-jom ngor anne mba ika. Yobor igbel jine. Nfongho yingha gara nne nrenghe bor, ngor nnogor yinne nyi yeroh gor idi ishor. ²⁹ Mbo wun ka nogi tep nne Christy ngor ntama tuge nnentung shang, fufor nogor ayen akanyah tep nnene. ³⁰ Nna wun kpelo nkped ilam nyereng nna wun yenor idi jama, ngha ntiga wun buyok idi jama.