¹ पौलूस कोणते जो परमेश्वर गा दास येथा यीशु गा हाकोकेमिठाच होय, परमेश्वर गा कालाम्के कुरकु गा विश्वास, येथा पूजा गा रोन्गो होय | ² दि अनन्त जीवन गा असा लीन्जेन, जेगा वादा परमेश्वर नी जो लाबळ मांडी बाने जा सनातन टे का होय | ³ पेनो साही टेमो लीन्जेन वचन के ईद प्राचार गा गेल्ला ओठ्बा होय, जो आलेगा उध्दारकर्ता परमेश्वर गा हुकुम गा रोन्गो इंज्के जिले? ⁴ तीतूस गा जीमू जो विश्वास गेन बेल्लाके गा बिचार ते इंजा साच्चो कोण होय, परमेश्वर बाटे येथा आलेगा उध्दारकार्ता मसिह यीशु टे अनुग्रह येथा शान्ति डायू होणा ? ⁵ इंज इनिघांजी आमके क्रेते गेन आराकेमी डा, कि आम साही बातो गा सुधरातिन्जेवा, येथा इंजा हुकुम गा रोन्गो नगर नगर जुनाजामाना कुगा अच्छाटे डाए ? ⁶ जो बिनाआनोवा येथा म्याका जापाय गा सानाटे होय, जेगा पोट्टामिठाच विश्वासी होय, येथा जेन लुच्चापाना येथा अनोवामिठाच गा दोषी बाकी | ⁷ चोयाकी अध्याक्ष के परमेश्वर गा भंडारी डाऊ गा कारण निर्दोष का होणा; न आएघेल्या, न गुस्सा न दारूकुत्त्य, कुकाठामिठाच, येथा न लुच्चा कामाय गा लालीचो | ⁸ पेनो पाओना दडामिठाच, भलाई गा आरी आरी खुद, न्यायी पवित्र येथा जिद्डो होणा ? ⁹ येथा विश्वास लायको वचन लीन्जेन जो धर्मबातो गा रोन्गो होय, म्याजागान थंडळके, कि सही शिक्षा टे प्रचार होणा, येथा खिजोमिन्कुगा चाभू बांदो कि मेना || ¹⁰ चोयाकी घोनेच का कुरकु बेदिमाग बकवादि येथा धोखा जिऊमिठाच होय; कासकारके खातनामिन्कुते थंडळवा | ¹¹ इनिज्गा चाबू बंदो दोडो होना, इनी कुरकु हारामी कामाय गा घांजी धोका बातो इठुते उरा गा उरा बिगळा तिन्जेवा होय | ¹² दिकू तालाते म्याकोरो जो दिकुका भविष्यवाणी होय, मादिके होय, कि क्रेते कुरकु हामेशा लाबाळ लोठ्ळया, हारामी बुरी येथा आळसा पेटू मेना होय, ¹³ येटेन गवाही सच्चो होय, इनिघांजी दिकुके काळाक्को टे धमकी जेकि, कि दिकू विश्वास गेन पाक्कायू जा | ¹⁴ येथा दिकू याहुदिया गा कथा काहाणी येथा दि कुरकु गा हुकुम गा लीन्जेन मन बाकी येण्डा, जो सत्य टे भटका तिन्जूवा होय,|| ¹⁵ साफा कुरकु गा घांजी सेबाई सामोन साफा होय, पेनो काराबो येथा आविश्वासी गा घांजी चोच्का भी साफा बने: यानेकी दिकुगा दिमाग बाएरा खाराबो होय | ¹⁶ दिकू मंदीवा होय, कि आले परमेश्वर के हाडाई होय: पेनो आपणा कामाय टे दियागा इन्कार दडावा होय, चोयाकी दिकू खिजौवा येथा हुकुम बाण आजोम मिंकू होय: येथा तुनिका आच्छा कामाय गा लायको बाणे ||