1
Paulo, na Silano, na Timoteo, a Kanisa nda Batesalonika, inde asub Mokonga a Bhasu na anga Yeso Klisto Mokama: lokoo na bholele abe na benu!
2
Bensima Mokonga esali bhuu anga benu bobhu, na beeno kumia asubha ememi ndasu,
3
bekanisa mobili a lebea ndanu makanga doa, mobili'a ekondi nde bonee, na bondea nde bonee asuba Mokama masu Yeso Klisto, mosala a Bhasu Mokonga.
5
Mbino adja ndasu ndangainde a nyo bosa, che na kala a Meema abhu, na maha ati kpee; angaa boubha sinde nde beibeehangiani anganu, angaa anu.
6
Na benu bamene, boi bagoli bamo na bande ba Mokama, na lebeala yonga ndadja asuba monobo ati, na budjeme nda Meema nda Bhu,
7
sinda nde bonde bande batoli bobhu baelegelela asuba Makedonia na Akaya.
8
Anganu, yonga nda Mokama atoi siande bonee Makedonia na Akaya, na lebeala nu asuba Mokonga aubhianani a mpuo li bhuu, na ngeeli ndo inda benago sei a abholelali.
9
Ngaa, ba yonga anggaasu, mohuo nde bei nee ati anganu, na sinde nde boibolebei Mokonga, na doala baketi li ngaa kolela la Mokonga imbe abeli na a domi,
10
na bondea la Nae, imbe aya adjudjuisi toa la nga baku, Yeso, imbe aaso dhusu a bodjoki nde abhia.