इफिसियों 1
1
पौलुस कै ढोबौ शै जु पोरमेश्वर की इच्छा (मोरजी) लैई यीशु मसीह का प्रेरित ओसो, तिनु पवित्र ओरो मसीह यीशु में विश्वासी लोगो खै नांव जु इफिसुस में ओसो।
2
आमारै पिता पोरमेश्वर ओरो प्रभु यीशु मसीह खै ढोबौ शौ तुंओ अनुग्रह ओरो शान्ति मिलौ।
3
आमारै प्रभु यीशु मसीह के पोरमेश्वर ओरो पिता का धोन्यवाद हौ कि तैणै आमु मसीह में स्वगीय ठावं दै सभी भात की आत्मिक आशीष दी ऐ।
4
जैशै तेणै आमू जगत की उत्पति दौ ओगोडियों तिथदा चुणैं दिया कि आमूऐ तेसके नेडिक प्यारो में पवित्र ओरो निद्रोष हौ।
5
ओरो आपणै इच्छा (मोरजी) कै भोलै अभिप्राय खै अनुसार आमु आपणै कारिये ओगोडियो सै ठेराऐ की यीशु मसीह कै दारा आमु तैसकै लेपालक पुत्र होंव।
6
की तैसकै तैसै अनुग्रह की महिमा खै स्तुति हौ, जेसै तैणै आमू तैसै प्यार मै सेंत- मेंत दैया ।
7
हामु खै तैसमै तैसकै खुन खै दारा छुटकारा, ओरो अपराधो कै माफी, तैसकै तैसै अनुग्रह कै धोन खै अनुसार मिलै रोऐ।
8
जैसी तैणै सारै ज्ञानौ ओरो सोमझ सोहित हामु पांदी बोहितै खै कोरौ।
9
जितु तैणै आपणै इच्छा(मोरजी) का भेद तैसै भोलै अभिप्राय खै अनुसार हामु बोतोउवा, जैसि तैणै आपि मै ठान लियु थीऊ ।
10
की समयो खै पुरा होणौ का ऐशणा प्रोबोन्ध हौ की जु किछै स्वर्ग मै ओसो ओरो जु किछै धोरतै पांदी ओसो, सोबै किछै सै मसीह मै कौठौ कोरो।
11
तिथि पांदी जिथपांदी आमुऐ भै तिथ कै मनसा लैई जू आपणै इच्छा (मोरजी) लैई मतौ कै अनुसार सोभै किछै कोरो,आगैदौऊडु ठहराऔ जाया कै मीरास बोणौ।
12
कि आमु, जिनुऐ आगैदोऊडि मसीह पांदी आशा राखै थै, तैसके महिमा कै स्तुति कै कारण हौ।
13
ओरौ तेनै तुंऔ पांदी, जोबै तुंऐ सत्य का बोचण शुणा जु तुंआरै उध्दार का सुसमाचार ओसो।ओरो जिथ पांदी तुंऐ विश्वास कोरा,प्रतिज्ञा कोरैयो खै पवित्र आत्मा खै छाप लागौ।
14
सै तिथकै मोल लैयो खै छुटकारै खै लिऐ आमारै मीरास का बयाना ओसो,कि तेसकै महोमा की स्तुति हौ।
15
सै तिथकै मोल लैयो खै छुटकारै खै लिऐ आमारै मीरास का बयाना ओसो,कि तेसकै महोमा की स्तुति हौ।
16
तुंआरै लियै धोन्यवाद कोरणा न छुडु, ओरो आपणै प्रार्थनाओं मुखै तुंऔ याद कोरैया कौरू।
17
कि आमुऐ प्रभु यीशु मसीह का पोरमेश्वर जू महोमा का पिता ओसो,तु आपणै पहचाण में ज्ञान ओरो प्रकाश कै आत्मा दैओ।
18
ओरो तुंआरै मनौ खै आँखै पियाशैयाली हौ कि तुंऐ जाणै लौ कि तैसके बुलाणौ खै आशा का ओसो, ओरो पवित्र लोगों तेसकै मीरास की महिमा का धण केशणा हौला।
19
ओरो तेसकै सामथ्य्र आमु पांदी जु विश्वास कोरौ,किशै महान ओसो, तेसकै शाक्ति खै प्रभाव के तिथु कार्य के अनुसार।
20
जु तेनै मसीह में कियु कि तैसे मोरयोदै मुजी जिलायौ स्वर्गो ठांव पांदी आपणै सौऐ ढौबो।
21
सोबै प्रकार की प्रधानता, ओरो अधिकार, ओरो सामथौ, ओरो प्रभुता कै, ओरो हौर एक नाव कै ऊबै, जु न केवल इथु लोक पांदी आणैवालै लोक पांदी बै लैयो जांदा,
22
ओरो सोबै कुछै तेसकै पाँवों तोडी कौरै दिऊ, ओरो तेसै सोबै चिजौ पांदी शिरोमणि ठहराऊवा कलीसिया खै दैऐ दिया।
23
ऐजै तेसकै दैह ओसो, ओरो तेसकै परिपूर्णता ओसो जु सोबो पांदी सोबै किछै पूरू कोरौ।