1
Yeso ai atoa a m'puo na abaga na leeongo abo. Bagoli nde baae aba ba mbaemea.
2
Esa la sabato li abakida, ai agolis a asuba sinago li. Bato bangaya bande ai ba mokanea esa ndo abae bangisa abai bayonga bende: Imbe atusa yonga nde nde wani? Yonga nda nja nde mani waya ngondei, na boni beteko teko nde akoleka bende a ndjagaae?
3
Ndagwe nhii ndo yembe, muna Malia dhaena Yokobo, na Yosefu na Yuda na Simoni? Na baaloae inda bena abo na leengo oni? Iye ainde angaabo ema nde aegusa.
4
Ka m'pa Yeso abaengodea ate: Mubhilili bambona nde na leengoabo antia ba boti ae, na asuba enduabo.
5
Inda ya koli iwa betekoteko atoo, ayi a gesi njagaa anga badjegi beede na abae lamisa.
6
Abai abangisa angaa kangana a lebea laabo. Yeso ai atimbi nji nda m'pehe, na golisa yonga nda MOKONGA.
8
Aba ae labhela ate ate babeisai ema a tamba ndaabo, babeise nde manga, bakumbai n'tanda, bakumbe meno sake nangee falanga a m'pende aanu;
9
Lola la sandasanda na kangana la bhongo ibale.
10
Ta mbusa abai aengodea: Naye ande bongi asuba endu lebe, boike endu ndo mopaka esande botoa nee iwa.
11
Na, naye baiki m'puo lebe bato bande ndaga baono sesi na bakomi oka laanu, botoe a m'puo ndo, na titie eluule li ego laanu, angaa indo abe budhemu angaabo.
12
Ai baga, na aba ba tomia mbino la ngoda la budjede.
13
Bai bae bei ba keti badjede bangaya, na ai ba sii esabu atii anga ba djegi na ai baelamisi.
14
Moame Helode abai aoka mbino a Yeso, inande ai aubhianani na aba yonga: Yoani ndiisi adjudjui toa langa baku, naanga indo, betekoteko akoleka ainaee.
15
Bande bangboo ai bayongi: Elia ambo na bande ba ngboo ai bayongi: Ande muubilili sinda adha baubhilili.
16
M'pa Helode oka la andhaindoaba yonga: And Yoani imbe ai ne n'sengi, iye mbo adjudjui indo.
17
Anga Helode iya meene aya nyangisisi Yoane, na ai nhatilii a boloko, angaa yonga la Helodiasi, n'ka Filipo, dhaae, ama ayi a n'see,
18
Na Yoani ayi a ngodei ate: Ndaga ona loosa a beisa la n'ka dhao.
19
Helodiasi ayi aetani anga Yoani na iye aba kaba kua la Yoani.
20
Inka indaga ya toani, anga helode aya n'tea Yoani na ubha sinde ande n'to la bobhu na domi, ai ananga, na ai amokanea Yoane, ai adja na bangisa naai amokanea na budjeme.
21
Inka esaa imoti esa la feti a boteana la Helode, abai akola feti na ba boo nde baae, ba homia ba sikpakpa, na bakama nde ba Galilaya.
22
Miinke nde ma Helodiasi, abai angia enduli, aba anjoua na indo abai anjemisa Helode na baboboo nde baae moame li aba ngodea mia miinke li ate: Omo meme ema nde oa sei, na nende neopa.
23
Abai atalea au na sela: Emande ondo mema neoha uma, nangee hale eboame ndamo.
24
Aba toa neendu abaga ngodea amae: Ne meme ema sina? N amae aba ayonga: Moa Yoane ndiisi.
25
Miinke li abasiana dia longo amoame li, na aba mema: Nekabi n'te omope mbenombeno nde ani antate a pola moa Yoani ndiisi.
26
Moami li aba etana inka anga sela nde aya seli aba lebea aye inde Miinke li amemi.
27
Abai antea sikpapka nde mae moti dia, ate, abhie na moa Yoani ndiisi.
