Maliko 10
1
Yeso toa lae we abaga a leengo a Yudea dholo na yolodani. bohio li abago atulana bhilaae, na sinda nde aya beeli ne, aba ae golisa.
2
ba Falisayo aba ba mbilia; ngaa ba nkengee; abaya ba nhinhia mbeno a toleli anga moo bea la nkaae.
3
Abae sisila; Mosa aya no ngodei boni?
4
Mosa, aba ba nsisa, aya yongi ate o n;saela n'sao la doana na bea laae.
5
Na Yeso abae ngodea: Ande ngaa bopke la meema anu aangise Mosa aya nopi n'kani ndo.
6
M'pa a kengetisa la telekisa li, MOKONGA aba n'telekisa moo na n'ke;
7
Nangeli ndo moo ama ndoa abaae na maae, nam andae tea n'kaae,
8
na bande babale ama ba dja ngbho moti. Na aindo indaba go babale, m'pa badji nde ngobho moti.
9
Abai n'to nde akatisani inde MOKONGA atulisani.
10
Nadmbi nde ai bakidi neendu, bagoli nde baae aba ba nhinhia go aindo.
11
Abe ngodea: imbe a m'bei nkaae na sea la matoo, a n'koleli n'kaae budjede;
12
na abe n'kee atoi anga munyaae na beisa la moo matoo, akoli budjede.
13
Aba ba bhia angaae na bania mbenje, ngaa ae bhedee m'pa ba goli nde baae aba bae kaleaga.
14
Yeso, ona laando, aba aetana na aba aengodea: bodoe bania mbenje na boo kaisai; nga e boame nda MOKONGA ande nda bande baekengi.
15
Noono ngodea domi, imbe ndauma lebea eboame nda MOKONGA bia mia mbenje, indauma ngia.
16
Aba aebheda a njagaae, na abae sulia na gesi njagaae a moabo.
17
Sinde Yeso ai atamba naa sii, moo moti aba mbilia, naye abae hohia adodo mosa laae; aba nhinhi ate ngolisi manja, anga ne kola nde emasina ngaa neone ngebe a meyo?
18
Yeso aba ngodea: Ngaa emasina omokogi ne manja? Inda awe manja nanda ga MOKONGA iye meene.
19
Oubha mahano li: Indo omo mbeisa n'ka banene, omoe meno n'to; oube meno; indo mo yongela n'to mbea, indo mo n'kjolela n'to adjede; o n'sikise abhao na mao.
20
Aban'sisila: Ngolisi, nei ne sisikisi ema nde toa la bulwana ami. Yeso lenga laae, aba njemela, na aba ngodea: Oboli ema imoti; ogee osombise bhulibhu inde onee oomoe bayene, na omodja na m'pimbo na kobha. M'pa obhie omo baemee.
22
Yonga nde buna la meemae, moo nde abaga na bulie, ngamai ana lua aati.
23
Yeso, lenga la m'pehe aae, abae ngodea bagoli nde baae: Ama kala anga bande bana lua ngia le boame nda MOKONGA!
24
Yonga nde abe bangisa bagoli nde baae, na aba silia, aba yonga: Baani akali anga bande bae sobeli n'tondo ngia l'eboame nda MOKONGA.
25
Aa wede kpee a ngamea tisa lakubhu a nyondo kpee la n'tondi ngia la eboame nda MOKONGA.
26
Bagoli nde baae abago ae bangisa na aba ba ngodeana; m'pa mani yeuma lama?
27
Yeso abae lenga na aba engodea: Anga bato indaga nga toana, che anga MOKONGA. ema li bhulibhu a toana anga MOKONGA. Peteloaba ae ngodea, oone, bedu bhu, na be o baemei.
29
Yeso nie aba ngodea: Neeno ngodea a domi li: Imbe adu, angaa mi, angaa yonga la budjeme, endu aae, ba dhaae, ba aloaae, amaee, abhaee, baanaee, na dodo ndaa bo,
30
ama ne hemba mala mia, elie nde benee nde, endu, badhaae, ba aloaee, ba maee, bani, na dodo na noba, na elie nde abhia mosa, ngebe a meyo.
31
bati bande ba mosamosabama badja ba mbusa, na bangaya bande ba mbusa am,a badja bande ba mosa.
32
Bai ahe na ba daela Yelusalemu, na Yeso aya tamba mossa laabo. Ba goli bai na bangisana, na baba m'baemea naangobo ebobo. Na Yeso abai ae beisa go bagoli nde moko na ibale, na abai a wanja ngodea laabo inde ama a n'kidia:
33
Boone, bega Yelusalema, na muna n'to ama ba "n'toa" anga ba lolii na ba saigi. amauba ba yonga bate ba moe, na ama ba ngesa a njaga ba "pagano",
34
bande bauma n'tebheaga na suila lae soi na toaga laae na kasipili, na ama ba n'doa akue; na tambusa elie isaalo, ama djudjua.
35
Bana Zebedayo, Yakobo na Yoani, baiba bhii anga Yeso, na abai ba ngodea: Ngolisi, oso kolele inde anda beo mema.
36
Aba ae ngodea: bokondi nde te neno kolele emasisna?
37
Oso lebeele, moti aike a njagao makpe na ma too a njagao meedja, naye omo kidi ae bhebho ndao.
Yeso abae ngodea: Ndaga boubha inde bo mema. Anga botoa noa la nonga nde ne noa, na "pata" la "obatiso" (ndiisa) nde ne pata? Aba ba n'sisila sinde nde anga ba toa.
39
Na Yeso aba engodea: Eee, Boma bo noa nonga nde nema noa, na ama bano ndiisa a ndiisa nde ama bamo ndiisa;
40
Inda ika la njaga akpe na njaga edja lami, indo nda toa angami, na indo ama ba moa nde imbe ai meno ba mbisili.
41
bande moko oka la dhindo, bai ba wanji lenga la djede, anga Yakobo na Yoani.
42
Yeso abe koga, na abae ngodea: boubha sinde linde bande bae lenga sinda bahomi a keanda inda na dodo oni bae nobisa, na sinde nde ba homi li bae kolela nee.
43
Indo nda iki bo a meeme anu benu. Che imbe akaba te abe homi a badhae angaanu, abe mokobe nde manu:
44
Na imbe a kaba te adje ma mosa mosa angaa nu, adje moonda nde manu.
45
A ngaa muna n'to aya bhii, ama kenganga te ba b
'bhedele mobili, che bhia la dja la m'bedi-mobili na bha la hahola la ngobho aae abe kalamoa bato bati.
46
Abai ba kida Yeliko. Na, saande Yeso agee, na ba goli nde baae, na bohio a bato bati, muna Timayo, iye Balitimayo, nhemi na mbuuma, ai aiki bhi la aahe li.
47
Abai aoka sindende ande Yeso maa Nazaleti, na aba wanja koga laae: Muna Daudi, Yeso omokulie ngomi!
48
bati aiba silia inde ayonga a dhaisa laae, niye aba (endelea) koga la pkee; Muna Daudi, omo kulie ngomi!
49
Yeso aba ama na yonga la te: Bo n'koge. Abai ba n'koga mbuuma li, na ba ngode: o teai, obe na muhuo a gala leengoae, A okoga.
50
Mbuuma abai amaa koti ndaae, na aba ama gaa dhonda la Yeso.
51
Yeso aba ngodea: okondi te neo kolele ema sina? Mbuuma li aba a n'sisila, Mwalimu, nekondi te neone.
52
Yeso aba ngodea: o gee, lebe ndao "ao lamisi". Abanaba aona, na baemea la Yeso na he.