¹ ಗಾಯನ ಬುಜು ದೆಮೆತ್ರಿಯನ ಕೊಚ್ಚಿಲೆವನು , ದಿಯೋತ್ರೆಮನ ಕಂಡಿಸವನು ಪಿಟಿಕ. ² ಸಬೇನ ಮೊತನ ಮೇ ಖ್ಹಚಸ್ಕರಿ ಪ್ರಿಥಿಕರಸ್ಥೆ ಪ್ರಿಯ ಗಿದ್ಬೋಳವನ ಲಿಕ್ಕಿಯೋಥೆ ಶಥ್ಕತ್ಹೋ - ಪ್ರಿಯ , ತು ಆತ್ಮ ವಿಷಯಮ ಅಬಿಹೃದಿ ಪೊಂದಿಯೋಥೆ ಪ್ರಕರಂ ಖ್ಹರಿ ವಿಷಯಮ ಅಬಿಹೃದಿ ಹೊಂದಿ ಸುಕ್ಷೆಮಖ್ಹು ಶೋಬಮ್ಖ್ಹು ರಾನುಕರಿನ್ ಮೇ ಪ್ರಥನೆಕರುಸ್. ³ ಸಹೋದ್ರಖ್ಹರು ಮರಕನ ಅಇನ್ ಥರಮಚ್ಚಥೆ ಖ್ಹಚಿ ವುಜು ತು ಖ್ಹಚಣವಲೋಕರಿನ್ ಜಿವಿಸ್ಕರಿನ್ ಬೋಲಿಯೋಥೆ ಖ್ಹಂಜಿಯೋ ಮೇ ಗಣು ಖ್ಹುಸಿಪಡಿಯೋ. ⁴ ಮರ ಲಡಕ ಖ್ಹಚಭಾನಿಪರಿನ್ ಜಿವವಲೋ ಹುಇರುಸ್ಕರಿನ್ ಖ್ಹಂಜನೆಥಿಬಿ ಗಣು ಖ್ಹುಸಿ ಮನ ಕೊಇನಿ . ಗಾಯನ ಸ್ಲಗನೆ ⁵ ಪ್ರಿಯ , ತು ಸಹೋದರನ ಇನೆಖ್ಹುಬಿ ಗನೋಥಿ ಮರಿಯದಿ ಕರನು ಕರಮ ನಂಬ್ಕಂತಿ ಚ್ಚಲಿಲಿಶ್. ⁶ ಇವನೇ ಸಬೇನ ಖ್ಹಮೆ ತು ವಥಲೋಥೆ ಪ್ರೀತಿನಿಗೋನಿ ಸಕ್ಷ್ಹಂ ಬೋಲಿಯು ಇವನೇ ತುಮುನ ಚ್ಚಲನು ವುಜು ಅಗಡಿ ಚಲವುನುಕರಿನ್ ದೆವುನು ಮೆಚ್ಚಖ್ಹರ್ಖ್ಹು ತು ಬರೋಬಾರ್ ಹುನು. ⁷ ಶೇಕತ್ಹೋ ಇವನೇ ಕ್ರಿಸ್ತುನ ನಮ್ಖ್ಹು ನಿಮಿಥಂ ಝ್ಹೈನ್ ಚ್ಚಲಿಗು. ಅನ್ಯಾದ್ಮಿಖ್ಹು ಶದ್ಬಿ ಲೆವಳಕಯೇ. ⁸ ಅಮ್ ಹಮೆ ಸತ್ಯಂನ ಸಹಾಯಕರವಳ ಹುನುಕರಿನ್ ಯೆಲ್ಕತ್ನವುನ ಮಲೈಲೆವನು ಇಮ್ಹುಇರಸ್. ದಿಯೋತ್ರೆಪನ ಕಂಡಿಸವನು ದೆಮೆತ್ರಿಯ ಸೋಚ್ಚನು ⁹ ಸಬೇನ ಹಮೆ ತೋಡು ವಥೆಖ್ಹರು ಲಿಖ್ಹುಕರಿಯೇಸ್; ಅಮ್ಕತ್ಹೋ ಸಬೇವಳನ ಪ್ರಮುಕ ಹುನುಕರಿನ್ ದಿಯೋತ್ರೆಮನ ಹಮುನ ವಥೆನ ಖ್ಹಮ್ಜುಕರಕೊಇನಿ. ¹⁰ ಅಮ್ ಮೇ ಅಯೋತ್ಹೋ ಯೋ ಕರ್ಶೆಥೆ ಕಾಮ್ನ ಥರ ಇನ ಖ್ಹಯಲ್ಕರಿಲಿಶ್. ಹರಟೆ ಹರಥೆಕರವಲೋಕರಿನ್ ಹಮಾರಿ ವಿಷಯಮ ಖ್ಹರಬ್ ವಥೆಬೋಲಾಸ್. ಅ ಕಯೇಥೆ ಯೋ ಭೈಯೇನ ಮಲೈಲೆವಲೋ ಕಾಯೇ ವುಜು ಮಲೈಲೆವವಲನ ಅದ್ದಿಕರಿನ್ ಇವನ ಸಬೇಮತು ದಖ್ಹೆಲಿದಿಯೇಸ್ ಅಂತಿ ಹಂಖೆಸ್ ಸಬೇನ ಲಿಕ್ಕಿಯ ¹¹ ಲದ್ವಲ , ತು ಖಾರಬ್ಕಂನ ಚಲ್ನ ಮೆಹ್ಲೇನ್ ಅಚ್ಚಿ ಚ್ಚಲನ ; ಚ್ಚಲೋ ಕರವಲೋ ದೆವುನ ಸಮ್ಬಂದ ಪದವಳು ಹುಇರುಸ್, ಖ್ಹರಬ್ನ ಕರವಲೋ ದೆವುನ ದೆಖವಲೋ ಕಾಯೇ . ¹² ದೆಮೆತ್ರಿಯನು ಖ್ಹರವುಥಿ, ಖಯೇಥೆ ಸತ್ಯಮ್ತಿ ಶಕ್ಷಂ ಹೊಂದಿರಿಯುಸ್. ಯೆತ್ರೆಸ್ ಕಯೇಥೆ ಇನೆಥಿ ಸಕ್ಸಿದಿಯೇಸ್; ಹಮಾರಿ ಸಕ್ಸಿ ಸತ್ಯಮ್ಕರಿನ್ ತುನಾ ಮಲಮ್ಹುಯು. ಖ್ಹಲಂ ¹³ ಮೇ ತುಮನ ಲಿಕ್ಕನುಶಥ್ಕತ್ಹೋ ಗಣಿ ವಿಷಯಂ . ಕತ್ಹೋ ಮಸಿ ಲೆಕಂನ ಲಿನ್ ಲಿಕ್ಕನ ಮನ ಇಸ್ತಂ ಕೊಇನಿ. ¹⁴ ಮೇ ಇಗ್ಗಿಸ್ ಅಇನ್ ತುನ ದೆಖಿಶ್ ಕರಿನ್ ಅಕ್ಹ್ಹ್ಪದುಸ್ . ಥಧೆ ಹಮೆ ಮೊಡಮೊಡುತಿ ವಥೆಬೋಲಿಯೇ. ¹⁵ ತುನಾ ಶಾಂತಿ ರವಧ. ಪ್ರೆಂಡ್ ಖ್ಹರು ತುನ ಖ್ಹಲಂ ಬೋಲಾಸ್.ಇಜ್ಗಚ್ಚಥೆ ಪ್ರಥಿಯೇಕ್ ಆದ್ಮಿ ಪ್ರೆನ್ದ್ಖ್ಹರವುನ ನಮ್ನ ಖ್ಹಲಂ