¹ Jesu ba yel fenghe sheng ngor Jericho. Nenom nwendege jolor nyor , mbor yo kogeh neh Zacchaeus. ² weh yor jolor ntol kogor akpanda fofor neh afang yor. ³ Ayol kana yogor ayen neyor Jesu jolor, ayenemeh tep neh ijom aneh, tep neh ajolor na teke ngor agah. ⁴ Aba tobo tum ngor mbok aneh fenghe ji yerr iborr ite Sycamore nogor ayen neh, tep Jesu yol shebe nogor asheng ngor nkpa nyor. ⁵ Igara nti Jesu balor ideje, aba berr ngor iborr fenghe bong neneh, Zacchaeus, bedeh ba ndege babah, tep neh ilelah neh mba jolor ngor itek jah." ⁶ Aba wara bedeh ba-ndege fenghe kar ubeh neh igere. ⁷ Igara nti aneh waa ibalor yen, mbor ba gbeh ilam' yobong,"abuji yen nonom abebe abaga." ⁸ Zacchaeus tum yimeh fenghe ba bong neh ntol, "Berr, Ntol, ikikibe abodo yama waa meh bakaga aneb akanya. jolor meh ber lim nendegedege amerr ngor ijom jireng, meh ba fenghe neji kayeh nkpel ini ngor akobo fonor. ⁹ Jesu ba bong neneh, ilela nnogor mbuba nya itek jah. tep neh weh fufeneh mon Abraham yor. ¹⁰ Ngor nan mon nenom bala ba jang fenghe noke aneh ba ibetan ¹¹ nah mbor yogor abaga fonor, akpeh yor bong fenghe tak bor ikikala ngor igan, tep neh ajolor koleh Jerusalem, mbor fenghe yor tobor mbeh ikun iborr Ishor iyaga ba ngor idele. ¹² Aba bong nah, "ikpe inonob nenom nyor tumor ngor irarab ibugor nogor aji kor ka ujibeh ikun nogor afenghe kuro. ¹³ Aba kok abon eneneh ber ishi igol fenghe kabor ikobo igol fufor aba bong nebor, jen wun areh tetete meh fenghe ba.' ¹⁴ Aba shab aneb ibugeh jeh, nbor ba tom ane tegeh, mbor ba bong, wurr unim ba tama nonom waa jol ntol ka werr.' ¹⁵ Ijolor igara nti akuro,iked nti abe kor ikun, aba tum kok abon inene ber mba akalor bor akobo nogor mbor bar, ngha asheber nogor ayi nshele nyi mbor ber lim ngor are ma mbor genor. ¹⁶ Ngogor mbarr ba yeme, bong, 'Ntol akobo ya ibu bel ikobo igol bodo. ¹⁷ Inonob nenom nyor ba bong,gafor, abulem, inonob nene. Tep neh wor akpe ntama ngor mon ijom teker, wor aba fonor ikor ka ishi-ibugor igol. ¹⁸ Igbobolo ibal ba ruba, akobo ya iron ibu lem ikobo iron bodo. ¹⁹ Inonob nenom fonor babong,yor fon ikor ka ishi bugu iron. ²⁰ Weh-gor ba ruba bong' ntol,ikoboja nya nji akalo meh, meh mbu gbe shishile ngor awure yama. ²¹ Meh njol fonor ubol ba.tep ne nan wor neh yor ayo tap ijom nji akagbelor ndege afemghe kpah ijumji aka talor. ²² Inonob neh ba bong kayeh, Ngor alom ya men nyaba lamer, wor ishashab Mon inen-ne wor. ayiyi nah mehmreror neyo yo bep, nyotap ijomji nkak for fenghe kpa nji me ka talor. ²³ Nan wor aka kagor akobo yama ngor iburufu, iyoji igara nti meh ba kuro meh ba kogor neh ngshele? ²⁴ Inonob nenom bong ka mbor ba iyimor nghor nkpa, kor wun akobo ya ngho shange, fenghe ne ya ka neyo kpelor ikobo igol! ²⁵ Nbor ba bong kaye, 'Ntol akpe kobo igol ²⁶ Meh bong ka wun nendegedege nyo kpelor mbor yebe kaga bodo, ken ngor idi neyo ka kpelor, ngor nji akpelor mbor ba taba shage. ²⁷ Ken aneb ujing bama, mbor ba ika shebor nogor ngum mbor, kor bor ba ngha fufor nogor ayol mbor teap meh. ²⁸ Igara nti abe bong abodo ngha, aba gbor merr tum ngor Jerusalem. ²⁹ Iba jolor igara nti agenor kulor Bethphage ne bethany, ngor igol nti mbor kok ne oliet, aba tum ba tontulor ber abal. ³⁰ Yebong "shong ngor ibugor nji ireror kulor. Nah wun beyel, wun ba yenne mon nom mbongkan nyo mbor kabe ti komo kpem-kpem. Fonghe wun fenghe ko ba kameh. ³¹ Nendegedege nyo bep wun, nan wun mer fongho!" ³² Nbor ba bor tumor bor itum fenghe yen mon nom mbonkan na Jesu tagor bor. ³³ Nah mbor jolor fongho mon-nom mbonkan, nfonor bong neh bor, nan wun meh fongho mon-nom mbongkan?" ³⁴ Mbor bog "Ntol kpe ifang neyi." ³⁵ Mbor kor bakar Esu, mbor fenghe row ararab awauro bor bolor mon-nom mbongkan fenghe tap Jesu komor ngor. ³⁶ nah atumor, mbor ba yalar awuru ngor mbarr. ³⁷ ngha ajolor ri-ngor idi nji igol Olives ibe rede, igom ba-tontulor be waa igbeb ngere fenghe teg Ishor ne igboro ilom teb ne igboro ifangha nti mbor be nyen, ³⁸ yor bong, "Inya Ntol nyo beba ngho mbeng Ishor! Itere ngor iborr ne ntige nji ifulor waa. ³⁹ Apharisee na mbor rorogor bong kayeh, "Nkpele-nkpele, tentugor ba tontulor ba." ⁴⁰ Jesu ba bong fenghe fangha, "me wun tak, jolor nya ibelor, atal iba raile jok." ⁴¹ Igara nti Jesu jenor kulor ibugor fonor aba wurro abibi gara neti, yo ⁴² bong, ken ber wun nyiyi ngha ufufo bar jol wor, abodo nya ikulor wune iterre, ngha ntiga ibe shele shaga abarr yenneh. ⁴³ Atu ikpi baga ka wun igara nti aneb- ujing ba yogor barricade shibem wun kag fenghe yede wun kak ngor ating neh akpa waa. ⁴⁴ Mbor ba wun romo kak ngor ndege neh abon benneh ne-neneh. mbor nimba tumor utal mbring kono neh ntem tep neh wun reinim igara ujen benne. ⁴⁵ Jesu bayen ngor itamber ndor fenghe yor yerge neba iyolor goru aneh. ⁴⁶ Yo bong ka bor, 'itek jama iba jolor itek ndor' wun bu tap shere idi awagaju. ⁴⁷ Ngha Jesu yol kpelor fel ufufor ngor itaba ndor. Ntol nyalayala neh ba nyonyon iyol shaga nogor mbor yole, ngha mbor jolor aneb-kol ane. ⁴⁸ Ken mbor takim yen mber nyi bor limer nor tep nenan aneh waa iyol rakeh atong kan.