¹ Sedɔƒãyihɔ,a ŋɔntɔn powi tuwimã po muni sanedɛrɛ kutɔn duglewɔ.Po Yezu tɛ nba ni nkayi Pilati kã tehɛn. ² Pilati Yezu piyã: Ɔni juwiƒunã ŋɔntɛhɛn? Yezu a chiya:A na ju nbuwɔ. ³ A ku ŋɔntɔn napɛ ti lele sa teŋɔn. ⁴ Pilati tã teviŋ ni a piyã:A ke pɛ terr duk ju bó? A ke pɛ nwɛ vlɛna lele pɛ nsa a ŋɔn bó. ⁵ Ni Yezu ketã terr duk ju,ketiya Pilati fœ a pu ⁶ Fɛti nɛ nkele na ke nã,Pilatí nɔn ju ni po piyã poni po diye nãyi vlake nɔnle nɔnɛ pɛ jatunãhɛ á tewɔntɛ jayemã. ⁷ Nãyi ye jatuna napɛ te ŋiŋk napɛ kɛnBarabas a muni tehɔntɔn nɛ na a jamã po nãyi ku mak le. ⁸ Nɔnlele napɛ po wãk ni npɛ piyanã payi terr nɛ wo dɔni npɛ payi po le. ⁹ Pilati po chiya: I pɛ kelɛ muni juwiƒunã ŋɔntɛn ŋamã ilɛ? ¹⁰ A na pãyi kɛ ke wo nã Yezu tɛnwutɔn diye kebɔnhɔn po a tɛn npo nkã. ¹¹ Nimɛ a nɔn ŋɔtɔn napɛ po chiya poni ju kɛn Pilati ni Barabas jayemã Yezu tɔle. ¹² Pilati teviŋ vlɛ tœ ni po chiya:I pɛ kelɛ muni juwiƒunã ŋɔntɛn payi dugwò? ¹³ Nɔn pɛ nŋã mɛhɛ kɛ:Iya a tɛn ni a sayi. ¹⁴ Pilati po chiya:Á tilɛwo payi?Nɔn tã npɛ iŋã kɛ :Iya tɛn nsayi. ¹⁵ Pilati po viãŋ vlɛ na ni Barabas ja yema,ni polɛ Yezu tetɛn mãyi ntina,po a tɛn nkã. sayi tiya. ¹⁶ Sektɔn Yezu tɛn nkayi búle ke puduya,ni po nɔnduglewɔ juwa. ¹⁷ Po sedeyi ƒlé mã tele,ni ipuwɔ puƒliŋ tikna wuyi te ŋɔnle. ¹⁸ Po tī ni npɛ nvlɛ telɛ kɛ:Napɛ npiyek juwiƒunã ŋɔtɛn! ¹⁹ Ni po pɛ a mãyi sedarhɛ te ŋɔnle,ni npɛ po susunã mã teŋɔn,ni popɛ po sɔmã ni npɛ nvlɛ telɛ. ²⁰ Puwo tī te viãŋhɔnanã le,po a ƒomu dɛh tele,ni te ƒle mã tele,ni a tɛn nchiŋ te sayi ntiya. ²¹ Alɛsãdere muni Ruƒus Súh Simɔn nɛpɛn njek Sirɛni na jek te suwãle ni npo lã pohɛn,po ŋa a kãyimã a Yezu sasayi nsayi tuwa, ²² ni po Yezu tɛn nkayi tiya ye,ke tiyanɛ ŋek pɛ kɛn Golgota,ke kuwɔrr wo kɛn ŋɔnwá tiya. ²³ Po mirr fɔk vɛn le ni a kã kɛn ani wó,nimɛ Yezu ke ƒãyichi se wò. ²⁴ Po Yezu tɛn niba sayi ,ni po tī ni nlo mã nini te flenã diyert. ²⁵ Po na kayi a tɛn nbà ŋɔmi. ²⁶ Po na te kuku ŋɔn nwarr nsa kɛ:Juwiƒunã ŋɔtɛn. ²⁷ po