¹ Iba jologor nborgobarr ufufo, jesu yol kpeler ane ngor itamba ndor fenghe yor toro ayeyebe alom nji nenkol nkpege ndor neba nyonyonor iba trober ne anebkol. ² Mbor ba bong kaye, "Tak wurrngor ba ikor wor ameh lim abodo nya? afi ba kalar ikor ntigha?" ³ Aba fangha fenghe bong kabor, "mme ba wun beber mbeber, fufor wun tak mme ⁴ uwuro alab John, irurogor ukin-iborr afi ngor ngor ubob ane?" ⁵ Mbor tobor ne atem, yor bong, "jolor ubongho, ngho ikin-iborr, aba bongho, nan wun ka tamor ne-nene? ⁶ Ken jolor wurr ubongho, ngho ubob abe ,' ane waa iba wurr tob-atal, tep ne mbor bor nimer mber Johnyor jolor nyen-amerr. ⁷ Tep nenor mbor ba fangha mber mbor yim idi ji aruror ba. ⁸ Jesu ba bong ka-bor, "fufor me nim tekge tak wurr ngor ba ikor mme-meh lim abodo ngha. ⁹ Aba tak ane fonor ikikalar igan, 'nenom taler igber ate, atap yama ntaga ate, fenghe batum ngor ibugor ngendege ngor irarab igara. ¹⁰ Ikit iba lomo aba tum ba-tumitum ber tugor ntaga ate, mber nogor mbor kaye mogor ite ngho igbeh ate. Ken ntaga ate bado yeh, fufor tum-mer fenghe abor-abor. ¹¹ Akeba tum ntumitum wergor mbor kpe-do rekge ndon kan, fufor kpe tum fenghe abor-abor. ¹² Akpeba tum igbobolor ira fufor weh mbor kpe lim ajom, fenghe royeh jok. ¹³ Nah yor Ntol taga ate ba bong, 'bajom mme ba limer? mme ba tomor mon ikorr wama. Galim mbor yebe kagar.' ¹⁴ Ken igara nti ntaga ate yen-ne, mbor ba toro ne atem, yor bong, 'Nlekgeh ibon fonor yor ngha. Ba wun uyole, iyoji ijom ibon fongho iba jolor ijire.' ¹⁵ Mbor ba royeh jok shaga igbe ate fenghe yole. Ba ijom Ntol igbeh ate balim nebor? ¹⁶ Ababaga fenghe be rongho ane ba taga ate, fufor tap igbe ate ntor ka mbagor. Igara nti mbo yok-gor mbor bomg, "nogor ititege jol nor" ¹⁷ Ken Jesu ba bree bor, fenghe bong "nta nti bor nyon no ngha ijoko nan? Utal mbi nyoryogor tennor ifenghe jol utal bi inonobor'? ¹⁸ Nen-degedege nyor gbolor tub ngho utal mbingho ba-waga ajare, fufor neyo ituber iyebe kogor." ¹⁹ Ngho aba nyononor ne Ntol nyalayala ijang ngha mbor yebe kulor abor ngho igara ntigor, tep ne mbor bu yen na abongho ubul ane. ²⁰ Mbor mer brre kpekpe, mbor ba dangha tum abeb-ukpelor mba itabor uji-bor nah anebgbol, nogor mbor jang yen nshodor ngho mbong yeh, iyoji mbor yebe taber-ka bar gum idi ne ikor Ntol ibukgor. ²¹ Mbor ba beber fenghe bong "nkpekpeler, wurr uyiyi ngha ayor bong fenghe kpele inonob, ka fenghe lim ne-amerr, ken ayor kpele iteambaga gum mbarr Ishor. ²² Ibene-ti ka wurr nogor uka ikanda ka Caesar afi no shag?" ²³ Ken Jesu ba nyi ukodo bor, fenghe bong ka mbor, ²⁴ "tep mme a kobo nji utugor ne mbeng yeh lagor nghor?" mbor bong, "Caesar's" ²⁵ "ka wun Caesar abodo ngha ireror ka Caesar's, fufor ka Ishor abodo ngha ireror ka Ishor. ²⁶ Mbor tegim jang yen nshodor ngho nya ayolor bong ngor ushimerr ane, ken ikor itan bor na afangho mbor ugbele ikpedekpede. ²⁷ Igara nti gum ane Sadducees balor tober, mbor ba ibongho mber uyimer jok idi-gbol irem, ²⁸ mbor beber, yobong, "nkpekpele, Moses nyononor tugor wurr meh ijolor ngbayen ne ikpolor, ufonor nkal fefene akakpelor abon, ne tap nkal ngbayen kor nogor afon abon ka ngbayen. ²⁹ Ugbayen ishi irimini ijolor ngor, ³⁰ fufor nkbogor mbrrkor nkalfenghe ikpor abon feh, fufor igbobolo ibal ninor. ³¹ Igbobolo ira kor, fufor ngho mbrr nyor, ³² mbor ishi irimini waa ikpor abon feh. Ikukulor je waa nkal fono bangha ikpor. ³³ Ngho ufufo uyim jor jok idi gbol, nyonor aba jolor nkale? Tep ne mbor ishi irimini ikole na nkal waa. ³⁴ Jesu bong kabor, abon afam yitekga ibu kor akal fufor mbor bubor ka mbal. ³⁵ Ken mbor ba uyelor bor nah mbor reror kpekpe ngha mfam nya ibakogor uyime-jok-idi gbol shaga iku inim-ba kor afi bal-alom. ³⁶ Mbor nimkpe ikpor ngha ikpen, tep nebor-regredede na ba rogetum Jesu ne abon Ishor ba ireror abon uyime-jok-idi gbol. ³⁷ Ken neba-ibekpor iba jokgo fefene Moses titeap ngor idi nji ifu ijolor lol, akokgor Ntol Ishor Abraham, ne Ishor Isaac ne Ishor Jacob. ³⁸ Ngha ntiga akpem re Ishor aneba ibekpor, ken mbor ba ireror ikpen, tep ne-ne wurr waa ure ikpen. ³⁹ Ba nyonyonor badegeh iba fangha "Nkpekpele wor abu fangha kpekpe." ⁴⁰ Mbor kpem shep beber mbeber nyendege. ⁴¹ esu ba bong kabor, "nan mbor limo bong ber Christy mon David? ⁴² David fono bong ngor nwerr Psalm, Ntol bong ka Ntol yama, 'bemer ngha uboblom bama, ⁴³ Tete meh lim aneb ujing ba itebemmeh ja. ⁴⁴ David kpk-ge Christy 'Ntol' ngha nan areror Mon David?" ⁴⁵ Na ane waa iyolor rangha aton aba bong ka Tontulor. ⁴⁶ "Kun wun neba nyonyonor ba iyojen sheber ne ararab awuro fenghe yor fon ikorr ka igafor nji bor njibor ngho idi are fufor nogor mbor bemer ngor ite Ntol ngho ating itamba ndor ne ikun Ntol igara ikak. ⁴⁷ Mbor yo rongho akantek aneb-ba alom bor ibe kpor, fenghe yor jom irarab ndor yor teap, ngkog aneba ibakogor abon akanya."