²⁶ Boo sesee badhasu na boogulie na bobhu. ²⁷ Neeno okoa asuba Mokama li in'te bonsome loba nde a isoa badhasu bobhu. ²⁸ Lokoo nda Mokama nde masu Yeso Klisto abe na benu! ¹ Ainda ndambi, bandasu, inda nde te, beno saeli. ² Angaa boubha benu baamene, elie nda Mokama nde masu ama bhia nde bia n'kukuba kiia. ³ Mbeno nde bato bano ngodea: njenje na lokoo! impa kokisa ama aetuisa, bia koka la leme na inda ama baedhusa au. ⁴ Che benu, bandami, inda ga bonde a elie, angaa elie ndo ano tuise bia n'kukuba; ⁵ bonde bani'a elie na bani'a ebhu. Inda bende bande ba elie na ngee bande b'ebhu. ⁶ Bolai bia batoo, che bedje baadja. ⁷ Anga bande bala kiia na bande bakunda bakunda nde kiia. ⁸ Che besu bande ba ebhu, benje bande banja na be kondane, na be lole ngobho'a booketela ahe nda Mokonga. ⁹ Angaa Mokonga inda aasokogi a bonjoki che a bala na kalamo tiisi la Mokama nde masu Yeso Klisto, ¹⁰ imbe aasokulii, ngaa, nangee be ulilege, nangee be le, bei beiki ankindi naye. ¹¹ Ngaa ndo bo liliane, na hiana, sinde nde bokola nee ndo. ¹² Beeno mema, badhasu, njala na sikisa anga bande ba kola mobili meeme anu, bande bano mela anga Mokonga na bano hana. ¹³ Bobe angabo ne kondi angaa mobili inda bo, boike bosii. ¹⁴ Beeno mema go bandasu, boo kalee bande ba iki asuba bochweka, boo hie bande baloi a meema bo, boo tabele bande nda bana kala, bokole bodja anga bato-li bobhu. Koko bonsisile meno in'to budjede nde aano koleli, che bokole aande bonja esali bhu a meeme anu, na anga bande bana n'senge. ¹⁶ Bobe esali bhu na budjeme, ¹⁷ bomeme Mokonga ama kanga huda. ¹⁸ Bon'sime Mokonga a ema-li bhu, angaa indo ande inde Mokonga a kondi anganu asuba Yeso Klisto. ²⁰ Bobhonai nsao nda baubhilili-li. ²¹ Che bokengee ema li bhu, bobhedele inde aa anja; ²² bodoe ema li bhu ind'adjede. ²³ Mokonga Abha lokoo ano bhumise ngimanu, na ngimananu, meemanu, na ngobho'anu, a ike ama kanga benyenye, esala bhia la Mokama nde masu Yeso Klisto! ²⁴ Imbe ai aanokogi ndagwe ae tiaga, iye ama kola. ²⁵ Badhasu, bomeme mokonga angaasu. ²⁶ booo sesee badhasu na boogulie na bobhu. ²⁷ Neeno okoa asuba mokama li in'te bonsome loba nde a isoa badhasu bobhu. ²⁸ lokoo nda Mokama nde masu yeso klisto abe na benu.