¹ ಸಬೇವಲ ಸೇವಕಾರ್ ದೇವ್ ಚೂಣಿರಕೋತೆ ಅಮ್ಮೋನಿವಳು ಇವ್ನ ಲಡ್ಕವ್ನ ಲಿಕ್ಕುಕರುತೆ ಶಾತ್ಕಥೋ- ² ಆಪ್ಣಾಮ ಘಾಟ್ ಚ್ಛತೆ ಬುಜು ಸತಕಲಮ್ ಆಪ್ಣಾಮಚ್ಚತೆ ಖಾಚ್ಚಿ ನಮ್ಮಕಮ್ ಮೇ ತುಂಮ್ನ ಖಾಚ್ಚಸ್ಕರಿ ಪ್ರೀತಿಕರುಕರುಸ್. ³ ಮೇ ಖಎಥಿಮ್ ಖಾಚ್ಚಿನ ಪ್ರೀತಿಕರವಳು ಥುಮ್ನ ಬಿ ಪ್ರೀತಿಕರಿಸೆ ಬಾ ಚ್ಛತೆ ದೇವ್ಕಂತುಬಿ, ದೇವ್ನು ಚ್ಚಿಯೋ ಹುಯ್ರೋತೆ ಯೇಸು ಕ್ರಿಸ್ತಾಕಂತುಬಿ ಕೃಪೆ,ಕರುಣೆ,ಶಾಂತಿ ಸತ್ಯಮನಿತು ಪ್ರೀತಿಮನಿತು ಆಪ್ನ ಅಖ್ಖವ್ಪರ್ ರವಾದ. ⁴ ಬಕಂತು ಆಪ್ನೆ ಪೊಂಧೀರಕೆತೆ ಅಜ್ಞಾನುಸಾರಾಂ ಇಜ್ಗೋಣಿ ಲಡ್ಕಪರ್ ತೋಡು ಆದ್ಮಿ ಸತ್ಯಂಪರ್ ಚಲವಳು ದೇಖಿನ್ ಮೇ ಗನು ಸಂತೋಷಮ್ಪಡಿಯೋ. ⁵ ನ್ಯಾಯಕತ್ವಮ್ನ ಪಡಿರಕುತೆ ಅಮ್ಮನವರೆ,ಮೇ ನಾವು ಆಗ್ನೇನ ಥುಮ್ನ ಲೀಕ್ಖಿನ್ ಅಗಡಿತುಬಿ ಹಮ್ನ ಚ್ಛತೆ ಆಗ್ನೇನ ಥುನ ಲಿಕ್ಕವಲೋ ಹುಯಿನ್- ಆಪ್ನೆ ಏಕ್ಥೆಯೆಕ್ ಪ್ರೀತಿಕರವಳ ಹುಯಿರಯ್ಹೆ. ⁶ ದೇವ್ನಿ ಆಗ್ನೇನ ಕಂಜಿನ್ ಘಾಟ್ ಖು ಚಲುತೊಸ್ ಪ್ರೀತಿಹುಯಿರುಸ್. ಪ್ರೀತಿಮ ಚಲ್ಯಥೋಬಿ ಥುಮೆ ಅಗಡಿತುಬಿ ಖಂಜುತೆ ಆಗ್ನೇಹುಯಿರುಸ್. ⁷ ಶೇಖತೊ ಏಸುಕ್ರಿಸ್ತು ಆದ್ಮಿಹುಯಿನ್ ಅಯೋ ಕರಿಬೊಲಿನ್ ನಂನುಣತಿಮ್ ಕೇತ್ರುಕಿ ಮೊಸಂಕರವಳು ದೇಸ್ಮಖರು ಐರುಸ್. ಯೇಸುನ ನಮ್ಮಿ ಕೋಯಿಂಥೀಮ್ ಮೊಸಂಕರವಳು,ಅಂಕನುಸ್ ಕ್ರಿಸ್ತವಿರೋದಿ ಹುಯಿರುಸ್. ⁸ ಆಪ್ನೆ ಪ್ರಯಸಪಡಿನ್ ಕರಥೇಖರು ಥುಮೆ ಗಮವನುನತಿಮ್ ಆಕ್ಖಿ ಪ್ರತಿಪಾಲಂಮ್ನ ಪೊಂಧಿಲಿನ್ ಜಾಗೃತ್ಖು ರಾಹೋ. ⁹ ಕ್ರಿಸ್ತುನಿ ಉಪದೇಶಮ್ಮ ನರನುಥೀಮ್ ಇನ ಮೀರಿನ್ ಜಾವವಳು ದೇವ್ಮ ಖಾಯಲ್ ಕೊರಖನಿ.ಯೋ ಉಪದೇಶಮ್ಮ ನಮ್ ಖಂಕು ರಹವಲನ ಭನಿ ಬುಜು ಚ್ಚಿಯಾನಿ ಪ್ರೀತಿ ಪ್ರೇಮ ರಾಸೆ. ¹⁰ ಆ ಉಪದೇಶಂಮ್ನ ಮಿರವಳು ಕೋಣ್ಬಿ ರಾಹೋ ತುಮರಿ ಜೋಡ್ಮ ಆಯಿತೋ ಇವ್ನ ಗೇರ್ಮ್ಮ ನಕೋ ಸೇರ್ವಸ್ಸು . ಇನ ಆಚ್ಚಿ ಕಾರ್ಯಾಮ್ ಹುವಧ ಕರಿಬಿ ನಕೋಬೋಳಿಸು. ¹¹ ಶೇಖತೊ ಇನ ಅಚ್ಚುಹುವಧ ಕರಿ ಬೋಳಿ ಖಾರೈಥೋ ಇನಿ ಖರಪ್ ಸ್ವಭಾವಮ್ಮ ಯೋಬಿ ಪಡ್ಸೆ ¹² ಥುಮ್ನ ಲಿಕ್ಖನಬಿ ಮನ ಕೇತ್ರಿ ವಿಷಯಮ್ ರಾಯ್ತೊಬಿ ಯಿನ ಖರು ಮಸೀಕು ಕಗತ್ ಪರ್ ಲೀಕ್ಖಿನ್ ಮಲಾಮ್ ಕರವನ ಮನ ಇಷ್ಟಮ್ ಕೊಯಿನಿ. ಆಜೂ ಮೇ ತುಮರಿ ಜೋಡ್ಮ ಆಯಿನ್ ತುಮರಿ ಜೋಡ್ಮ ಆಮೆ ಖಾಮೇ ವತ್ಬೋಳಿಷ್ಕರಿ ಆಶಪಡುಕರುಸ್. ತದೇ ತುಮರಿ ಸಂತೋಷಮ್ ಭಾರವುಸ್ಸೆ. ¹³ ದೇವ್ನ ಚೂಣಿರ್ಯಾಕೊತೆ ತರಿ ಸಹೋಧರಿನ ಲಡ್ಕಬಿ ಥುನ ಗವ್ರವಮ್ ಕರ್ಸೇ.