¹ Ngha, bakogor akpanda nne baleme abebe mbagor waa ibah gor idi Jesu ba ranghe atlong. ² Anep Pharisees nne ba yonyonor imumor nne atem, bong. "Nnenum wengha yojolnne ba-leme abebefenghe liy ijom-lily nebor" ³ Jesu tub-igam kabor, wor ba bong, ⁴ "Nyonor ngha atteng yenne nyor wefon ujorror attul-arron nwureng batan, yiti ba tumme attul-anni nne ikurr nne anni bagor shaga, jijang nwurreng nyibe tan, yeneh?. ⁵ Igara-nti ayeyen, attabe konno ikpukpa gibeg fun uyebitem. ⁶ Igara-nti ayeh ba-gor itek, akok attembe nne anne mba innenor kule connor ashi, bong nnebor, fun won uyebitem nnenama, ngonan mme nyen njorro yama nne betan. ⁷ Mme mbatak menne nnoyor ibajolor ngor ukeniborr ngor nleme abebe nwurron nyor ye fenghe batob Ishor, shenge anne attul-anni nne ikurr nne anni mbgor mba irreror kpekpe ngor. ⁸ Afi ba nnenkal nyo ba fonor ikobo igol, aye tan njereng tiba kagi-imolor jang kpekpe tigi nyen. ⁹ Igara-nti aye-yen, abakokgo attembe nne anne mba inenor kule, bong, Ba fon won uyebitem nnenama, ikobo jama nji itannor mbe-wen. ¹⁰ Fufor, mme mbuwen tak, uyebitem irregor ushimer ba-rogitom Ishor nnogor nleme abebe nwureng nyo-ye fenghe ba tob Ishor. ¹¹ Jesu bong, "Nnenum nyondege fun abon aneplom abal, ¹² nyo monshe bong ne ndeh, Nshuwama, kame abodo nya ireror ayama, ndeh ba fele abodo fonor bak idi bal kobor. ¹³ Ngo abon atu tekeh, nyo monshe balok aye abodo waa tab-gorro tum ngor ibuge feh, ngho ibuge njor, aly akobo nya afonor waa-mal ngo ishap-shap ikpen nti ajolo nnene. ¹⁴ Igara nti abe-mal akobo fonor waa, njal ba ngho ibugor inji ajolor, attobor nna abaleme. ¹⁵ Aji jol nrogitom kar nnenum nyondege ngho ibugor njor nyo tome jigor igbete ajoji leh akok. ¹⁶ Ajol lile ijomlile akok ngonan nnene jolim kae ijomlile. ¹⁷ Igara-nti akenor ille, abong, bar-rogitom nshuwama waa ikpe ijomlile feb nya mbo mely, mme nerengha kpi-kpogor njal. ¹⁸ Mme mba fenghe tumgor idi nshuwama, mme fenghe ba bong ne nene, "nshuwama mme bolem ibebe gum ukin-iborr nne wo. ¹⁹ Mme kpe-lag nogor akpe mme kok nne monna, lem mme nna nrogitom wa nwureng" ²⁰ Mon fonor tum-yemeh jen fenghe ngor idi ndeh. Nna ajolor feh, ndeh ba yenne fenghe fon uyenimok, atoboji feb-kpage mbo fenghe fele atam kak ngobji. ²¹ Mon-ne ba bong nne-ne, Nshuwama, mme mbulem ibebe gum ukin-iborr nne wo. Mkpe-lag nogor mme nkpe jol monna. ²² Nde ba bong nne ba rogitom beh, kor won atentenge aworror ba baba bakage, kage wun inyerr ngho ubor nne abroakpada ngho akpada. ²³ Fufor ko igboro ugodobia aba yole. Nogor illem ikak. ²⁴ Ngonan monama kpor ntega afenghe ba ikpen. Atan, ngha ntega ube yen. Mbo ba yibitule ikak. ²⁵ Igara-nto, mon nyo nenkol jolo-gor ifu. Nna alomor kuli tek, ayok abem nne abem. ²⁶ Aba kok nrogitom nyondege ba bub igom ijom-ji imegbor. ²⁷ Nrogitom bong nnene, 'Ngbayenja buba tek, Nshuwa bu-yol ugodobia mbi galofu, ngho-nan abu koror nne ikpen. ²⁸ Item iba yam mon nyo nnekol, aten nyele ngo itek, nde ba jok ba idigbol bagorre. ²⁹ Mon nyo fangha nde fenghe bong nene, 'bree, ndah yingha waa nyi mme mbeyen akanya kar, mme njomten ijomji wor aye bong, jol mbol akameka nogo nyol bagna fon igerre atembama. ³⁰ Igara-nti mon-na beba nyo beji runghe ikpente nne abodo nya wor akale waa nne anep akpara, wor abuyol ugodobia mbi golor fu waa kae.' ³¹ Nde ba bong nnene, 'mon, wor arengha nnenama, abodo nya mme nkpelo waa ire-kah. ³² Fefene innonob nogor item iyebe wurr, tep ne ngbayi wengha bukpor nghatega arikpen, atan nghatega ubeyen.'"