¹ Nghatiga ikak nchege nji ijome-jome ika yobor ijolor ikped-ikped, nji inyenor ne Passover. ² Ntol adim ne ba yonyonor iyol chebe na mboba yolo Jesu, tep ne mbor yol beleh amerr aneh. ³ Ngho igara ntor nnim ba yel Judas, weh yenor neh Iscariot, weh baghor jol ntontonor igole nehibal. ⁴ Judas ba ji gor idi Ntol adim ne anebkol fenghe yi tak bong nebor na weh ba goro Jesu kabor. ⁵ Item iba yebubor fenghe tama mbeh mbor yebe kaka akobo. ⁶ Aba tama fenghe yor chep na aba leme tabe kabor shaga igom ane. ⁷ Iba lomoe ufonfo ikak nchege nji ijome-jome ika yobor, ngho ikak passover mbor kogor mbole yala-nyala. ⁸ Tep ne nor, Jesu ba tome Peter ne John, ba bong "shong nor aji loke ngopji ne ijome-lili ikak passover bome wurr", inyor ubalegeh. ⁹ Mbor ba bong nene, "nganor ilagor inyor umeh loke ngopji?" ¹⁰ Aba fangha bor, breh, igara nti wun beh ibugor fonor, nenorm weh kpelor ijom togo alip ba wun-itobor. Toneh wun yel ngor itaba ji aba yejeh. ¹¹ Ngho igara ntor toror wun ka nenkol itak. Mkpe-kpele ba bongho ne nine, Nganor itabor ajene ireror, idi mba lege abodo ikak passover ne batondulor bama? ¹² Aba wunitebe igboro itaba iborr nji mbor beh joro. Lam wun agome-lili fonor ngho. ¹³ Mbor ba tum, fenghe yen ijome-jen-den-dege na abongho ka bor. Ngho mbor ba lam agome-lili ikak fonor. ¹⁴ Igara nti igara fonor ilomor, aba bimeh ndegeh ne ba tontulor beh. ¹⁵ Aba bong nebor, mpke igboro ukono nterr nor li ikak passover ntah nenineh nor ngum yene akanya. ¹⁶ Igara ntor, aba bong nebor, nimgbe ba lige shengm mbeh ibu jol gara gor ukun-iborr Ishor. ¹⁷ Ngha Jesu ba tap igbangara, ne igara nti abeh ka igafor, aba bong, kor njingha nor wun bak ka ijibineh. ¹⁸ Tep neh meh mbu bong ka wun, nimkpeh ba wogor amum amogorte shengm mbeh ikun-iborr Ishor ibubah. ¹⁹ Ikukulor jeh aba tap nchege, ne ngor igara nti abeh ka ikafor aba bun nchege fonor, fenghe tap kabor, bong, Ngha, ngopji yama yingha, nyi reror ka wun. Lam wun nta ngor mboro yama. ²⁰ Atap igbangara fonor ngho mbarr nyor pii ngor igara nti ijomelili fonor ibe sheng, kpeh bong, igbangara nja ire ukono nyo mfemfeh ngor aloong mamah, mmah mbor ba yangha atong ka wun. ²¹ Fenghe rangha atong. Ubor nenyor bameh goroh ire nenama ngor ikpo-koro. ²² Ijolor nor ne mon-nenom batumor gara na ibongho. Ndon jol ka nenom weh tep ne mbor ba meh kono. ²³ Mbor kpeb mbongho ne ijibor nyonyor ngho ateng boriba jolor nyonor ba leme nta. ²⁴ Ikukulor je ntangha ba joke ngho igom bor gum nyonor ngho igom bor flor dole. ²⁵ Aba bong nebor, atol Gentiles ire atal ka ijibor, ne mba ikpelor ikor ka jenghe bor iyin neh baleme ateng-tenghe abaga. ²⁶ Inimtege jol na nenineh. Ikorkorbulem bor yol mehne wehflor dole ngho igom jeneh jol monsheh weh galor sheh, ne weh galor kpe ifan dole jol na nrogor itome. ²⁷ Ngho, nyonor galor fu, ne weh bimor ngor ikpokogoro, afi nenyor ireror nroyor bimor ngor ikpokogoro? Meyor ntegor reror nrogor itome ngho igom jineh. ²⁸ Fefene wun ba wun reror anemba ikpeh ba jolor nenama ngor igara nlama yama. ²⁹ Mba bome idi nji won aba breh na Ada jama kalor meh idi nji mba breh, ³⁰ inyor ji aba lige fenghe wor ngor ikpokogoro jama ne ngor idi jama, afenghe ba bimeh ngor ite utal yor lam ishi igole ne ibal abugor Isreal. ³¹ Simon, Simon, fon ukononterr, nim kpi chebe ataba, inyor amal yaba fulor na nkurr. ³² Mbu jom ndor ka ngho ntingho na ntama yineh iba leme-ifangha. Igara nti wun kpelor kebeh njim kak wun ba ngbanyen jeneh ikorr. ³³ Peter ba bong neneh, Ada, mbu loke iji nor ntonah tum mgbagobor afi ka mkpogor. ³⁴ Jesu ba fangha, mkpi wun itaga, Peter, nomkok nimba koko ngha ufomfo ba, ne akum meh term igol ira na aka jilor meh. ³⁵ Ngho igara ntor Jesu ba bong ne bor, igara nti ntomor wun joke ibam akobo, ibam