¹ Jessu bong nne batuntule beh ifonor igboro nenum wondege nyor nne yor jo-breh abodo-yo, mbo-leme kae akune nbeh mbreh abode fonor jolome breh kpekpe. ² Nnenum fonor nyor koge bong nnene, Nnenum fonor nyor koge bong nnene, 'Bajom mme mboyok guma; ark mme wa gara nna amebreh abodo fonor, nghonan wo anum kpebabreh abodo nya'; ³ Mbumishi ikpokoro bong nne ngobji ye, 'Bajom mme mbaleme, ngonan ada jama butara ifangha ubume ishikpokoro jama; Mme nkpen ikor kpukpa (dig), mme ndom kpe meleme nogor nji lem-uleme. ⁴ Mme nyi ijom-ji mbaleme, inyo nji adjama yeme yige ngor ishikpokoro na mbreh abodo, anne ibame kogor kak ngor attek-bor. ⁵ Mbumishi-kpokoro kok anne mba ikpelor ada-je ikon, abub ngbogombarr nne, ikobo ibek wo akpelor ada jama ikon? ⁶ Abong 'Akpong-kpong olive oil atule-arron; anong nnene, kor akpaga-nwerr ya, bume babah, nnogor yon atul-abal nne-igol. ⁷ Mbumishi-kpokoro bong nne newegor, ikobo ibek wo akpelor ikon, Abong, ibam amogite atul-arron; abong nnene, kor akpaga-nwerr ya, nnoyor ayon attul-anni'. ⁸ Nnenum fonor bong inop-nop gum mbume ishikpokoro nyor ka-rerorr gbol ngonan abulem nop. Annep mfam ijor jol kpekpe ngor nleme nne anne bor shenge abon iranan. ⁹ Mme bong nne na, leme uem ka illah nne afang nya irerorr gbol inyor iye jolnor, mbo yaba koggor kak nggo ukuniborr. ¹⁰ Nne nyo yejol kpekpe ngor ijomji tekeh, fufor aba jolor kpekpe ngor nji ufulor, fufor nne nyor ka jolor kpekpe njor ijom ji ifulor num ba jolor kpekpe ngor nji irerorr tekeh. ¹¹ Wo akakunor nna abaleme nne afang nya ikanobor, nne nyo ye fon ukono-nter ka, ba fonor ukomterr ka afang. ¹² Jolor wo akao fele abodo anne kpekpe, yonnor yabakaga akobo ngor ayah. ¹³ Nrogitom nyor dege-dege nom malaba rogor anne abal, ilaga nogor wo afon ikorr ka nne-wurrong shaga nne wegor, affi wo aba yeme kpekpe ka nne nwureng fenghe tern wegor. Wo anumal ba tama tuge Ishor nne afang." ¹⁴ Ngha aneb Pharisees, mba ifonor ikorr akobo, iyok abaga nya-wa fenghe yolleh. ¹⁵ Abong nebor, "Abuka illa unor ngo ammerr anne, Ishor nyi-yi ntemya. Ijom ji ikpelor ifan ngor ammer anne, ikpem ifan ngor ammer Ishor. ¹⁶ Mbeneh nne uyene ammer ijolor ngha John kumbah. Yigitule ngo igara ntor tum, allom ukeniborr Ishor ibong, fele nne fenghe yor nnror nor ayel ngho mbarr nyor. ¹⁷ Irekpereng ka ukeniborr nne ndege isheng tum, nogor ijol iyo-nor njereng ngho mbene, nogor iti fon ifan. ¹⁸ Nne nyor yehkam nkale fenghe koh nne-ndege bulem isha-shap, nne yor yeh kor nne nyo be mal-ibal ngor idi nome bulem isha-shap. ¹⁹ Ifonor nenum yondege nyo fonor akobo na feb, fenghe kak anop-nop awurre, fel ufonfo ajol lilikpen nne afang ye. ²⁰ Lazarus nne uleme nyo ka fonor ijom-jom ba bume ngho mboh meh nne ajom ngor ngobji, ²¹ ashebe nogor aly akub nya ibah fororr ngho ikpokoro nenum fonor. ubor ijol balah ba kpele ajom fonor. ²² Igara ibah nji nleme agom lily kpolor, ba rogitom Ishor itabe ji bumme kule Abraham. Nnenum afang baga kpor mbor kpaekag, ²³ ayomu gor ngon idi akanya, aruba-merr yen Abraham ngor feh nne Lazarus ngho nbok meh. ²⁴ Ararr bong, 'Abraham nshuwama, yen mme imok atom Lazarus nogor ayin unyigibor ngho alip nogor anara ulige bama, mme nkpe yenakanya ngha ngon.' ²⁵ Abraham bong, 'mon, borrow na wo afonor aten-tenghe abodo ngha nfam, Lazarus fonnum ijom jom. Ntiga arerr inop-nop ikpen, wo akpi-yenakanya. ²⁶ Fufor, ikpukpok ibu bak, anne nbagor innomal babaga, mbaga innomal ba tagigboongho jigor. ²⁷ Nnenum afang bong, 'mme mbagoror, Abraham nshuwama, tomme shong ngor itek nshuwama- ²⁸ mme nkpe agbayen arron-iyor abajige ji nyam bor, nyo mbo yiti babaga ngha idi akanya-nja.' ²⁹ Abraham bong, 'Moses nne bayenammerr iregor, mbor rangha bor attong.' ³⁰ Nnenum afang fangha, 'Ay-ay Abraham nshuwama, nne ye wurr ngha ji tag bor, mbor ba yangha.' ³¹ Abraham bong nnene, 'mbor ka rangho Moses nne ba-yennamerr atong, jol nne tummo ngha ji tak bor, mbor numba yogoh.'"