¹ Kida la bhila Yelusalema, nai bakidi bhila Betefaje, na Betania, bhila mamba a Miseituni, Yeso aba etea babale daha bagoli nde baae. ² Abae ngodea: bo gee anji nde a mosa laanu, naye bo kidi, bo ona na ba nhangi, nyia ponda imbe n'to a daimbe angaae bo n'kode na bo mbie ne. ³ N'to naye aano ulisi: Bokoli indo ngaa ema sina? Bo sise: MOKAMA alaeli angaae na andambi ndo ba ndoa ngaa abhie. ⁴ Gala bo bai ba ndondi nyia ponda li na ba nhangi na n'senge bhila mpume, saka na he aba ba hangola. ⁵ Adha bande bai beli aba engodea: Bokola nde ema sina? Bo nkodi nyi ponda ndo nde ngaa ee? ⁶ Abai ba sisa sinde Yeso ayae ngodei nee, na abai bae doa aba baaga. ⁷ Abai ba bha na nyia ponda li anga Yeso, na abai ba tanda ngombe ndaabo angae, na Yesu abae kisia a n'tate. ⁸ bato bati ai ba tandi ngombe ndaabo aahe li, na bande ba too kasa nde ai dhusa na tio. ⁹ Bande ai ba mosa, na bande ai ba m'baemea Yeso, Bai balemba: osana a bhebheane inde a bhii na ina MOKAMA. ¹⁰ A bhebheane eboame nde abhia, eboame nda Daudi abhaasu! Osana a m'puo nda nee goo. ¹¹ Yeso aba ngia Yelusalemu asuba kanisa. Ndambi nde ai alengi mpuo li bhuu amai kala na lihii aba aga, na bande ba moko na babale Betania. ¹² Huma li ta mbusa a toa la Betania Yeso abi akua nja. ¹³ Lenga la dholo abaya ona mee a maya nde ana kasa anja, abaya ga lenga, mbeno aanga ona au maya, kida la bhi abaona maya akasa, ngaa indai elemo egubho. ¹⁴ Abai ayonga, ate: abai le imbe ali angao maya, bagoli abai baoka. ¹⁵ Abai bakida Yelusalema na Yeso abai angia a endu a kanisa li, aba ebea bande ai ba sombisila asubi aba galia botala nde ai basombisila aau, ¹⁶ naindai adu n'to akumbe ema imoti a kanisa li. ¹⁷ Na abae golisa ate: Inda basai auma ba koga enduami endu a ememi a bato li bobhu, m'pa bo tii inda ba kububa. ¹⁸ Balolii nde batiti, na ba saigi li okanea laae abai ba kaba sinde aanga ba nhelisa nee, ngaa bai na ebob laae, ngama batoli bobhu bai ba lebein'kani ndaae. ¹⁹ Egogo li Yeso aba toa a njili. ²⁰ Umauma, na ba teisa, bagoli aba baona mee ndo na omi, na miigia bhuu, ²¹ Petelo aba kanisa, bia nde aiba teisi beeli, na ngodea la Yeso: Labi olenge mee, nde oyo djomi aomi. ²² Yeso aba sabolia yonga, na aba engodea ate: Bobe na lebea anga N'KONGA. ²³ neeno ngodea domi, abe n'to na ngodei mamba nde: Otoe wa na oe mae assuba ngedji nde, abe na anda tekateka a meema, che na lebei ate inde ayongi akida, auma ona a dhau na kolekani. ²⁴ Aangise neono ngodee: bhulibhu inde bolaela au a ememi, boubhe sinde booni na auma boona na kolekani. ²⁵ Na andambi nde bomema na inda bona budjede na n'to oo yongele, anga abhaanu imbe maana kobha ao yongele budjede ndaao, ²⁶ m'pa nanda boyongeli abhaanu imbe ana kobha indaga aano yongala na benu budjede ndaanu. ²⁷ Abai baaaga go Yelusalema, na, ndmbi nde Yeso ai aetambisaga asuba Kanisa, balolii nde batiti na banuno abaiba ba bhia angaae, ²⁸ na ngodea laae boti sina okola nee n'kai ndee? Na n;to sina yeu aopi boti nde? ²⁹ Yeso abae sisila: Auma neeno hihia yonga moti, bomo sisile, nauma neono ngodea boti nde ne kola nee ema nde. ³⁰ Ndiisa la Yoane, aya toa nde na kobha, ao anga bato? ³¹ M'pa abai baulisana a meeme aabo: Naye beyongi bete na kobha, asongdea ate indai bo nebei ngaa ema sina? ³² na abe na besisi: naga bato...ai batea batoli ngama bobhu ai ba mubha Yoane, bia nde ainde n'to ambino nda MOKONGA. ³³ M'pa aba ba n'sisila Yeso: inda beubha. Yeso aba engodea ate inda ne ubha naeme, indauma neeno ngodea ekanda sina ne kola na mobili nde.