1
यही से यीशु मा विश्वाश करए वालेन की गिनती बढ़य लाग ,तब यूनानी भाषा बोलय वाले इब्रानी भाषा बोलय वाले पर गुस्साये लागे ,कि वोनकी विधवा का रोज के भोजन कए चीज नाही मिलत हैं |
2
फिर वोनक्य बुराई सुनके बारहव चेला यरूशलेम के सब विश्वासी कए पंचायत बुलाइन और वोनसे कहिन , 'अगर हम खाना बाटय के ताई मनई का परमेश्वर कए वचन सुनावे और सिखावय कए काम छोड़ देई तव हमरी ताए न होय |
3
फिर सब विश्वासी अपने मह से सात मनई का होसियारी से निकार लेव जवन मनई तोहरे देखय मा परमेश्वर के आत्मा के चलाये चलत होये और बुद्धिमान होए
4
हम उन्हें ई काम करए के आज्ञा देबय | हम अपने जीवन का प्राथना और प्रचार और यीशु के सनेस और ज्ञान दियय मा लगाऊ |
5
प्रेरितन कए सलाह सबका बढिया लाग यही से वै सब एस्तफनुस का पसन्द कर लिहिन वू एक एस मनई रहा जवन परमेश्वर पर कठोर विश्वास करत रहा ऑउर पूरा पवित्र आत्मा के अधीन रहा वह सब फिलुप्पुस प्रखुरुस. निकानोर .तीमोन परमिनास और नीकुलाउस का भी पसंद कर लिहिन नीकुलाउस अन्ताकिया कए रह्य वाला रहा वू यीशु मा विश्वास करए से पहले यहूदी धर्म का अपनाये चुका रहा |
6
वी सात मनई का चुनि कए विश्वासी प्रेरितन के लगे लाईन प्रेरित सब मनई के ताए प्राथना किहिन और वोनके मूडे पै हाथ धरि कए काम दिया करे i
7
यहि प्रकार से प्रेरितन ढेर मनई का परमेश्वर कए सनेस सुनाईन |यरूशलेम मा यीशु पै विश्वास करय वालन कए गिनती बहुत ज्यादा हुवत रही यहिमा यहूदियन कए पुरोहित रहें जवन यीशु पै विश्वास करए कि ताई सनेस का ग्रहण करत रहें |."]
8-9
एस्तफनुस का मनई मा बड़ा काम करय के ताई परमेश्वर ताकत देत रहा चमत्कार से सही होत रहा कि |यीशु के बारे मा दिया गवा सनेश सही रहा | लकिन कुछ एस मनई रहे जवन एस्तफनुस कए विरोध किहिन| येय विरोधी लोग एस यहूदी अराधनालय कए मनई रहें जवन मुक्त किये गये गुलाम कए अराधनालय कहा जात है और ई भीड़ मा कुरेने ,सिकंदरिया औउर किलकिया और एशिया के य्हुदिव रहें वह लोग एस्तफनुस से झगड़ा करत रहे
10
लेकिन उ वोह्की बात का झूठ नाही ठहराय पाइन काहे कि परमेश्वर की आत्मा वका आवाज दई दिहिन i फिर वै कुछ मनईन का उकसाईन कि झूठे दोस लगाव
11
|वे झूठे गवाह कहिन कि ई मनई का मूसा और परमेश्वर के बारे मा झूठ बात कहत सुनन है |
12
वे सब एस्तफनुस के खिलाफ यहूदियन मा, नेता और व्यवस्था कए शिक्षक मा गुस्सा लगुआईन | बे सक एस्तफनुस का पकरि कए यहूदी पंचायत मा खड़ा किहिन| और वोकरे ताई गवाह लाईन , "
13
झूठे गवाह का बयान रहा इ मनई पवित्र मन्दिर और परमेश्वर द्वारा मूसा का दी गई व्यवस्था कए निंदा करत है |
14
हमरे कहय कए मतलब है हम इसे सुनेन है कि नासरत कए यीशु इ मन्दिर का खत्म कई दे है और मूसा द्वारा हमरे पुरिखन का दिखाई परम्परा से अलगे परम्परा सिखऊबे "|
15
परिषद मा मोजूद सब ही घुरिन तब देखिन कि वकय मुह एक स्वर्गदूत कि नाही बाय |