20 ¹ మరి బేరు సంకెళ్ళను కీవోటి పుడుచుండూ ఆగాదముకు యిక్కిర తాలంగల ఉండు దేవ దూత పరలోకము కోరు యిండు ² దిగి వందతా పాతే. అదు ఆది పాపమును యిండికే అపవాదిన సాతానున యిగింరా ఆ ఘట పామును పుడుసు గిండు అగాధము కోకు బుగతోసి! ఆ వెయ్యి ³ వాటకాలంగా అగురు దాకా యిక మొనుసురులా మోసపర్చలారా గుండా అగాధమున మూసి అత్తుకు ముద్ర పొడుచ్చూ అత్తు అక్కిలి అదు కొద్ది కాలము ఉట్టోటు యిక్కిము. ⁴ అకిల్లి సింహాసనమున పాత అట్టుతు మేని ఆశీనులై యిక్కిరాముకు విమర్శ చేయుర్తుకు అధికారము కుడ్చూ మరి క్రూరమృగము గాని అత్తు బొమ్మకు గాని నమష్కారము చేయగుండా అసుగునోసళ్ళ మేని గాని కియ్యల మేని గాని అటుత ముద్ర పోరటుగులారగుండా యేసు విషయం కోరు అదు తంద సాక్ష్యము గురించి దేవురు వాక్యము గురించి తలల అర్తు వోట అసుల ఆత్మల నాను పాతే అయ్యా పెగిసు వెయ్యి వాటకాలము క్రీస్తు వోటి రాజ్యము చేన్చూ! ⁵ ఆ వెయ్యి వాటకాలము జరుగుదాక (కడమ మృతులు) మేని చోతోనాయ పెయి కీల్లా యిదియే తోలిపునరుద్ధానము. ⁶ ఈ మిన్ని పునరుద్ధానములో పాలు బూధయా ధన్యులును పరిశుద్దులుగా యిక్యాకు యిత్తరాసుల మేని రెండవ మరణమునకు అధికారము ఇల్లా ఇయా దేవురుకు క్రీస్తుకు యాజకులై క్రీస్తు వోటి కూడా వెయ్యి వాటకాలము రాజ్యము చేయాకు. ⁷ వాటకాలములు జరుగుంతు కోరే సాతాను అదు కీర చెరకోరు యిండుఊటోడ్చూ ⁸ తర్ర మేని నాలుప్రక్కల యిండుమొనుసురా లెక్క సముద్ర మాటి యిసకలాగ యిక్కిరా గోగుమగోగు యింగిరాసుల మోసగించి అసల యుద్ధముకు చేయర్తుకు అదు బయలుదేరుసూ. ⁹ అయా భూమి అడ్డినా నిండి గిండు పరిశుద్ధుల శిభిరమున ప్రియమైన పట్టనమునా ముట్టడి పోటుకే పరలోకము కోరు యిండు నేరుపు దిగి వందూ అసల్ సూటోర్చు. ¹⁰ అసల మోసపరచన అపవాది నేరుపు గంధకముగ యిక్కిరా గుండము కోకు తోసి పుడుచు అటి ఆ క్రూరమృగమున అబద్ద ప్రవక్తయు యిక్కిదూ అయా యుగయుగాలున వారికి పగమారికి బాధింప బుగాదు. ¹¹ మరి ధవల సింహాసనమున అత్తు మేని ఆసీనుడై యిక్కిరా ఉండు పాతే తర్ర ఆకాశములు అత్తు మాటి యిండు ఓడు పోసూ అత్తుకు నిలబూగుర్తుకు చోటు కంగుల్లారాగుండా పోసూ. ¹² మరి (గొప్ప అయా గాని) యిక్కిరాయ గాని యిల్లారాయ గాని చోతోనాయ అడ్డి ఆ సింహాసనము మాటి నిలబూద యిక్కిరుతా పాతే అప్పుడా గ్రంధమున తోరుదు వెచ్చుచూ ఆ గ్రంధముల కోరు రాసునాసుల పుడుసూ అత్తు క్రియల పుడుసూ చోతోనాసులుకు తీర్పు పొందుసూ. ¹³ సముద్రము అత్తు కోరు యిక్కిర చోతోనాసుల అప్పగించించుసూ చావు పాతాళలోకము కోరు అసుకు వశము కోరు ¹⁴ యిక్కిర చోతోనాసుల అప్పగించుచూ అసులుకోరు ప్రతి అము అత్తుట క్రియల పుడుచు తీర్పు పొందుచూ. ¹⁵ చావున మృతుల లోకమున (అగ్ని) నేరుపు గుండము కోకు పోటోస్చూ ఈ నేరుపు గుండము రెండోవ (చావు౦ సారి చోతో గాటము.