¹ Elie laando, bato baati naba tulani go nanda ga bana elea, Yeso abae koga bagoli abae ngodea: ² Neekuli ngomi batonde angaani nde ngaa ande elie landa isaalo naandaga bana elea. ³ Naye nee djisi nandaga baali, kaala abo anda silia asuba sii, ngaa moti moti angala abo ba toeli nde dholo. ⁴ bagoli li aba ba n'sisila: benga beekutisa nde boni na mokate angalage mde ani? ⁵ Yeso abae hihia: Bona mokate eenga? aba ba n'sisila subialalo. ⁶ M'pa, abai ae ikisa bobhu adodo, aba beisa mokate nde subielalo, na tambusa aba sulia, aba bua na aba ae bhedisa bagolisi nde baae naibo aba bae buila batoli. ⁷ Na bago na ba sale, Yeso abaesulia na tambusa abae bua. ⁸ Ai baali na ababa kuta ababa kumba etele subielalo inde atumi gbutugbutu a mekate nde aya tigi. ⁹ Bai bato a ntia elufu ini. Tambusa leali Yeso abai ayonga te bagee. ¹⁰ Tambusa lindo aba ba daa a kesae li na bagoli nde baae, aabaga a leengo a Dalmanutha. ¹¹ Ba Falisayo li aba bahobela aba ba wanja yonga la na Yeso, na ba n'kengea aba ba nhinhia ambo ae hangiane bo ema nde atoa na kobha. ¹² Yeso aba loa asuba meemae, aba yonga: Angee masina bato nde bakaba ema nde atoa na kobha? neeno ngodea domi domi, ndagama boona go emaa angboo. ¹³ Yeso aba toa beli, na ab daa go a kesae li naga kubhi. ¹⁴ bagoli li ai ba boseli besa la mokate li, aibe aande ngbulu moti a suba kesae li. ¹⁵ Yeso abae ngodea boogegise kpee a mechee nda djede inda Bafalisayo na inda Helode. ¹⁶ Bagoli abai bae hihia totndo ibo abai ba yonga: Amnd ama ndaga bena mokate. ¹⁷ Yeso abai aubha maako laabo abai aengodea: emaisna yeu aangisa boaka bote ndega bona mokate? Bonde makanga maako? Nandaga boaka? ¹⁸ Bona meema aakpee? bona iso, che ndaga bolenga, bone etue che ndaga booka na ndaga boona maako? ¹⁹ Mbeno nde nei ne buigi mokate ndi taano anga bato elufu tano boi bokumbi etele engaa inde ai atigi? Aba ba n'sisila bate moko na ibale. ²⁰ Na ndambi nde nei ne bui na mokate nde subielalo anga bato elufu ini boi bo kumbi etele eenga inde aya tigi? Baa ba n'sisila ambo subielalo. ²¹ Abaya engodea boubhi mbe meno? ²² Abai aga Betesaida aba ba mbia na n'to nde a degeanigi iso, aba bayonga bate Yeso a mbedee. ²³ Aba mbeisa imbe isoae a degeani ndo aba nga nee a m'pehe anjili, aba gesa soi a isoae, aba gesa njaae angaae, aba mulisa sinda mbeno aoni adha ema. ²⁴ Aba lenga na aba yonga nee lengi bato, che neelengi sinda mee inda ba tamba. ²⁵ Yeso aba bhedea isoae inda mala ibale na imbe isoae a degeanigi nde aba lenga hele, abaya lama, aba ona adha ema li bhulibhu helehele. ²⁶ Yeso aba n'sissqa neendu abo, aba ngodea ongiai nanji. ²⁷ Yeso abai aga, na bagoli nde baae, anji nda Kaizale inda Filipi, na abai ae hihia asubsa ahe: bayonga ambo nende maani? ²⁸ Aba ba n'sisila, Yoani ndiisi; bande bangboo bate Elia, na bande ba ngboo bate moti adha ba ubhilili li. ²⁹ Na benu, boyonga bota nende mani? Petelo aba sisa: Onde Klisito. ³⁰ n Yesu aba kalea kpee ate angodeai indo n'to. ³¹ Aba kengetisa golisa laabo ate atoleli muna batoli anobe kpee, ba mae uma anga banuno li na anga ba kuani li na ba sai li, akue na adjudjue tambusa eli saalo. v 32 Ayae ngodei yonga nde amakanga somea. N a Petelo mbeno nde aoki adhinde abaya yonga te oyongai bo. ³³ Che Yeso, abaya etia na abae lengelela bagoli li, ab nkalea Petelo, ate: Osiane bhaami sitani! Anga ndogo aka maako nda MOKONGA, oande na maako a bato. ³⁴ M'pa mbeno nde aekogi bohio abatopli, na bagoli nde baae, aba engodea: Yeli naya yomgi ate amobaemea, aekome iye ameene, akumbe mosalaba ndaae, m'pa amo baemee. ³⁵ Inka imbe akaba ate alamise ngebe aae ama bungisa, che imbe ama helisa ngebe aae anga eme na yonga MOKONGA ama lamisa ngee ae. ³⁶ M'pa ana budjeme sina n'to nde a toi inda na dodo oni, m'pa aba bungisa ngebe ae? ³⁷ N'to anga hjobisa ema sina anga bhedele ngebe ae? ³⁸ imbe amakua soni ami na soni a yonga ndamo ameeme bateti nde na bato a budjede, muna n'to ama kua soni ae, esaa nde auma bhia nee asuba boumu nda abhaae, na ba menkese nde baabhu.