tilɛpayiwutɔn nɔni tɛn ni po sayi tó Yezu tayi duk,ni nãyinuk sa Yezu mɛnɛhɔn ni te niwú sa te mɛŋɔk hɔn. ²⁸ Ketiya,tinɛ na jú Tepa vlɛle kebɔn terr nɛ wo payi:Puwo a tɛn tilɛ payiwutɔn kã ²⁹ Nwɔk ŋɔn chiwutɔn pɛ a wɛ ni npɛ a ƒú ni npɛ nju kɛ:Hé! Ɔnɛ ƒa Tepa nini wœ bú nini a viŋ ke mã mitɔntãg. ³⁰ A wœ chimã. nini tek a nsayi ŋɔn muni! ³¹ A nɔn ŋɔtɔn napɛ puwi payima nsiye,ni npɛ ju kɛ:À wo nɔn chimã,nimɛ a ke kuwɔ ni tewœ chimã! ³² Kɛ israɛli kútɛn Krista ni tek a nsayi ŋɔn ni nani aƒlɛ nsɛn keŋɔn!Po na nɔnɛ sayi ndœli Yezu ŋɔn napɛ ƒú te. ³³ Baya kunug miŋ wo po nã,ƒiŋtuk mã suwatã duglewɔ ŋɔn ni nkayi na baya kuwarrŋa tɛn miŋ lɛ. ³⁴ Kebɔn minɛ,Yezu iya mãk yɛ kɛ:Eloyi,Eloyi,lama sabaktani? ke ŋɔn wo kɛ:Mu Tepa,muTepa,terr wòhó a nje? ³⁵ Pule nɔsug na pɛ temã,popɛ na apɛ nju:Ja,apɛ Elisi juha. ³⁶ Ni pole nayinug ye tù nkayi fœ tœ nfɔnma vinɛgirile,ni ke ŋik ni a kã ani wò,ni nju kɛ:I je,na npeyi njaha ni nte Elisi npeyi a tekewó. ³⁷ Nimɛ Yezu wo iya nti ,a tevi ni nmãyi. ³⁸ Ni Tepa nitiya wœbiyamuya fœ tòh yini ntœ tɔgha ni nkayi nã setuwɔ. ³⁹ Sektɛn nɛ napɛ Yezu jani ,wowɛ Yezu wo mãyi nbuɔ,a ju:Ke ƒa npayi nŋɔnhɔn dimɛ nani Tepa pihī. ⁴⁰ Siyœ lewɔ napɛ a ja sɔke tiya.Magdala Mari,muni Jaki muni Joz muni Salome nug napɛ to a siyœ le, ⁴¹ po napɛ nsayi tehɔn,ni npɛ a jamã. a napɛ minɛ Galile,ni nɔn lele na sayi tehɔn te ni nkayi Jeruzalɛm ⁴² Ŋɔmiŋ wopo nã,ni ke suwãdɔ nani Tepa nini viàhà,ni popɛ seti tahanale, ⁴³ ni Arimate Jozɛƒu po,tɔnɛ pɛ nɔn vlake tī payi dug hɛ,ni tɔle napɛ Tepa pona sek toh.A te nãyi chiyã ni nkayi Yezu kú niŋ Pilati lɛ. ⁴⁴ Te kuwã kunã wo Pilati ƒœ pú,a te sektɛn juha ni a piya ni nto Te kú dɔ wo muɛhó. ⁴⁵ Te sektɛn wo keduk tesa nju nti telɛ,aYezu kú tœ Jozɛƒu kã. ⁴⁶ Ni jozɛƒu kayi ƒopiek duwi ni Yezu tekœ a nsayi nŋɔn ni pœk a fole ni dek tiŋ duwɔnã setarr le ni a dáh a dek le. Ni nti ni dɔk pœk nkayisa a dek biyamuya. ⁴⁷ Magdala Mari muni Jaki,muni Salomewu nug Mari napɛ te yītiya ja.