¹ Jesu christy ba bong neh ba tontonor beh, abaga iba jolor nyah iba le-meh werr ulem ashashab abagah, ndon ka aneh mba ashashab fonor iba shenghe ngor ngum-gi bor ba! ² Ilagah nogor mbor row neh wor kake ngor alep neh utal ngor imel, nogor ati lem abonshe ilem ashashab. ³ Kunu uji ba nterr. mgbayeh lemor ashashab teneh, afengho lem anonob bageh. ⁴ Alamor ashashab ka ngor mkpel irimini ngor ufunfu, ngor mkpel irimini, afengho ba gorah, ka igogo, ba-geh!" ⁵ Ba tontonor ntol iba bong ne-neh, lem nogor ntama yerreh fu." ⁶ Ntol ba bong, "njolor wun kpilor mtama na tekeh na mogor ndege, wun ba bongho neh itee ukpa yeb ujiba shong yimi ngor aleb; iya ba yogo. ⁷ Yonor ngo igom jene ba fonor nlame ifangha wor ayabe bertager mber lam berbumer ngorli ijomlile? ⁸ Anum yer bertagor, mber lam ijomlile kar mer, kar nenide shebe aworon waa nogor akar mme ijomlili nogor ne ye liy fenne wor, wor bagna ba lige fenne wor. ⁹ Aajom ka neh ifangha weh igafor ngor nan atobem na bor tageh,alele meh? ¹⁰ jol nor,igara nti aye laim na mbor tage,aba bongho, werr aneb ifangha bah. werr ubu laim ifangha terre. ¹¹ iba jol nah, abatem ngor Jerusalem,aba jen ngor ndenneh Samaria neh Galilee. ¹² Nahayelor gor mon ibege, nenom yor kpilor ileper ba tobeh. mbor jolor fear shageh. ¹³ Mbor ba bong kpoo, mbere, "Jesu, mkpikpile, fon uyenimoke ka werr. ¹⁴ Na abe yen, abong neneh,"shong tip ujeba ka udem." Na mbor temeh shaga ayam itele bor. ¹⁵ Igara nti neh wureng ringho na weh benob, afenghe neh abem igere ka Ishor. ¹⁶ Akemeh ngor akpada Jesu' yor kae igafor. nyah neh Isamaritan yor. ¹⁷ Jesu ba bong, "Aneh igol shang inobor? irimo-igol mban? ¹⁸ Mbor kpem bar ka Ishor igafor shaga ngenneh nyah? ¹⁹ Ababong neneh, tem yemme nogor ashong. ntama yah ba lem anob." ²⁰ Aneb Ipharisees iba beb beh, ba iked Iken Iborr Ishor iba bagah, Jesu fangha bor ba bong, Iken iborr Ishorr iyom bah neh uringhe igara fonor. ²¹ Mbor ma bong, breh gah yor iriror afi ngor yor,! yen, iken iborr ishor iri klah." ²² Aba bong neh ba tontonor beh, "ufungfu ekpi baga ngi wun ba shebe nogor wun yen ufungfu mon nenom, wun nem ba yeneh. ²³ Nya-ntega mbor ba bongho neh nah, bre nyah! bre ngor!' ka bor yok afi atubo atonor bor, ²⁴ Ngor nah ndan tubor rebeh ide gbol iket nti aye yah ngor mkpa mburubuntah nyereng lumu ngor mkpa nyegor, nor yor iba jolor ngor iket nti mon neh ba baga. ²⁵ Ngor ngbogor mbarr, aba yeneh agboro akanya, mbor fenghe teneh nya mfam nyah. ²⁶ Nah ijolor ngor iket Noah, noyor iba jolor ngor igara mon nenom. ²⁷ Mbor lee, mbor wor, mbor ko akal, mbor tab bor ka alom, tete-teh igara nti Noah yelor ngor Ugbang- alep iba yole ikpen nyah mfam wah. ²⁸ Noyor forfor na ibagho jol ngor igara Lot-mbor jorlor yor lee fenghe yor wor, mbor yor gunu fenghen yor gorow, mbor yor tah fenghe yor nyor. ²⁹ Ufunfu mbi Lot jogor shaga Sodom, ilol ngon neh ifuel ngor Iborr renghe mbor wah. ³⁰ Nah ibeh togor jol, noyor ikpeba jolor ngor iket nti mon nenom ye teb ngumji yeh. ³¹ Nyor ufunfu fonor, ka tak newor yobor ngor itaba nogor ajok ji tab abubudu yeh ngor itaba jeh; fofor ka yaga nyor rerogor idegbol ba itek. ³² Boro nkal Lot. ³³ Neh wor shebor ikpen teh ba phile tan, neh wor tanor ipken teh ba fonor nshele. ³⁴ Meh ba tak, ngho netu ane abal iba noryor ngor ijom nyor jereny. Neh wureng ba tumor shaga wegor. ³⁵ Anebkal abal iyor ba gougor abodor, nwereng ba tumor shaga wegor. ³⁶ Ane abal iba jolor ngor imerr, nwereg ba tumor shaga wegor. ³⁷ Mbo ba beber, "ngan Ntol?" Aba fangha bor, Idi ngopji neh ireror, ngho fufene apu ibangha ba jolor