¹ Ba Falisayo na ba saigi motimoti abai ba tulana na Yeso toa la Yelusalema, ² abaya nenga adha bagoli nde baae na balea nanda ba sosi ndjaga. ³ Che ba Falisayo na ba Yahudi indabaya lea nanda ba sosi ndjagaa bo hele angaa n'kaani ndaabo a kaala, ⁴ Naye ai batoa na n'tanga ai balea nde nabakengeti boososa. Bana n'kani atoo angaya, sinda sosa la nonga, tutu na bholo. ⁵ Ba Falisayo na ba sai abaya ba mulissa Yeso: Angaa emasina bagoli nde bao inda ba baemea n'kani a kalaa, na ba lea nanda ba sosi ndjaga? ⁶ Yeso abai ae ngodea, Isaya ayano ngodei ate bomo bhebha nde na ebhebho anu, che meema abo ande dholo ami. ⁷ Bomo bhebha nde bosa bona n'kani ndaanu inde bo baemea; ⁸ bokomi maano nda MOKONGA, na bo baemei n'kani nda bato. ⁹ Abai aengodea: Bo deteligi maano nda MOKNGA, na bobaemei n'kani ndaanu. ¹⁰ Mosa aba yonga: O n'sikise amao na bhao na imbe ama ndjoma abhae na maae ama kua adjede. ¹¹ Che boyona: Imbe angodea abhaae ao amaae ate: Inde neigo neopa ande ekomi nda MOKONGA, ¹² Ndaga bodolei go ema nde angaa kola abhaae ao amaae, ¹³ boudja ibo yonga nda MOKONGA teisila la n;kani ndaanu, inde bo meisi. Na bokola ema angaya sinda inde. ¹⁴ Abaya ekoga batoli abaengodea:Bomo okanea, ¹⁵ inde aga asuba soo inda mudja n'to, indo amudja ande inde atoa aangae. ¹⁶ Imbe ana etue nde aoka aokanee. ¹⁷ Esa nde angi neendu, dholo a bohio abato, bagoli nde abaiba nhinhia yonga ndo. ¹⁸ Abae ngodea: Bona maako? Inde n'toli alea ndaga mudja angaama elea ndoo aga nde a soo a n'to inda mudja. ¹⁹ Indo ndagaga a meemae, m'pa aga nde a suba soo ama n'to inda lenga na suba soo asosa emali bhuu inde angia weli. ²⁰ Abai ayonga go, inde atoa angaa n'to, yeu amudja. ²¹ Angaa inde aasuba meema abato atoa maako adjede, eteti, bochweka, ola la bato, ²² ekukuba, emaa djede, bokpe, mandie, kangana sikisa. ²³ ema nde aadjede nde bhuu atyoa nde asuba n'to na udja laae. ²⁴ Yeso abayaga a leengo a Tile ( Tyr) na Sidoni. yeso abaya ika aendu moti biambe ae somani, che ndagaya esomani angaa, ²⁵ n'ke moti, imbe miinke maae ai m'pinga, abai aoka mbino a Yeso aba bhia aemaa aegola Yeso. ²⁶ N'ke nde ainde Yunani, abaya mema Yeso bea la n'keti ndo aanga naae. Yeso aba ngodea: ²⁷ Boedoe bani bakute angaa ndaga anja maela la ba mboa elea nda bani. ²⁸ Ibo, MOKAMA, aba n'sisila, abaya ngodea bania mboa balea nde sakelaga la elea nda bani inde ba doisaga, ²⁹ Yeso abaya ngodea: N'keti madjede angaa yonga ndo osiane, n'keti nde madjede atoi anga miinke nde mao. ³⁰ Na, saande asiani ne, neendu aae, aba ndonda niili na le agueka, n;keti nde madjede na toi aangae. ³¹ Yeso abai atoa a leengo a Tile (Tyr) abateisa sidoni saka ngedji inda Galilaya na teisi a leengoa Dekapoli. ³² Abaya ba bhiae na kulukutu, na ndaga ya yonga hele, aba mema ambo agese njagaae angaae. ³³ Abai aga dholo a bohio abato li, aba beisa m'pua njagaae aba sosa etue laae, aba bhedea edaae na soi ae; ³⁴ M'pa, na abaya lenga negoo na aba heuma, aba yonga te: Ephphatha, oukuane. ³⁵ Dia etue laae aba ukuana, edaa laae abae koda, aba yonga hele. ³⁶ Yeso abaengodea ate bongodee n'to; che ibo abaya baengodea bato. ³⁷ Ema nde abayae bangisa batoli, na aba ba yonga gelebete: Akola bhuu a bonja angaama ae lamisi bande ba degeanigi etue na bande inda gai ba yonga.