abodo lili ne nyayor afi abodo akpada, ijome jen-den-dege ire nji wun cheb ika reror? Mbor ba fangha, ijome jome. ³⁶ Aba bong nebor ngor ikuku;or, Ngha tiga, nenyor kpelor ibam akabor, tap chong ne ibam abodo nya gor. Nenyorka kpelor mgbraja goro abodo aberr ye nor agono nyerr. ³⁷ Tep ne mbongho ka wun, ijome nji inyonor gum meh iba jolor nor. ³⁸ Ngho igara ntor mbor ba bong, Ada, breh ngha agbraja abal, aba bong ka bor, "ibufu" ³⁹ Jesu ba tum, na ayolor lem ji gor igole Olives,batondulor beh iba toneh. ⁴⁰ Igara nti mbor lomor, aba bong nebor, jom wun ndor nor wun ti yel ngor nyongho. ⁴¹ Aba tum shagabor tege, yi gumor arong fenghe jom ndor. ⁴² Yor bong, Ntol Ada, jolor ikora, tap akanya nya shaga meh. Ijome jome lemum ngha akanya ameh-meh ka-ka. ⁴³ Ngho nrogor itome Ishor ba rorr ngor ukun-iborr ba tobeh, yor kage ikor. ⁴⁴ Ngho akanya, ajom-ndor dole ne itemnteh, aba yobo ijujolo aloang nji iyolor dong gbor ndege. ⁴⁵ Igara nti atumor yeme ngor ndor yeh, aba rorr ba ngor idi ba tondulor beh fenghe yen mbor momeh lal tep ne akanya bor, ⁴⁶ fenghe bib bor, Nanor iwedor ka wun meh lal? tum wun yeme wun jom ndor nor wun tiyel ngor nyongho. ⁴⁷ Na ayolor kpeh bong, renghe, igom ane iba joke,ne Judas, nenwereng ngor batondulor beh iji igole ne ibal, igbolor mbarr kabor. Ajen klor Jesu nor ajumeh nyor ngor nterm nyor. ⁴⁸ Fufene, Jesu ba bong neneh, Judas, akpi teneh mon Ishor ne ujumor nyor ngor term nyor? ⁴⁹ Igara nti mba ijolor klor Jesu inyenor nti imeh jol mbor bong Ntol Ada, uyoleh ne mgbraja? ⁵⁰ Ngho nyon tege ngho igom bor ba yih ndumor neh ntol adim fenghe kemeh utoung ubolome beh wurogor. ⁵¹ Jesu ba bong, ntor ibufu! Aba laga abor utoamg, fenghe leme anob. ⁵² Jesu bong ka ntol adim, ka nenkole ikorbashi, fenghe ka anebkole mbagor mba ijogeh njim, wun joke ba na wun bagor ba yole nju ne utumor ne ngor igom febeh? ⁵³ Igara nti jolor fele ufomfo nena ngor itata ikorbashi, alagim meh abor yah. Igarata tingha ntiga, ne ikor ijenghe. ⁵⁴ Mbor ba tabeh, mbor tugeh joke fenghe kor-eh ji gor itek nenkole ibugor fonor. Peter ba toneh ngor igara nti mbor yel feh nene. ⁵⁵ Ngor igara nti mbor beh nimeh ngone ngor iten-tenghe igumtek fenghe bimeh nor, Peter ba bimeh ngho itentenghe bor. ⁵⁶ Nrogor itome nenkal nyondege ba yene na abimor gor irana ngone fenghe yor breh de-de-de fenghe bong, Nenom wengha fufene jolor nene. ⁵⁷ Peter ba tern, ba bong, nenkal, meh nyim meh. ⁵⁸ Igara ti mon igara ibeh jeng nendege yene, fenghe bong, wor fufene ajum bor. Peter ba bong, Nenom meh shang. ⁵⁹ Akpek igara ibeh kpeh jen tegeh nenom nyondege kpeba yorba bong, itembaga ji nenom wengha fufene jolor nene, ne Galilean yor. ⁶⁰ Fufene Peter bong,nenom meh nyim ijome ji ameh bong, Ngho idulor-idulor, na ayolor yor bong, nomkok koke, ⁶¹ Ntol Ada ba chebe breh Peter, ngho Peter ba boro ilome ibong Ntol Ada, ngor igara nti abongho ka-eh. Nor nomkok kok ilela aba meh teneh igol ira. ⁶² Peter ba joke idigbole yor fab abibi, ⁶³ Ikukulorji aneblome mba iyolor yor gome Jesu iyor ba yoleh fenghe yor dueh. ⁶⁴ Mbor tap ijome gba-eh ngor amerr fenghe bibeh, yor bong, nyene amerr nyonor jolor nenyor romah? ⁶⁵ Mbor bong abaga yagor feb gum Jesu, rongheh mbeng. ⁶⁶ Na ufomfo ijelor, anebkole ane ikonor ashi, bodo ntol bor waa ne ba nyonyonor. Mbor tapeh ji gor idi amebkol ibimeh, ⁶⁷ fenghe bong, jolor woh yor areror Christy, tak wurr. Aba fangha bor jolor ntagor wun, wun nimba tama, ⁶⁸ jol mbibu wun bibe, wun nimba fangha. ⁶⁹ Kpeb ngha ntiga shong, mon Ishor yor ba bimeh ngor uborb lome ikor Ishor. ⁷⁰ Mbor waa ibong, jolor ijolor nor wor mon Ishor yor? Jesu ba fangha bor, wun areh meyor. ⁷¹ Mbor bong nanor umeh kpeh che ntemche? tep ne wurr ba fonor ubu yoke ngor nyor meh wefonor.