28
Sikpakpa abaga senga moa Yoani na boloko na aba bhia na moa Yoani a n'tatea pola. Aba moa mia miinke li, na mia miinke nde aba moa amae.
29
bagoli nde ba Yoani ababa oka mbino a kua ndo abai baga ba beisa ngomboae na aba ba mumba a bhota.
30
Batetea li babai ba tulana antia Yesu, ababa n;tomila inde ai bakoli bhuu na inde aibaegolisi batoli.
31
Yeso aba yonga: Bobhie nama esomani ama ngalage, na bo yombie neede. Anga baibe bateisi bangaya naandaga bai ndambi a lea.
v 32 Abai baaga a suba kesae, aaga la na m'pehe na ngalage.
33
Bato bangaya abai baebona abo na abai bae ubha, na bato nde ai batoa anji angaya aba ba bhia na ego gala bondea labo amai baga ndo.
34
Mbeno nde batoi ne asuba kesai li, Yesu abona bohio mati abato, na abai ae kulia elungu ama ai baiki nde sinda bamboli bande nda bana nangi, na abai aengodea yonga angaya.
35
Ama elie li ai akidi, bagoli nde ba Yeso aba ba bhia antiaae na abai ba yonga: Ani ande ngalage, na iso amani aga na ga.
36
Oo sise angaa bagee a nji nji nda m'pehe anga basombe bo elea.
37
Yeso abai ae sisila: Boomoe elea nde balea nibo aba bangodea: ande bega besomba elea a falanga mia ibale?
38
Na abai aengodea: Bonde na mokate eenga? Boge bolenge. Abai ba lenga na aba n'sisila: Itano na ba sale babale.
39
M'pa abe ngodea ate bae ikise bobhu antae aloho bohio bohio.
40
Nabai baika ama mokololo a mia moti na ekumi itaano,
41
aba beisa mokate itaano na ba sale babale, na aba lenga negoo, abaya sima. M'pa aba tenaga mokate li abaemoa bagoli li nga bae buile batoli bobho. Aba bae buaga basale nde babale ndo anga batoli bobhu.
42
Bobhu abai balea na abai ba kuta.
43
Na abai bakumba etele moko na ibale na tumi au bgugbu a mokate na sakela la basale li.
44
Bande ai baali mukate li ainde bato elufu itaano.
45
Na mbeno ndo aba engodea bagoli nde baae ba dae asuba kesae na bateise mosa laae saka angboo, gala la Betesaida,
46
Na ambeno nde aya ekoi ne abaga na mamba gala sima.
47
Andambi egogo, kesaeli na aameeme a ngedji li Yeso na iki kubhi.
48
aba lenga sinda nde bana eloho atambisa, ama moheo li aya esisa mbusa. Bhila sa la mani abai aga kubhi nde banee, na tamba a n'tata ngedji li, na kabate ae teise.
49
Bobhu ai ba moni, na tamba a n'tata ngedji li, abai ba kanisa sindende ande n'keti na abai batobea.
50
Nabai ba mona aye bobhu, maako abo abai audjuana , na mbeno ndo Yeso abe ngodea, ate: Bobe na maha, aande eme, bobai n'ebobo.
51
M'pa aba ga saka nde ba nee aba daa a kesaeli, na moheoli aba sia. Bobhu aba ba hima na aba badja nebobo.
52
indagai balebei etekoteko a mokate li ngaa meemabo ai akpe. Mbusa a djabha la ngedji li ababa kida a ndji, nda la Jenezaleti nabaiba abaiasedeela.
54
Andambi nde aya batoi asuba kesae li, batoli, abai ba mubha, Yeso.
55
Bobhu abai batimba molongo li na abai ba hahola kumba la ba djegili a ntata eka, kubhi li bhu nde ai ba mokisa.
56
A m'puo imoti nde amaya kida na molongo, naanji, amaya ebhisa badjegi li ama ubhiani ai baengodea ba bedhee sese angombe bdaae. Na bande ai badea abai ba lama.