¹ Ngah aba bong igan ka bor nah ilagor nogor mbor yor jiom ndor, nogor itibor dok-akub. ² Aba bong mbeh ibugor njireng ifonor nlamilam nyo kah beh Ishorfenghe kakanh. ³ Nyantiga nenkal wor ka kpilor num jolor nyor ibugor fornor, fufor ayor ba fel-igara ngor idi-jeh, yor bong, kak meh ubor nogor alam inob meh sheng aneh ilam wama.' ⁴ Ngor irarrab iket ayolim sheb nogor akaker ubor, kn nogor mon igara tekeh ababong neh ujibeh meh nyiyi na meh ka bear Ishor fenghe kak-geh. ⁵ Teap nena idi shisheng jor ibu sheb ilam kameh, meh bakana lim ilam inobeh, iyoji ayebe jekgeh nbaga nga igamidi fel-igara." ⁶ Ngha ntol ba bong "rang wun atong ngor ijom nji nshashab nlamilam bongho." ⁷ Ngha ntiga Ishor yimer kor itembaga bakar aneh-beber abebor yekge mba iyo rail kayeh njiol neh atu? Aba bor wrongho ikid-deh? ⁸ Meh mba bong kawun, aba kogor itembaga ka wun baba-ba.Fufor igara nti mon neh bar-baga. Itembaga ji yeh aba-yene ntama ngha mfam?" ⁹ fefene aba bong igom ntigha, ka badege batamo-tukgor ujibor meh mbor re-gbol fenghe ten aneh mbagor. ¹⁰ Aneb lom abal itum yel ngor iborr itaber ndor ji jiom ndor, inwering jolor Ipharise fufor nwehgor nkoor akpanda. ¹¹ Neh ipharisee yimeh jiom ndor ka ujibeh ; Ishor, me baka igafor ngha meh ka reror an aneh mbagor-aju , abebe aneh, ba yom akal aneh afi na ngogor akpanda. ¹² Meh nyo bemeh njal, atu-abal iride; meh yor ka nkaga ngor abodo nya nkpelorwaa. ¹³ Ken nkogor akpanda, nyo yimor ngor feh, weh ligim yop amerr brre ngor ikun iborr, afenghe shele abl,yor bong, 'Ishor fon imok ka meh, meh neh abebe,. ¹⁴ Meh mbong ka wun, neh nom fonor fenghe tum ngor itek je gbol shaga neh nyo ngor, "teap ne-nan nendegedegeh nyor kagor miber mbor yebe tikge." ¹⁵ aneh fonor fufor iyorl kolor abon bor ba nogor akulor bor abor, igaranti bah tontulor iyenor mbor iten tugor bor. ¹⁶ Jesu kok mbor togor ujibeh, "yagah wun abonshe nogor mbor ba top meh. ka wun bor ten tip neh nan ikun iborr iri ka mbor. ¹⁷ Teambaga meh mbu bong ka wun nendegeh nyor kakolor ikun iborr Ishor nah monshe yimtegeh ba yele ngor ating. ¹⁸ Ntol nyidege ba-beb 'mber' inonob mkpekpele, bajom meh ba limeh nogor nkim fon ikpen igain-gain? ¹⁹ Jesu bong neh- neh ka-yeh, nan wor abeb bor meh inonob mkpekpele? Nen-ne ngor nobum, shenghe Ishor nenteng. ²⁰ Wor ayiyi nbene-ka yom nkal aneh, ka yolneh ka you uju, ka yimeh ntenshe nkikimeh, kaknshuwah neh nyouwah. ²¹ Ntol ba bong,nya ngha wau meh mbukpeh beb nogor igara nti njolor monshe." ²² Igara nti Jesu yokor nor, aba bong kayeh "ijom nring akpem, wor aba goro nya akpelor waa fenghe ba kah aneb akanya, fufor wor aba fonor afang ngor iborr, fenghe aba tonnor meh. ²³ Ken igara nti ntol yor yok abodo nya, item iba shaber na kang, teap weh ne afang yor. ²⁴ Ngha jesu yene item iba shabe, nan iba-jekge nogor ifang neh yel nogor ikun iborr Ishor. ²⁵ Mber ire ikpering nogor mbonkan sheng nogor ibagha uya, shenhe na iganghe neh bayeler nogor ikun Iborr Ishor. ²⁶ Mbor ba imeh yokiba bong, "ijolor nonor nyonor? ²⁷ Jesu fangha, abodo nya ika reror kperin neh aneh ire kpering neh Ishor. ²⁸ Peter bong, mbeh wurr ubu yagabor ijum njidegedege nji ukpelor fenghe tonah. ²⁹ Jesu ba bong neh mbor,itembaga meh mbubong ka wun meh neh neyo bertum itek, afi nkal, afi ngbayen, afi ba nde afi abon-beh teap neh ikun iborr Ishor. ³⁰ Nyo-nor yitiba kogor dol sheng ngha ntigha sheng ntimeba ngr kpen-igain-gain. ³¹ Igara nti akokgor igol-neh abal kon-ashi neane, aba bong nebor, "yen, wurr ufere iborr ngor Jerusalem, abodo waa ngha ba yen ngha amerr iber nyon gum mon neh itegeba jolor. ³² Iba jolor ka kenties, fenghe yor yonk bor fufor rekge mbor ndog, fenghe sho-atel wurrobor. ³³ Igara nti mbor beh do, mbor yebe yolor, fefene ngor atu ara akpeber nyimeh. ³⁴ Mbor nyilem ijom-ijom nti abongho ngor abodo nya. alom ya ijol shishele shaga mbor, mbor yimlem abodo na mbor bongho. ³⁵ Ibajol ngor igara ntor, jesu reror kulor Jericho, nwaga-amerr nenom nyondege gemer ngor nkpa mbrr yor lem-lemer. ³⁶ Fengho yior yok ijum aneh meh sheng, abeb ijom ji iber gbor. ³⁷ Mbor ba take mber Jesu nyo rurogor nazareth yor meh sheng. ³⁸ Ngha nwaga-amerr ba rsil jok yor bong "Jesu, mon David, fon uyenimok ka meh. ³⁹ Mbor ba iyolor jen ngor akpelor ba rail jok waa kang. "mon david, fon imok ka meh . ⁴⁰ Jesu ba yemeh idi injiring fenghe ka ikor mber neh nom yor bor kogeh ba kayeh, Igara nti nwaga amerr nyor jennor kulor, Jesu ba-beb ber, ⁴¹ Ba jom amer sheb meh lam ka? aba bong "ntol meh kpi shebeh nyen." ⁴² Jesu bong neneh, "kor amerr ya" ntama ya ba lim anob" Ngor ntg-tig aba yen fenghe tuner. yor lig Ishor. ⁴³ Aneh wah mba iyemor, iar ntige ka ishor.