²³ "Epaphras", oghu bhatukwete naye bhwa Yesu Kilisito, nabhakeliya, ²⁴ na Maliko, Alisitako, Deema, Luka bhakoli nganje nabho bhabakeye. ²⁵ Ngughuma sya mukama watu Yesu Kilisito sibhe n'omwoyo ghwanu! ¹ Paulo, mukwatuwa wa Yesu Kilisito, na wamaha Timitewa, ewa Filimoni, mukundibhuwa watu na muhelekeleliya mwanakyatu mumulimo, ² ewa mwanina tuwe "Afia", ewa "Alkipa" muhekeleliya mwanakyatu mubhulemo, n'omukanisa eghi eli munumba yawe: ³ ngughuma na bhusinge bhibhe nawe kulugha ewa Luhanga ese tuwe n'ewa mukama Yesu Kilisito! ⁴ Nkwebhaliya Luhanga bhuli kilo, nikugumiya omusala syanje, ⁵ nanga bhangambiye abhwe nikilija eghi oli nayo ewa mukama Yesu n'obhumanji bhuawe abhahikilija bhona. ⁶ Nkukusabha kwetabha kwawe omunikilija yawe ebhe ya majina abhw'omulimo ghwa Kilisito nmunatukengesa kilungi kyona. ⁷ Nkabha, n'okusemelelua kukaniye n'okugumiya kukwamilila n'obhumanji bhuawe, kusalila omuhal'ewe, w'olughanda, mwoyo ghw'abhahikiliye ghukahumulikana. ⁸ Abhweki, nobhundabha ndi n'obhughabhe bhwona mu Kilisito nkukulaghila ekighambo ekibonganuwe, ⁹ abhw'obhumanji nkwesengeleye nakutumiye saala, nganje Paulo, mwengeyi, endindi nga munankomo wa Yesu Kilisito. ¹⁰ Nkwesengeleye mana wanje, oghu na bhiaye ndi omunkomo, Onesimo, ¹¹ oghu akabha atali na mughaso ambeli, noo oghu ali endindi namughaso, abhuawe n'abhuanje. ¹² Nkusindikiy'oghu nkundiye kimui. ¹³ Nabhagha mbaliye nti akale nanje, ankonelaghe ngoku uw'ongubhaye n'onkonela ngoku ninali munkomo abh'enjili. ¹⁴ Nabhweki, tanabaliye kukola kyona ntadubiye kukwebhulioyo, nanga ekilungi kyawe kitabha kyakuhambilija noo kibhe kya kwehayo. ¹⁵ Kidaa akakulughoo omubhwele bhukee, nikuwo omutunge ebhilo n'ebhilo, ¹⁶ etali nga musiyana, noo nga mwengei amusiyana, nga mukundibhua, wanje nenini, nawe kwonini, keda omumubhili, keda omumukama. ¹⁷ Okakubha onkwete nga botu syawe, omutangilile nga nje. ¹⁸ N'akakubha akukoliyo kibii kyona kyona, keda ali n'ebhanja lyawee, obhite amutuwe ghwa nje. ¹⁹ Siye Paulo, nenini nisiye nahandikiye na mukono ghwa nje, nkusasula bhyona ebhi okwete kutonga. ²⁰ Gutuu, wamaha, nguli natungiye oghu mughaso ewawe, onkonyele omu mukama, ompumulikaniye omutima omu kilisito. ²¹ N'akwesigha kitinisa kyawe kilekiye nkuhandikiye, nanga okukola eki nakusabhiye kukola kandi okukola kusaliyo. ²² Nkukusabha ontekelaniye bhulalo, nanga nimaniye abhwe nsala syanu sikuleka bhandekele. Ti bhakakundekela, nkwisa kukulola. ²³ "Epaphras", oghu bhatukwete naye bhwa Yesu kilisto, nabhakeliya, ²⁴ na Maliko, Alistako, Deema, Luka bhakoli nganje nabho bhabakeye. ²⁵ Ngughuma sya mukama watu Yesu kilisto sibhe n'omwoyo.